I Pot 22:11 - Sơ̆p Hlabơar Nơ̆r 'Bok Kei-Dei

¹¹ Sêđekia, kon drŏ-nglo Kênaana hơjơ̆m pơm hơke păng bơsei khan: “'Nâu Kră Yang khan: ‘Hăm hơke 'nâu ih gô tơ̆m pơlôch pơrăm pơđĭ lu bơngai Aram!’ ”

I Pot 22:11 Referans Kwoze

Both 33:17

Rơmo tơno kơdră sư 'lơ̆ng rŏ pran kơtang. Ake sư noh ake rơmo tơno bri. Ake noh boih sư tơ̆m kon pơlei pơla. Dĭng truh tơ kon pơlei oei tôch teh đak, noh boih rơbâu hơngan 'nu bơngai Êphraim, kư̆m thoi dôm rơbâu 'nu bơngai Manase.

II Tim 3:8

Thoi lĕ kơ bre Jannơ păng Jambrơ sơ̆, bre sư ayăt kơ Môis, kư̆m thoi lu bơngai drŏ-nglo âu ayăt tơdrong 'Bok Kei-Dei dang ei mơ̆n. Đon lu sư kơnê̆ dêh, lu sư ưh kơ lui kơ 'Bok Kei-Dei tơpă ôh.

Mi 3:11

Lu bơngai sek tơlang sek pơgâm, lu 'bok soi bơtho tơ'bôh yua kơ jên đe apah, bê̆ gah lu bơngai khan lê̆ adrol pơma tơ'bôh kư̆m yua kơ jên. Mă-lei lu sư pơm gơnang kơ Kră Yang na khan: Kră Yang ưh kơ oei lăm lu bơ̆n hă? Tơdrong răm huay kơ truh tơ lu bơ̆n ôh!

Je 29:21

'Nâu Kră Yang Tih Hloh, 'Bok Kei-Dei bơngai Isơrael khan thoi âu gah Ahap, kon drŏ-nglo Kôlaia păng Sêđekia, kon drŏ-nglo Maaseia, bơngai mă yua anăn Inh khan lê̆ adrol hơlĕnh: “Inh gô jao lu sư kơ Nebukatnessar, pơtao Babilôn, sư gô pơlôch bre noh 'bơ̆t anăp lu iĕm.

Je 27:2

Kră Yang khan kơ inh thoi âu: “Iŏk tơlei akar păng 'long pơm bĕ 'long ăt, na 'băk tơ ako ih.

Je 23:31

Kră Yang khan: “'Nâu Inh gô blah lu bơngai khan lê̆ adrol, mă yua hơpiĕt lu sư kơdih khan: ‘'Nâu nơ̆r Kră Yang khan!’

Je 23:25

Inh đei kơtơ̆ng nơ̆r lu bơngai khan lê̆ adrol hơlĕnh yua anăn Inh khan! ‘Inh apo 'bôh, inh apo 'bôh.’

Je 23:17

Lu sư hrăn pơma roi kơ lu bơngai areh kơ Inh: ‘Kră Yang khan: Lu iĕm gô đei hiôk-hian.’ Lu sư pơma roi kơ đĭ lu bơngai arăng kơ̆l kiơ̆ thoi lu sư wă kơdih. ‘Ưh kơ đei tơdrong răm kiơ truh kơ iĕm ôh.’

Jang 21:11

Abus sư năm hơpong tơ nhôn hăm hloch iŏk tơlei tơ̆n Pôl chô̆ hloi jơ̆ng ti sư kơdih. Sư khan: “Yang Bơhngol 'Lơ̆ng tơbăt kơ inh thoi âu: ‘Thoi inh chô̆ jơ̆ng ti inh kơdih âu, lu bơngai Juđê tơ Pơlei Jêrusalem gô chô̆ jơ̆ng ti ih hăm jao ih tơ bơngai nai dêh đe tơmoi.’ ”

I Pot 22:12

Đĭ-đăng lu bơngai khan lê̆ adrol pơma lei-lăi: “Tŏk blah bĕ pơlei Ramôt Gileat gô jei ih tơpă; “Kră Yang gô pơjao pơlei 'nâu lăm tơpang ti ih.”

I Pot 22:24

Kơplah noh Sêđekia, kon drŏ-nglo Kênaana, năm jê̆ Mikai, tap tơ'bŏk sư, na khan: “Yang bơhngol Kră Yang lĕch đơ̆ng inh trong ayơ, mă năm khan kơ ih?”

Da 8:4

Kơplah noh inh 'bôh triu tơno năm tơ̆m hơnhaih tơ gah bơmơ̆t, gah yă-nơ̆m păng gah gơal. Ưh kơ đei kon sem brem kiơ gơh kĕ tơblah hăm sư păng ưh kơ đei bu kĕ pơklaih đơ̆ng ti sư. Sư wă pơm kiơ mơ̆ng kơ sư wă păng sư jing rai tih.

Je 23:16

Kră Yang Tih Hloh khan: “'Nĕ pă mơ̆ng lu bơngai khan lê̆ adrol noh roi kơ iĕm. Lu sư roi ăn kơ iĕm tơdrong hơmĕng ưh kơ đei, lu sư khan lê̆ adrol kiơ̆ thoi lu sư chă đon kơdih, ưh kơ trŏ kơ đơ̆ng nơ̆r Kră Yang bơtho khan ôh.