I Pot 2:9 - Sơ̆p Hlabơar Nơ̆r 'Bok Kei-Dei

⁹ Yua kơ thoi noh na dang ei ih 'nĕ kơ jô̆ sư noh ưh kơ đei yoch, yua kơ ih jơ̆ minh 'nu bơngai gơh hơgei, ih băt wă pơm kơ sư thoi yơ, ih athei pơm kơ kơ̆l sŏk ko sư 'bơm pham ngăl na jur tơ dêh atâu.”

I Pot 2:9 Referans Kwoze

I Pot 2:6

Thoi noh, pơm bĕ kiơ̆ kơ ih gơh hơgei, mă-lei 'nĕ kơ lê̆ kơ̆l sŏk ko sư jur tơ dêh atâu hiôk-hian.

Bl 44:31

Na mưh lăng biŏng kơ sư ưh kơ 'bôh oh hơdruch, sĭt sư lôch tơpă. Na thoi ei dang ih pơm ăn kơ 'bă sŏk ko lu nhôn, kư̆m đĭch đam ih jĭ klơm hang nuih lôch.

Bl 42:38

Mă-lei Jakôp tơl sư: Kon hơdruch inh ưh kơ ăn sư kiơ̆ iĕm ôh. Yua kơ 'nhŏng sư đĭ lôch hiong boih, oei lăp pă minh 'nu sư, tơdah đei tơdrong ưh kơ pŭn truh kơ sư rok trong dơ̆ng lei lu iĕm âu wă pơm ăn kơ 'bok sŏk ko âu ơh sơ'ngon blĕk wă jur tơ dêh atâu.

Jop 9:28

Inh hli kơ oei pŭ dôm tơdrong pơmat-tat inh, yua kơ inh băt, Ih ưh kơ jô̆ inh bơngai tơpăt;

I Pot 3:28

Đĭ-đăng bơngai Isơrael kơtơ̆ng tơdrong pơtao sek tơlang noh lu sư hli yom ư-ang kơ pơtao, yua kơ lu sư 'bôh pơtao đei tơdrong gơh hơgei đơ̆ng Kră Yang 'Bok Kei-Dei, wă kơ sek tơlang tơpăt.

I Pot 3:12

'Nâu, Inh ăn tơdrong ih apinh, ăn kơ ih hlôh wao gơh hơgei, dĭng mah lu bơngai adrol kơ ih ưh kơ đei bu hơtŏ kơ ih păng lu bơngai đơ̆ng rŏng kơ ih kư̆m ưh kơ đei bu dang ih.

Jo 32:23

Tơdah iĕm ưh kơ pơm kiơ̆ thoi noh, lu iĕm gô pơm yoch 'bơ̆t anăp Kră Yang, iĕm athei băt tơdrong yoch noh gô tuh tơ kơpal kơ̆l lu iĕm.

Le 22:28

Ih 'nĕ kơ pơma kơnê̆ 'bơm Kră Yang 'Bok Kei-Dei păng kư̆m 'nĕ kơ hiap pơtê̆ yŏng pơlei pơla ih.

Le 20:7

Iĕm 'nĕ yua anăn Kră Yang 'Bok Kei-Dei iĕm wă pơma kư̆ kă, yua kơ Kră Yang ưh kơ achăng ôh bơngai bu yua anăn Kră Yang 'Bok Kei-Dei mă pơma kư̆ kă.

II Sam 16:5

Pơtao Đawit 'nao truh tơ pơlei Bahurim, 'bôh minh 'nu bơngai lĕch đơ̆ng lăm pơlei noh, anăn sư Simêi, kon drŏ-nglo Gêra, sư đơ̆ng adrĕch adrung Sôl na năm rah hiap rah.

Bl 9:6

Thoi noh bơngai bu mă pơlôch đe, na kư̆m đei đe nai pơlôch sư, yua kơ Kră Yang 'Bok Kei-Dei pơjing lu iĕm hơbŏ thoi rup sư.

Le 22:27

yua kơ sư đei ao lăp klơ̆p akâu đĕch; tơmam yă kiơ dơ̆ng sư wă tep, tơdah sư ôr krao Inh, Inh gô mơ̆ng nơ̆r sư yua kơ Inh boih Tơ'ngla mă 'mêm mơnat.

II Sam 3:39

Mă inh 'nâu đei tuh đak rơmă pôk pơm pơtao, mă-lei inh 'bôh inh rơdu tơrăn pơting hăm lu bơngai 'nâu, lu kon drŏ-nglo Sêruia; lu sư pơm kơtang hloh kơ inh Apinh Kră Yang pơm tơwih kơ lu bơngai pơm kơnê̆ 'nâu, kiơ̆ tơdrong kơnê̆ lu sư!”