I Pot 20:7 - Sơ̆p Hlabơar Nơ̆r 'Bok Kei-Dei

⁷ Pơtao đe Isơrael kơtơ̆ng thoi noh bơih na sư krao akŭm đĭ-đăng lu 'bok kră lăm dêh char păng khan: “Lu iĕm lăng deh thoi yơ bơngai 'nâu chă đon wă pơrăm lu bơ̆n, yua kơ sư đei wơh boih lu đĭch đam sư wă athei inh pơjao ăn kon akăn inh păng lu hu maih inh kơ sư, inh kư̆m ưh pă gơh sơngah bơih.”

I Pot 20:7 Referans Kwoze

II Pot 5:7

Lăp pơtao đe Isơrael đŏk kơthơ noh, na sư hek hloi ao sư kơdih păng khan: “Inh Kră Yang 'Bok Kei-Dei hă na gơh pơlôch păng gơh pơrih? Na bơngai âu gơih nơ̆r sư khan athei inh pơklaih bơngai jĭ chin. Bơ̆n răp lăng inh băt sư 'maih chă tơdrong pơm ayăt kơ inh 'nâu.

Da 11:27

Đei 'bar 'nu pơtao noh, lăm jơhngơ̆m bre sư 'maih chă pơrăm băl, et sa hơ-oei minh pôm gô 'bang mă-lei pơma hơlĕnh băl, mă-lei tơdrong ưh kơ jing ôh, yua kơ gô đei năr tôch trŏ kơ năr đei pơkă boih.

Tơdrông Pơđơk 24:2

Yua kơ jơhngơ̆m lu sư chă wă pơrăm đe, Hơpiĕt lu sư pơma chă dơhla pơrŭng đe.

Tơdrông Pơđơk 11:27

Bơngai bu chă tơdrong 'lơ̆ng gô đei tơdrong hiôk, Mă-lei bơngai bu wă chă tơdrong kơnê̆ gô đei tơdrong kơnê̆ truh.

Tơdrông Pơđơk 11:14

Ưh kơ đei bơtho tơ'bôh lu kon pơlei gô huŏng, Mă-lei tơdah đei bơngai pơđâu chă đon kon pơlei kĕ jei.

Tơdrông Pơđơk 6:14

Jơhngơ̆m kơnê̆ chă đon wă pơm kơnê̆, Ling-lang chă tơdrong tơhil.

Horiso 140:2

Lăm jơhngơ̆m lu sư chă đon wă pơm kơnê̆ Prăt năr lu sư wă tơblah.

Horiso 62:3

Dĭng dang yơ dơ̆ng iĕm wă blah minh 'nu bơngai. Đĭ-đăng lu iĕm hơdai wang wă pơlôch sư. Thoi lĕ kơ tơnăr grê, thoi dur wă păk.

Horiso 36:4

Sư tơchĕng wă pơm kơnê̆ kơplah oei kơpal giơng, Sư kiơ̆ trong ưh kơ 'lơ̆ng, sư ưh kơ achăng lê̆ tơdrong kơnê̆.

Horiso 7:14

To lu sư anăp tơdrong kơnê̆, oei găn tơdrong kơnê̆ na hơiơch tơdrong hơlĕnh

Jop 15:35

Lu sư anăp kơ tơdrong răm, tơpŭ hloi tơdrong kơnê̆. Lăm tơpu kon anăp bơih đei dôm tơdrong hơlĕnh pơdăr.

I Ho 28:1

Đawit krao akŭm đĭ-đăng lu bơngai pơgơ̆r Isơrael, brŏk tơ pơlei Jêrusalem. Lu bơngai yŏng kơdră lăm adrĕch adrung, lu bơngai pơgơ̆r lăm khŭl mă bơ̆jang kơ pơtao, lu yŏng wei-lăng minh-rơbâu păng minh-hrĕng linh, lu bơngai wei-lăng mŭk tơmam lu sem dơrong pơtao hăm lu kon drŏ-nglo sư, hơdai hăm lu bơngai bơ̆jang lăm hnam pơtao păng đĭ-đăng lu bơngai gơh hơgei nuih pran kơtang.

I Ho 13:1

Đawit pơđâu hăm yŏng pơgơ̆r minh-rơbâu linh, yŏng pơgơ̆r minh-hrĕng linh, hăm rim kră pơgơ̆r.

I Pot 8:1

Pơtao Sôlômôn, krao akŭm đĭ lu kră pơgơ̆r, lu yŏng kơdră lăm adrĕch adrung Isơrael năm tơ sư tơ Pơlei Jêrusalem năm sơng Hom Pơgơ̆p Kră Yang đơ̆ng lăm pơlei Đawit tơ Siôn ba tơ Hnam akŭm Kră Yang.

I Pot 20:6

Thoi noh, pơgê dơning lăm jơ 'nâu inh gô wơh đĭch đam inh năm truh tơ hnam ih, lu sư gô chă yuih lăng dôm tơmam kiơ mă lu sư kăl lăm hnam ih păng lăm hnam đĭch đam ih, lu sư iŏk chĕp ba pơđĭ.’ ”

I Pot 20:8

Lu đe kră păng đĭ-đăng kon pơlei pơla khan: “Pơtao, ih 'nĕ kơ mơ̆ng nơ̆r sư păng 'nĕ kơ chu sư.”

I Pot 21:8

Jêsebel chih hla bơar yua hăm anăn pơtao Ahap păng chơ̆m tơdra đơ̆ng pơtao, đơ̆ng noh gơih ăn kơ lu kră pơlei păng lu bơngai đe pơyom oei hơdai hăm pơlei Nabôt.