I Pot 2:6 - Sơ̆p Hlabơar Nơ̆r 'Bok Kei-Dei

⁶ Thoi noh, pơm bĕ kiơ̆ kơ ih gơh hơgei, mă-lei 'nĕ kơ lê̆ kơ̆l sŏk ko sư jur tơ dêh atâu hiôk-hian.

I Pot 2:6 Referans Kwoze

I Pot 2:9

Yua kơ thoi noh na dang ei ih 'nĕ kơ jô̆ sư noh ưh kơ đei yoch, yua kơ ih jơ̆ minh 'nu bơngai gơh hơgei, ih băt wă pơm kơ sư thoi yơ, ih athei pơm kơ kơ̆l sŏk ko sư 'bơm pham ngăl na jur tơ dêh atâu.”

Êsai 57:21

Kră Yang 'Bok Kei-Dei inh khan: “Lu bơngai kơnê̆ ưh kơ đei hiôk-hian.”

Êsai 48:22

Kră Yang khan lu bơngai kơnê̆ ưh kơ đei layơ hiôk rơnŭk.”

Bôk Bơthô 8:11

Yua kơ lu bơngai mă pơm kơnê̆ ră, đe ưh kơ đei phak hloi, lei na jơhngơ̆m kon bơngai oei 'maih pơm kơnê̆ dêh.

Tơdrông Pơđơk 28:17

Bơngai bu tuh pham pơlôch đe, lê̆ sư kơdâu ôn truh tơ lôch; 'nĕ ăn bu tơgŭm sư.

Tơdrông Pơđơk 20:26

Pơtao gơh hơgei lei đei 'bôh đĭ lu bơngai kơnê̆, lê̆ jơ̆ng gre kơtĭt kơpal lu sư.

Horiso 37:37

Lăng bĕ tơ lu bơngai 'lơ̆ng păng lăng lu bơngai tơpăt; Yua kơ tuch-luch lu bơngai tơpăt gô đei tơdrong hiôk-hian.e

Êsai 65:20

Tơ noh ưh pă đei bơngai hơ'lơ̆p nge lôch hrôih, kư̆m ưh kơ đei bơngai kră ayơ mă ưh kơ arih sot tôm kơ sơnăm Yua kơ lôch kơplah minh-hrĕng sơnăm noh wă khan lôch oei mơlôh păng bơngai arih đei lăp minh-hrĕng sơnăm noh lăng thoi đei hiap pơtê̆.

Êsai 57:2

Sư mơ̆t lăm tơdrong hiôk-hian. Lu bơngai arih 'lơ̆ng tơpăt, gô lôch pơdơh tơ anih sư kơdih.

II Pot 22:20

'Noh, inh gô iŏk ih brŏk hơdai tơ lu yă 'bok ih; păng đe gô 'bŭ ih lăm bơsat hăm tơdrong hiôk-hian, păng măt ih gô ưh kơ 'bôh tơdrong răm truh mă inh wă tơjruh 'bơ̆t anih teh 'nâu.” Na lu sư brŏk roi ăn kơ pơtao dôm lu nơ̆r noh.

Jo 35:33

Lu iĕm 'nĕ kơ pơm kơnê̆ 'mê̆-'mach kơ teh iĕm wă oei; yua kơ đơ̆ng pham pơm mơgrĭ kơ teh đak; ưh kơ đei kiơ mă gơh pơm kơ teh rơgoh dơ̆ng dah đei bơngai tuh pham pơlôch đe, lăp minh tơdrong đĕch pơm mơgrĭ kơ teh, mưh ưh kơ pơlôch plơ̆ sư tuh pham lei ưh kơ gơh huai iŏk teh noh ôh.

Bl 42:38

Mă-lei Jakôp tơl sư: Kon hơdruch inh ưh kơ ăn sư kiơ̆ iĕm ôh. Yua kơ 'nhŏng sư đĭ lôch hiong boih, oei lăp pă minh 'nu sư, tơdah đei tơdrong ưh kơ pŭn truh kơ sư rok trong dơ̆ng lei lu iĕm âu wă pơm ăn kơ 'bok sŏk ko âu ơh sơ'ngon blĕk wă jur tơ dêh atâu.

Bl 9:6

Thoi noh bơngai bu mă pơlôch đe, na kư̆m đei đe nai pơlôch sư, yua kơ Kră Yang 'Bok Kei-Dei pơjing lu iĕm hơbŏ thoi rup sư.

I Pot 2:7

Ih athei oei hiôk hơiă hăm lu kon drŏ-nglo Barsilai bơngai Gileat, ih athei pơm 'lơ̆ng kơ lu sư, ăn kơ lu sư sŏng sa hơdai hăm ih minh pôm gơ'bang, yua kơ sơ̆ lu sư kư̆m pơm 'lơ̆ng kơ inh, sơng iŏk inh kơplah inh kơdâu jăk đơ̆ng Apsalôm 'nhŏng ih.

Bl 9:5

Sĭt tơpă, tơdah kon bơngai dah sem brem pơlôch iĕm, inh ưh kơ ăn kơ sư oei arih ôh.

II Sam 3:39

Mă inh 'nâu đei tuh đak rơmă pôk pơm pơtao, mă-lei inh 'bôh inh rơdu tơrăn pơting hăm lu bơngai 'nâu, lu kon drŏ-nglo Sêruia; lu sư pơm kơtang hloh kơ inh Apinh Kră Yang pơm tơwih kơ lu bơngai pơm kơnê̆ 'nâu, kiơ̆ tơdrong kơnê̆ lu sư!”

I Pot 3:12

'Nâu, Inh ăn tơdrong ih apinh, ăn kơ ih hlôh wao gơh hơgei, dĭng mah lu bơngai adrol kơ ih ưh kơ đei bu hơtŏ kơ ih păng lu bơngai đơ̆ng rŏng kơ ih kư̆m ưh kơ đei bu dang ih.