I Pot 20:27 - Sơ̆p Hlabơar Nơ̆r 'Bok Kei-Dei

²⁷ Bơngai Isơrael kư̆m krao akŭm đĭ-đăng, hơmet tơmam sa wă tơblah. Kon pơlei Isơrael pơm kơđông lu sư 'bơ̆t anăp tơklă kon pơlei Siri thoi 'bar khŭl bơbe tŏ-ĕt, gah lu linh bơngai Siri lơ dêh 'bĕnh-'bang kơ tơring char.

I Pot 20:27 Referans Kwoze

Lu 6:5

Yua kơ bơngai hăm sem dơrong lu sư truh pơm anih lơ tơpă thoi lep tung-nut. Ưh pă kĕ jô̆ kon bơngai hăm lu aseh lăk-đa lơ dêh tơpă truh tơ dêh noh lu sư wă blah pơrăm đĭ.

Bôk Bơthô 9:11

Inh 'bôh dơ̆ng đei tơ lăm ala teh 'nâu. Bơngai kơdâu hrĕnh kư̆m ưh kơ jei sư ling-lang lăm năr kơdâu pơjei, bơngai pran kư̆m ưh kơ kĕ tơblah jei ngăl, bơngai hơgei kư̆m ưh kơ đei tơmam sa phĭ mah ngăl, bơngai hlôh wao kư̆m ưh kơ mơdrŏng ngăl, bơngai đei 'bơ̆r đon kư̆m ưh kơ đei pŭn hiôk, yua kơ jơ lăp gô truh kơ đĭ-đăng rim bơngai lei-lăi.

I Sam 14:2

Kơplah 'noh, Sôl oei tơ 'nguaih kơ pơlei Gibêah, ala kơ tơm 'long plei gărnăt, tơ pơlei Migrôn, na lu linh kiơ̆ sư dang tơdrâu-hrĕng 'nu.

Lu 7:8

Giđêôn ăn kơ lu bơngai Isơrael noh brŏk tơ anih bơsŭn lu sư kơdih. Mă-lei Giđêôn gơ̆t iŏk pêng-hrĕng 'nu bơngai đĕch; na lu sư iŏk tơmam sa păng tơgiĕp đơ̆ng ti lu kon pơlei mă brŏk. Na kơđông bơngai Miđian oei pơdơh tơ lăm thŭng gah ala.

Jôsuê 1:11

“Lu iĕm athei năm jơ̆p tơ rim anih tơbăt ăn kơ kon pơlei: Hơmet bĕ tơmam sa lu iĕm, yua kơ pă pêng năr boih lu iĕm gô yak tŏk găn kơ đak Krong Jôrđăn, wă năm blah iŏk teh đak mă Kră Yang 'Bok Kei-Dei gô ăn kơ lu iĕm.”

Both 32:30

Tơdah Kră Yang Tơmo Tih ưh kơ đei tĕch lu sư, kư̆m ưh kơ jao lu sư kơ lu bơngai ayăt, pơm liơ lăp minh 'nu đĕch gơh druh puh lê̆ minh-rơbâu 'Bar 'nu gơh druh mơjĭt-rơbâu 'nu kơdâu?

Lu 6:3

Mưh lu bơngai Isơrael chă rei adrĕch, kon pơlei Miđian hăm kon pơlei Amalek păng bơngai đơ̆ng gah hơlĕch năm blah bơngai Isơrael.

Lu 7:12

Tơ noh kon pơlei Miđian, kon pơlei Amalek păng đĭ-đăng bơngai đơ̆ng gah hơlĕch nai oei tơ lăm thŭng lơlang lơlap nhen thoi lep tung-nut, lu aseh lăk-đa lu sư lơ ưh, kơ kĕ kơ jơ̆ nhen thoi pơlao chuơh tơter đak dơsĭ.

II Pot 3:6

Thoi noh pơtao Jôram weh đơ̆ng Pơlei Samari, sư krao pơtơm đĭ-đăng lu bơngai Isơrael.