I Pot 22:6 - Sơ̆p Hlabơar Nơ̆r 'Bok Kei-Dei

⁶ Thoi noh na pơtao đe Isơrael krao akŭm đei puăn-hrĕng 'nu lu 'bok khan lê̆ adrol, na jet lu sư: “Inh hăm gơh năm blah pơlei Ramôt Gileat ưh dah lê̆ đĕch?” Lu sư khan: “Gơh mơ̆n, năm blah bĕ, yua kơ Kră Yang gô jao pơlei 'noh lăm tơpang ti ih.”

I Pot 22:6 Referans Kwoze

I Pot 18:19

Thoi noh ih athei bĕ đe năm krao akŭm đĭ-đăng lu bơngai Isơrael, tơ'bơ̆p inh tơ kông Karmel păng puăn-hrĕng pơđăm-jĭt 'nu lu bơngai khan lê̆ adrol gah yang Baal, păng puăn-hrĕng 'nu lu bơngai khan lê̆ adrol yang Asêra păng lu bơngai sŏng sa tơ gơ'bang Jêsebel.

Êsêkiên 13:22

Yua kơ lu iĕm iŏk tơdrong hơlĕnh pơm kơ lu bơngai tơpăt rơdu sơ'ngon mă Inh tam pơm kơ lu sư rơdu sơ'ngon ôh, păng yua kơ lu iĕm pơhlŭ lu bơngai kơnê̆ wă kơ lu sư ưh kơ tơbral lê̆ trong kơnê̆, na gơh đei arih,

Tơdrông Tơ'bôh 19:20

Na gah sem brem mă kơnê̆ ei păng sem brem mă 'bar mă gơh pơm tơdrong hlĭch chrơp, wă kơ kon pơlei pơla lui kơ tơdrong sư pơm noh na chơ̆m đŏng yâu sem brem kơnê̆ tơ klĕng lu bơngai mă kơkuh kơ rup sư noh, gah bre sư 'Bok mă hao aseh păng lu linh Sư blah rôp tơhuŏng hloi bre sư oei arih tơ dơnâu ŭnh.

II Tim 4:3

Ning-mônh đei lơ bơngai ưh pă wă mơ̆ng tơdrong 'Bok Kei-Dei. Đe wă kiơ̆ gah tơdrong kư̆ kă sư kơdih đĕch, na lu sư chă bơngai bơtho sư kiơ̆ kơ sư wă mơ̆ng đĕch, ưh pă kiơ̆ tơdrong 'Bok Kei-Dei dơ̆ng.

Mathiơ 7:15

“Iĕm kơchăng kơ lu bơngai hơlĕnh khan sư bơngai pơtruh nơ̆r 'Bok Kei-Dei. Lu sư bơngai 'bơ̆r đak klak ŭnh. Bơ̆n lăng gah 'ngoaih sư hơbŏ dim thoi triu, mă-lei lăm to sư dang kŏ-so 'maih chă kăp đe.

Je 5:31

Lu bơngai khan lê̆ adrol pơma hơlĕnh, lu 'bok soi pơgơ̆r kiơ̆ thoi lu sư gơh kơdih, lu kon pơlei Inh lăp dêh kơ tơdrong thoi noh. Mă-lei truh năr tôch kơnh lu iĕm gô pơm thoi yơ?”

II Ho 18:14

Wă sư truh tơ pơtao, pơtao apinh sư: “Ơ Mikaia lu bơ̆n hăm gơh năm blah Ramôt tơ Gileat, dah ưh?” Sư tơl: “Năm blah bĕ, gô jei ih; sư gô jao pơlei noh lăm ti ih.”

I Pot 22:15

Lăp Mikai tơ'bơ̆p pơtao, pơtao jet sư: “Ơ Mikai, bơ̆n hăm gơh năm blah Pơlei Ramôt Gileat ưh, dah mă lê̆ kơ năm blah đĕch?” Mikai tơl: “Năm blah bĕ, gô jei bơ̆n; Kră Yang gô pơjao pơlei 'noh lăm tơpang ti ih.”

I Pot 22:5

Jêhôsaphat khan kơ pơtao đe Isơrael dơ̆ng: “Mă adrol hloh bơ̆n athei krao apinh jet Kră Yang 'mơ̆i.”

I Pot 22:10

Kơplah noh pơtao đe Isơrael păng Jêhôsaphat pơtao đe Juđa hrŭk ao pơtao hơ-oei kơpal tang-dŏ pơtao tơ anih đe preh 'ba 'bơ̆t jê̆ 'măng jang Pơlei Samari. Đĭ-đăng 'bok khan lê̆ adrol oei pơma khan lê̆ adrol 'bơ̆t anăp bre sư.

II Pot 3:13

Êlisê khan kơ pơtao Isơrael: “Ih hăm inh đei tơdrong kiơ? Ih athei jet apinh bĕ bơngai khan lê̆ adrol mă mĕ 'bă ih yua sư noh:” Mă-lei pơtao Isơrael tơl: “Ưh ôh, yua kơ Kră Yang krao bơih pêng 'nu nhôn pơtao 'nâu wă jao lê̆ lăm ti lu bơngai Môap đĕch.”

II Pot 10:19

Dang ei na akŭm pơpôi ăn kơ ĭnh dôm lu bơngai khan lê̆ adrol yang Baal noh bĕ lu bơngai kơkuh kơ sư păng đĭ-đăng lu 'bok soi sư. Ưh kơ gơh krŭl minh 'nu bu ôh, yua kơ ĭnh wă pơyơ̆r minh pôm tơmam soi tih ăn kơ yang Baal. Dah bơngai bu ưh kơ truh sĭt bơngai noh ưh kơ arih ôh.” 'Noh Jêhu chă đon wă pơlôch pơtôch lê̆ lu bơngai bơ̆jang kơkuh kơ yang Baal.

Êsai 36:10

Hloh kơ noh dơ̆ng, ưh kơ trŏ đơ̆ng Kră Yang athei inh tŏk blah dêh âu păng wă pơlôch pơrăm sư hă? Kră Yang 'mơ̆i athei inh năm blah dêh âu păng athei pơrăm pơlôch đĭ sư.”

I Pot 12:9

Pơtao jet: “Lu iĕm roi lăng kơ inh wă tơl tơwih kơ kon pơlei pơla thoi yơ? Lu sư đei khan kơ inh 'long ăt 'bă ih tơ'băk ăn kơ nhôn trăp dêh, apinh ih ăn kơ nhôn hơiơch 'biơ̆?”

I Pot 18:20

Thoi noh Ahap athei đe năm krao akŭm đĭ-đăng lu bơngai Isơrael păng lu bơngai khan lê̆ adrol năm akŭm tơ Kông Karmel.