I Pot 21:20 - Sơ̆p Hlabơar Nơ̆r 'Bok Kei-Dei

²⁰ Ahap khan kơ Êli: “Ơ bơngai ayăt kơ inh, ih rôp tơm măt hă?” Êli tơl: “Inh rôp ih tơm măt boih,” yua kơ ih tĕch akâu ih kơdih wă pơm tơdrong yoch kơnê̆ 'bơ̆t anăp Kră Yang. Na Sư khan:

I Pot 21:20 Referans Kwoze

Rom 7:14

Bơ̆n băt mơ̆n tơdrong juăt 'Bok Kei-Dei pơkă trŏ tơpă; na kiơ̆ thoi inh bơngai tơrăn ưh kơ kĕ kiơ̆ tơdrong juăt noh, na jing đĭch kơ tơdrong yoch inh tơpă.

II Pot 17:17

Lu sư 'buh kon drŏ-nglo kon drŏ-kăn lu sư lăm ŭnh pơm tơmam soi sơmah kơ yang, lui kiơ̆ kơ pơjâu tơwir păng pơjâu lăng ti lu sư tĕch akâu lu sư kơdih pơm kơnê̆ 'bơ̆t anăp Kră Yang, wă tơblĕk Kră Yang.

I Pot 21:25

Tơpă, ưh kơ đei bơngai bu thoi Ahap tĕch akâu sư pơm tơdrong yoch kơnê̆ 'bơ̆t anăp Kră Yang, kiơ̆ kơ Jêsebel akăn sư pơhlŭ.

I Pot 18:17

Lăp Ahap 'bôh Êli na sư khan kơ Êli. “Ih hă pơrŭng lu bơngai Isơrael?”

Tơdrông Tơ'bôh 11:10

Đĭ-đăng bơngai ưh kơ lăp đon kơ bre sư, khan bre sư pơjĭ jơhngơ̆m đon đe. Na lăp đe 'bôh bre sư lôch boih, đĭ rim măt bơngai 'nă hal ngôi pơchơt dih băl, pơm chă tơăn băl tơmam.

Êsai 52:3

Kră Yang khan thoi âu; lu iĕm tĕch bơih mă-lei ưh kơ đei jên; na kư̆m gô huai iŏk iĕm dơ̆ng ưh kơ đei hăm jên kăk ôh.

Êphêsô 4:19

Lu bơngai yoch noh, lu sư ưh kơ băt kơ mơlâu. Lu sư pơm kiơ̆ kơ jơhngơ̆m lu sư wă đĕch. Lu sư pơm lơ tơdrong kơnê̆ 'mê̆-'mach.

Galati 4:16

Đơ̆ng rŏng kơ noh lăp inh tơ nai na đei lu bơngai năm pơtuah pơhlŭ iĕm. Inh kư̆m khan kơ iĕm tơpă boih ki, tơdrong sư pơtuah pơhlŭ iĕm noh ưh kơ yua kiơ kơ iĕm ôh, mă-lei dang ei iĕm lăng inh dang bơngai ayăt kơ iĕm hă?

Markôs 12:12

Na lu 'bok soi tih, lu thây bơtho tơdrong juăt đe Juđê, hăm lu đe kră sek tơlang chă tơdrong wă rôp hloi Yêsu yua kơ lu sư băt dôm tơdrong Yêsu pơma pơjuang noh hei trŏ hloi kơ lu sư tơpă. Mă-lei lu sư hli kơ lu kon pơlei pơla 'bơ̆t ei, na lu sư weh đơ̆ng Yêsu 'noh năm tơ nai.

Am 5:10

Lu sư areh kơ lu bơngai ngăl chrih kơ lu sư tơ 'măng jang pơlei păng ưh kơ iă kơ lu bơngai pơma tơpăt.

Êsai 50:1

Kră Yang khan: “Hla bơar achăng mĕ lu iĕm tơ yơ bơih? Bơngai mă Inh hrĕch achăng bơih. Dah bu mă tơ'ngla Inh hre. Mă đêl inh tĕch lu iĕm ăn kơ tơ'ngla noh? Inh tĕch iĕm yua kơ đơ̆ng tơdrong yoch iĕm kơdih: Hrĕch achăng lê̆ mĕ lu iĕm yua kơ đơ̆ng tơdrong kơnê̆ lu iĕm pơm.

II Ho 33:6

Sư 'buh pơyơ̆r kon drŏ-nglo sư pơm tơmam soi tơ lăm Thŭng Ben Hinôm sư chă tơdrong apo, lăng ti wă kơ băt adrol, chă lu pơjâu tơwir, kiơ̆ lu bơngai krao pơma dơnuh hăm atâu. Sư pơm yoch kơnê̆ rai dêh 'bơ̆t anăp Kră Yang pơm tơblĕk Sư.

II Ho 18:17

Pơtao Isơrael khan kơ Jêhôsaphat: “Inh hăm roi kơ ih khan bơngai noh ưh kơ đei pơma khan 'lơ̆ng gah inh, tă khan tơdrong kơnê̆ ngăl?”

II Ho 18:7

Pơtao Isơrael tơl Jêhôsaphat khan: “Oei đei pă minh 'nu anăn sư Mikaia kon drŏ-nglo Imla, apinh sư krao khan apinh Kră Yang; mă-lei inh areh dêh kơ sư, yua kơ sư ưh kơ đei khan lê̆ adrol 'lơ̆ng gah inh tă kơ khan lê̆ adrol kơnê̆ ngăl gah inh.” Jêhôsaphat khan: “Apinh ih 'nĕ pơma thoi noh!”

II Pot 21:2

Sư pơm kơnê̆ 'bơ̆t anăp Kră Yang, păng kơkuh tơdrong 'mê̆-'mach kiơ̆ thoi lu adrĕch adrung mă Kră Yang hlôi puh tơweh lê̆ đơ̆ng lu bơngai Isơrael.

I Pot 22:8

Pơtao Isơrael tơl Jêhôsaphat khan: “Đei oei pă minh 'nu anăn sư Mikai kon drŏ-nglo Imla; đơ̆ng sư 'noh bơ̆n gơh krao apinh jet Kră Yang; mă-lei inh areh kơ sư dêh, yua kơ sư ưh kơ khan lê̆ adrol tơdrong 'lơ̆ng gah inh, tă tơdrong kơnê̆ ngăl.” Jêhôsaphat tơl: “Pơtao ih 'nĕ kơ pơma thoi noh.”

I Pot 16:30

Ahap kon drŏ-nglo Ômri pơm tơdrong kơnê̆ 'bơ̆t anăp Kră Yang hloh kơ đĭ-đăng lu pơtao adrol kơ sư.

Je 38:4

Lu yŏng pơgơ̆r khan kơ pơtao: “Pơlôch bĕ bơngai 'nâu, yua kơ sư pơma thoi noh, pơm ăn kơ đon lu linh mă oei oei lăm pơlei âu păng pơm kơ jơhngơ̆m kon pơlei rơdu. Bơngai âu ưh kơ chă trong wă pơklaih kon pơlei ôh, mă-lei chă trong wă pơrăm.”

Êsêkiên 14:4

Na ih athei khan tơbăt kơ lu sư: ‘'Nâu nơ̆r Kră Yang Tih Hloh khan: “Bơngai bu lăm adrĕch Isơrael 'măn rup yang lăm jơhngơ̆m sư, păng dan tơdrong yoch wă pơm kơ kơtơih pơ̆k 'bơ̆t anăp muh măt lu sư, na năm tơ'bơ̆p bơngai khan lê̆ adrol, Inh boih Kră Yang gô tơl tơwih kơ lu sư trŏ thoi lơ rup yang lu sư.

II Sam 11:27

Hlôi kơ năr 'bŭ pơdong boih, Đawit athei đe năm iŏk sư oei lăm hnam pơtao; duch noh jing pơm akăn pơtao Đawit, tơpŭ ăn kơ pơtao minh 'nu kon drŏ-nglo, mă-lei dôm tơdrong Đawit pơm noh ưh kơ lăp đon Kră Yang ôh.