I Pot 21:22 - Sơ̆p Hlabơar Nơ̆r 'Bok Kei-Dei

²² Inh gô ăn kơ adrĕch hnam ih đei tơdrong răm truh thoi adrĕch hnam Jêrôbôam, kon drŏ-nglo Nêbat păng thoi adrĕch hnam Baasa kon drŏ-nglo Ahija.’ Yua kơ ih pơm tơblĕk wă kơ inh hil păng pơhlŭ bơngai Isơrael pơm yoch.

I Pot 21:22 Referans Kwoze

I Pot 16:3

Yua kơ thoi noh na Inh gô pơlôch pơgoh lê̆ Baasa, păng đĭ hnam dơnŏ adrĕch sư, Inh gô pơm kơ hnam sư răm đĭ, thoi hnam Jêrôbôam kon drŏ-nglo Nêbat.

I Pot 16:11

Lăp Simri tŏk pơm pơtao, sư pơlôch pơđĭ bơngai lăm hnam Baasa ưh kơ lê̆ minh 'nu drŏ-nglo ayơ, mă khan lăm adrĕch adrung dah buăl juăt.

I Pot 14:16

Yua kơ Jêrôbôam pơm yoch păng pơm ăn kơ lu bơngai Isơrael jing yoch na Kră Yang achăng hŭt lu sư.”

I Pot 16:26

Sư kiơ̆ trong Jêrôbôam, kon drŏ-nglo Nêbat đei pơm, tơdrong sư pơm 'noh pơm ăn kơ lu bơngai Isơrael pơm yoch kiơ̆, tơblĕk Kră Yang 'Bok Kei-Dei đe Isơrael hăm tơdrong kơkuh kơ rup yang.

I Pot 15:34

Sư pơm tơdrong yoch kơnê̆ 'bơ̆t anăp Kră Yang, sư năm kiơ̆ trong Jêrôbôam păng tơdrong yoch sư, sư kư̆m pơm ăn kơ bơngai Isơrael dai wang pơm yoch kiơ̆.

I Pot 12:30

Tơdrong noh jing tơdrong yoch, lu kon pơlei pơla năm tơ pơlei Đan kơkuh kơ minh pôm rup yang rơmo tơ noh.

I Pot 13:34

Tơdrong 'nâu jing tơdrong yoch kơnê̆ tih kơ adrĕch hnam Jêrôbôam pơm ăn kơ dêh char sư pơchah pơchek păng đe pơlôch đĭ-đăng đơ̆ng kơpal teh đak âu.

Tơdrông Pơđơk 17:13

Bơngai bu pơm kơnê̆ tơwih kơ đe pơm 'lơ̆ng, Tơdrong truh pơmat ưh kơ weh ôh đơ̆ng hnam sư.

II Pot 9:9

păng ĭnh pơm kơ adrĕch Ahap lei-lăi thoi adrĕch Jêrôbôam kon drŏ-nglo Nêba păng lei-lăi thoi adrĕch Baasa kon drŏ-nglo Ahija.

II Pot 10:10

Lei na dang ei, bơ̆n athei băt lăm dôm nơ̆r Kră Yang đei khan bơih gah adrĕch Ahap, ưh kơ đei nơ̆r ayơ huŏng tơ teh; yua kơ Kră Yang pơkeh bơih nơ̆r sư pơkă mă sư yua 'bơ̆r Êli đĭch đam sư pơma.”