I Pot 21:29 - Sơ̆p Hlabơar Nơ̆r 'Bok Kei-Dei

²⁹ “Ih hăm 'bôh Ahap tơjur akâu iŏk đon ala 'bơ̆t anăp Inh ưh? Yua kơ sư tơjur akâu iŏk đon ala 'bơ̆t anăp Inh, na Inh ưh kơ ăn tơdrong pơmat truh, 'bơ̆t chăl sư 'nâu ôh; mă-lei lăm chăl kon drŏ-nglo sư Inh gô ăn tơdrong gleh truh kơ hnam sư.”

I Pot 21:29 Referans Kwoze

II Pet 3:9

Sư ưh kơ wă pơđunh ôh kơ tơdrong Sư pơkă khan wă ăn Yêsu Krist jur, thoi lu bơngai che bơle noh khan. Sư oei mơnat ră kơ kon bơngai bơ̆n, Sư ưh kơ wă kơ minh 'nu bơngai hiong lăm tơdrong Sư phak ră. Thoi noh na Sư oei gô wă kơ đĭ-đăng bơngai tơbral kơdih tơdrong yoch.

Mi 7:18

Hăm đei bu jing 'Bok Kei-Dei thoi Ih, huay kơ jô̆ yo kơ tơdrong kơnê̆ đe păng huay kơ 'blŏk tơdrong glăi đơ̆ng kon pơlei mă oei oei lăm pơlei Ih, Ih huay kơ oei blĕk khŏm khŏm, yua kơ Ih iŏk tơdrong 'mêm mơnat na hiôk chơt.

II Pot 9:33

Sư athei: “Iĕm tơlơ̆ hơtat sư tơ teh jah.” Lu sư tơlơ̆ hơtat hloi yă ei tơ teh, na pham sư tơprah tơ tơnăr hnam, tơ akâu aseh, đơ̆ng noh aseh yak pơjuă akâu sư.

Horiso 86:15

Mă-lei, ơ Kră Yang! Ih boih Kră Yang 'Bok Kei-Dei mă 'mêm băt mơnat. Hiơ̆ kơ hil, 'bĕnh kơ tơdrong 'mêm păng tơdrong tơpăt sĭt.

Horiso 18:44

Lăp Lu sư kơtơ̆ng gah inh; lu sư chu yom kơ inh; Lu bơngai tơmoi kư̆m gô chu kiơ̆ inh.

II Pot 10:11

Jêhu kư̆m pơlôch đĭ lu adrĕch Ahap mă oei oei lăm Pơlei Jêsreel, pơlôch hloi kuan tih, lu buăl juăt sư ngơ-ngei, păng lu 'bok soi tơm sư, ưh pă đei lê̆ minh 'nu bu hloi.

Rom 2:4

'Bok Kei-Dei ưh kơ ăn kơ iĕm tơdrong gleh yua kơ iĕm ưh kơ đei tơdrong yoch hă? Ưh ôh. Sư ưh kơ ăn kơ iĕm tơdrong gleh yua kơ Sư wă kơ iĕm jah tơbral kơdih tơdrong yoch ră. Sư mơnat kơ iĕm tơpă na Sư ăn kơ iĕm oei hiôk khŏm khŏm. Mă-lei iĕm oei pơm yoch hơnơ̆ng đĕch ưh kơ đei tơbral ôh.

Je 7:17

Ih ưh kơ 'bôh ôh hă tơdrong lu sư pơm tơ pơlei Juđa păng tơ rok trong pơlei tih Jêrusalem?

Horiso 66:3

Pơma bĕ hăm Kră Yang 'Bok Kei-Dei khan: “Dôm tơdrong jang Ih trŏ kơ hli yom tơpă! Đơ̆ng tơdrong mơsêh tih Ih; na dôm lu ayăt gô wih hli yom kơ Ih.

Le 10:3

Môis păng Arôn năm hloi tơ Pharaôn păng khan kơ sư: Kră Yang 'Bok Kei-Dei kon pơlei Hêbrơ, đei khan thoi âu: Ih ưh kơ chu drap kơkuh 'bơ̆t anăp Inh dĭng truh dang yơ? Achăng bĕ lê̆ kon pơlei Inh năm, wă kơ lu sư năm kơkuh kơ Inh.

Luka 7:44

Đơ̆ng noh na Yêsu hue tơ bơngai drŏ-kăn noh khan hloi kơ Simôn: “Ih lăng bơngai drŏ-kăn âu. Lăp Inh mơ̆t tơ hnam ih, ih ưh kơ ăn kơ Inh đak wă ôp jơ̆ng Inh ôh, mă-lei sư âu ôp jơ̆ng Inh păng đak măt sư păng sut pơhrĕng păng sŏk sư kơdih.

Le 20:5

Iĕm 'nĕ drap kơkuh 'bơ̆t anăp lu rup noh păng kư̆m 'nĕ kơ soi sơmah kơ lu sư, yua kơ Inh boih Kră Yang 'Bok Kei-Dei iĕm, Inh Kră Yang 'Bok Kei-Dei băt kơ gar, dah bơngai bu areh kơ Inh, Inh gô jô̆ yoch đơ̆ng sư na phak truh tơ kon sâu se sư pêng puăn jơhnơr,

I Pot 21:28

Kră Yang khan kơ Êli Pơlei Tisbit:

I Pot 22:1

Lăm pêng sơnăm Aram păng Isơrael ưh kơ đei tơdrong tơblah.

II Pot 22:19

Yua kơ ih đei jơhngơ̆m tơbral bơih, băt tơjur akâu kơdih 'bơ̆t anăp Kră Yang 'bơ̆t ih kơtơ̆ng Inh pơma hil kơ teh 'nâu hăm kon pơlei lăm noh, dĭng lu sư jing juơ rơhiăng, kon pơlei sư pŭ hiap pơtê̆, mă-lei yua kơ ih hek ao, păng nhơ̆m hơdrĭ 'bơ̆t anăp Inh; yua kơ noh inh kư̆m kơtơ̆ng nơ̆r ih bơih.

II Ho 12:7

Wă Kră Yang 'bôh lu sư tơbral đei hloi nơ̆r Kră Yang khan kơ Samaia thoi âu: “Yua kơ lu sư tơjur akâu tơbral boih, Inh ưh pă pơlôch lu sư; mă-lei wă jah tơgŭm dŏng lu sư Inh ưh pă yua ti Sisăk tuh tơdrong Inh hil tơ pơlei Jêrusalem dơ̆ng.

Da 4:27

Thoi noh! Ơ Pơtao, apinh ih mơ̆ng nơ̆r inh bơtho khan kơ ih; iŏk bĕ tơdrong tơpăt na huai iŏk đơ̆ng yoch, 'mêm bĕ kơ lu bơngai dơnuh hin wă huai iŏk đơ̆ng dôm tơdrong kơnê̆ ih pơm. Thoi noh tơdrong hiôk-hian ih gô oei đei đunh năr.

I Pot 11:12

Mă-lei yua kơ Đawit 'bă ih, na Inh ưh kơ pơm ôh tơdrong 'nâu kơplah chăl ih dang ei, Inh gô hek teh đak 'nâu đơ̆ng tơpang ti kon drŏ-nglo ih.

II Pot 9:24

Jêhu iŏk hră sư gŭt prah Jôram 'brơ̆m 'bơm 'bơ̆t sơlam 'bar pah hơngiĕng, klĕch jrok tơ plei nuih sư, na sư pơ̆k lôch hloi lăm gre aseh sư.

II Pot 10:1

Tơ Samari, đei tơpơh-jĭt 'nu kon drŏ-nglo Ahap oei lăm Pơlei Samari. Jêhu chih kơthơ ăn kơ lu kră pơlei păng lu yŏng pơgơ̆r tơ Jêsreel păng lu bơngai mă wei-lăng kon drŏ-nglo Ahap chih khan:

Êsai 66:2

Dôm tơmam 'nâu tă kơ đơ̆ng ti Inh pơm ngăl, thoi noh đĭ-đăng tơmam gơh đei.” Kră Yang khan thoi noh. “'Nâu đei bơngai mă Inh lăng gĭt: Bơngai iơ̆m dim, đei jơhngơ̆m băt tơbral, păng hli tơtey kơtơ̆ng nơ̆r inh pơma.

Êsai 66:5

Ơ lu iĕm bơngai mơ̆ng nơ̆r Kră Yang pơma mă hli tơtey, mơ̆ng bĕ nơ̆r Kră Yang. “'Nhŏng oh lu iĕm bơngai mă hil areh kơ lu iĕm, hŭt lê̆ lu iĕm yua anăn Inh păng khan: ‘Hơpơi kơ Kră Yang đei ư-ang, wă kơ lu nhôn 'bôh tơdrong hiôk chơt lu iĕm.’ Mă-lei lu sư bơih gô mơlâu.

Jôna 3:10

Kơplah noh Kră Yang 'Bok Kei-Dei 'bôh tơdrong lu sư hŭt achăng lê̆ đĭ trong kơnê̆, Kră Yang 'Bok Kei-Dei 'mêm mơnat ưh kơ pơrăm lu sư kiơ̆ thoi sư đei pơkă wă pơrăm.