I Pot 20:29 - Sơ̆p Hlabơar Nơ̆r 'Bok Kei-Dei

²⁹ 'Bar khŭl sư tơdơ̆ng tơklă băl lăm tơpơh năr. Năr mă tơpơh lu sư tơblah băl; lăm minh năr lu linh Isơrael pơlôch lu linh Siri yak jơ̆ng hloh minh-hrĕng rơbâu 'nu.

I Pot 20:29 Referans Kwoze

Êsai 37:36

Kơplah noh, linh jang 'lơ̆ng đơ̆ng Kră Yang năm mơ̆t tơ lăm kơđông lu linh Asiri păng pơlôch minh-hrĕng tơhngam-jĭt pơđăm-rơbâu 'nu, pơgê hrôih năr đơ̆ng rŏng đe hơđơ̆r iung 'bôh bơngai lôch hnơ̆k hnăk.

Horiso 10:16

Kră Yang boih Pơtao ling-lang hlŏng hloi; Lu teh đak gô pơrăm đĭ đơ̆ng dêh char sư.

II Ho 28:6

lăm minh năr Pêka kon drŏ-nglo Rêmalia, đei pơlôch minh-hrĕng 'bar-jĭt rơbâu 'nu linh bơngai Juđa, tă kơ lu linh mă nuih kơtang ngăl, yua kơ lu sư achăng lê̆ Kră Yang 'Bok Kei-Dei 'bok lu sư.

II Ho 13:17

Abija păng lu linh sư blah pơrăm đĭ lu bơngai Isơrael tih dêh đei pơđăm-hrĕng rơbâu linh nuih kơtang Isơrael lôch,

II Sam 10:18

Mă-lei lu linh Siri thuơ kơdâu đơ̆ng anăp lu linh Isơrael, Đawit pơlôch lu linh Siri pơrăm tơpơh-hrĕng tŏ gre aseh, păng puăn-jĭt rơbâu 'nu lu linh bơngai Siri. Sobak yŏng pơgơ̆r linh Siri rơka hngăm dêh păng lôch hloi tơ noh.

I Sam 17:16

Gôliat bơngai Philistin năm lĕch pơgê kơsơ̆, pơjăm linh bơngai Isơrael thoi noh lăm puăn-jĭt năr.

Jôsuê 6:15

Lăm năr mă tơpơh lu sư iung đơ̆ng hrôih, măt 'năr 'nao 'brưch hơdah, năm tăp dăr kơ pơlei tơpơh wơ̆t kư̆m thoi ki, lăp lăm năr noh đĕch lu sư năm tăp dăr kơ pơlei tơpơh wơ̆t,

Bl 25:20

Na, kơplah Isăk đei puăn-jĭt sơnăm, sư oei kơ Rê'bêka, kon adruh Bêthuel păng oh drŏ-kăn La'ban, lu sư bơngai Aram đơ̆ng char Phadan Aram.c

I Pot 20:28

Đei minh 'nu bơngai Kră Yang 'Bok Kei-Dei yua năm jê̆ pơtao Isơrael păng khan: “Kră Yang khan: Yua kơ kon pơlei Siri khan kơ Kră Yang noh yang kông, ưh kơ trŏ kơ yang thŭng dơnă ôh. Thoi noh na inh gô pơjao lu linh lơlap 'nâu lăm tơpang ti ih păng iĕm gô băt Inh bơih Kră Yang.”

I Pot 20:30

Dôm lu bơngai klaih đơ̆ng anih tơblah 'noh kơdâu ôn tơ lăm Pơlei Aphek, mă-lei dur pơlei pơchah kơtĭt lu sư lôch đei 'bar-jĭt tơpơh 'nu. Ben Hadat kư̆m kơdâu mơ̆t lăm pơlei, sư ôn tơ minh anih hlơp.

II Pot 13:17

na khan: “Pơih 'măng-'mŏk gah hơlĕch bĕ.” Na Jêhôas pơih hĭ 'măng. Êlisê khan: “Pơtao prah bĕ.” Na sư prah hloi. Kơplah ei Êlisê khan dơ̆ng: “'Noh bơih 'brơ̆m Kră Yang mă kĕ jei, 'brơ̆m mă ih blah lu bơngai Aram jei ih, lăm pơlei Aphek, dĭng ih pơrăm pơlôch lê̆ đĭ lu sư.

II Pot 13:25

Jêhôas kon drŏ-nglo Jêhôahas iŏk lê̆ dơ̆ng đơ̆ng Ben Hadat, kon drŏ-nglo Hasael, sư iŏk lê̆ lu pơlei mă Ben Hadat iŏk bơih đơ̆ng Jêhôahas, 'bă sư. Jêhôas blah Ben Hadat jei sư pêng wơ̆t păng iŏk lu pơlei lăm dêh char Isơrael đei kơ sư.