I Pot 20:34 - Sơ̆p Hlabơar Nơ̆r 'Bok Kei-Dei

³⁴ Ben Hadat khan kơ Ahap: “Inh gô pơdrâu ăn kơ ih dôm lu pơlei mă 'bă inh tơgar iŏk đơ̆ng 'bă ih. Ih gô pơm hnam mơdro sa tih tơ lăm Pơlei Đamas, kư̆m thoi 'bă inh đei pơm bơih tơ lăm Pơlei Samari.” Ahap tơl: “Gah inh, gô drơ̆ng ăn kơ ih brŏk kiơ̆ thoi nơ̆r ih pơkă 'nâu.” Thoi noh Ahap pơkă pơkăm pơgơ̆p hăm 'Ben Hadat, đơ̆ng noh ăn kơ Ben Hadat brŏk.

I Pot 20:34 Referans Kwoze

I Pot 15:20

Ben Hadat chu nơ̆r pơtao Asa, athei lu linh sư năm tơblah hăm lu kon pơlei Isơrael. Sư blah iŏk pơlei Ijôn, pơlei Đan, pơlei Abel Bet Maaka, đĭ char Kinêrot păng đĭ kơ char Naptali.

Êsai 26:10

Lu bơngai kơnê̆ pơm mă đơ̆ng Kră Yang mơnat ăn ră, kư̆m ưh kơ wă hŏk iŏk tơdrong 'lơ̆ng tơpăt, lu sư oei pơm tơdrong kơnê̆ lăm teh đak 'lơ̆ng tơpăt, păng ưh kơ 'bôh ôh tơdrong 'lơ̆ng rŏ tih-tin Kră Yang.

I Pot 20:42

Bơngai khan lê̆ adrol 'noh khan kơ pơtao Isơrael: “Kiơ̆ thoi nơ̆r Kră Yang khan: ‘Yua kơ ih achăng bơngai mă Inh jao ăn kơ ih wă kơ ih pơlôch sư. Na tơdrong arih ih gô tơplih tơdrong arih sư, păng tơdrong arih lu kon pơlei ih gô tơplih tơdrong arih lu kon pơlei pơla sư.’ ”

Êsai 8:12

Sư khan: “'Nĕ kơ pơma 'bơm wă blah, dôm lu tơdrong kon pơlei âu pơma 'bơm blah plơ̆. 'Nĕ kơ hli tơdrong lu sư hli păng 'nĕ kơ tơrơ ôh.

II Ho 18:30

Pơtao Siri pơkă tơtă kơ lu yŏng linh hao gre aseh sư: “'Nĕ kơ blah bu hŏ mă 'lơ̆p, dah 'lŏ, mă-lei blah rĕng kơ minh 'nu pơtao Isơrael đĕch.”

II Ho 16:4

Ben Hadat mơ̆ng kiơ̆ pơtao Asa na wơh lu yŏng linh năm blah iŏk lu pơlei tih bơngai Isơrael; lu sư blah iŏk lu pơlei Ijôn, pơlei Đan, pơlei Abel Maim păng lu pơlei đei hnam mong tơmam char Naptali.

I Pot 22:31

Kơplah noh pơtao đe Aram đei krao păng pơkă ăn kơ pêng-jĭt 'bar 'nu yŏng linh đei lu gre aseh: “Iĕm 'nĕ kơ blah bu hŏ, lu hơ'lơ̆p dah mă lu bơngai 'lŏ, iĕm athei blah rĕng kơ minh 'nu pơtao đe Isơrael đĕch.”

I Sam 11:1

Nahas, pơtao bơngai Ammôn, pơgơ̆r lu linh năm wang dăr pơlei Jabes lăm Gileat. Đĭ-đăng kon pơlei lăm Jabes năm apinh Nahas: Apinh ih ăn kơ nhôn kĭ pơgơ̆p hăm ih, na lu nhôn gô bơ̆jang kơ ih.

I Pot 20:33

Lu bơngai 'noh mơ̆ng nơ̆r pơtao Ahap pơma 'noh 'lơ̆ng tơpă na lu sư lui hloi, khan: “Ben Hadat 'noh 'nhŏng oh ih tơpă.” Ahap khan dơ̆ng: “Lu iĕm năm iŏk sư tơ âu.” Na 'Ben Hadat năm tơ'bơ̆p Ahap. Pơtao Ahap pơtơm 'Ben Hadat hao gre aseh sư.

Both 7:2

Layơ Kră Yang 'Bok Kei-Dei jao lu adrĕch noh kơ iĕm păng iĕm blah pơrăm đĭ lu sư jei iĕm, kơplah noh iĕm athei pơlôch đĭ lu sư, 'nĕ kơ pơgơ̆p hơdai hăm lu sư păng kư̆m 'nĕ kơ mơnat kơ lu sư mơ̆n.

I Sam 15:8

Sư rôp arih Agak, pơtao lu bơngai Amalek; đơ̆ng noh iŏk đao pơlôch pơđĭ lu kon pơlei pơla.

I Sam 15:9

Sôl păng kon pơlei achăng mơnat kơ Agak, kư̆m ưh kơ đei pơlôch lu sem dơrong mă 'lơ̆ng hloh lăm lu khŭl rơmo dah triu, rong mă bek, kon triu păng dôm lu sem dơrong 'lơ̆ng hloh, mă-lei pơlôch pơđĭ dôm lu kon sem kiơ kơnê̆ păng ưh kơ gĭt.