I Pot 2:31 - Sơ̆p Hlabơar Nơ̆r 'Bok Kei-Dei

³¹ Pơtao Sôlômôn khan: “Pơm bĕ thoi sư nơ̆r khan. Pơlôch sư păng 'bŭ sư, lei na inh păng hnam 'bă inh huay pă pŭ boih pham mă Jôap tuh tơdrong kơ đei.

I Pot 2:31 Referans Kwoze

Jo 35:33

Lu iĕm 'nĕ kơ pơm kơnê̆ 'mê̆-'mach kơ teh iĕm wă oei; yua kơ đơ̆ng pham pơm mơgrĭ kơ teh đak; ưh kơ đei kiơ mă gơh pơm kơ teh rơgoh dơ̆ng dah đei bơngai tuh pham pơlôch đe, lăp minh tơdrong đĕch pơm mơgrĭ kơ teh, mưh ưh kơ pơlôch plơ̆ sư tuh pham lei ưh kơ gơh huai iŏk teh noh ôh.

Le 21:14

Tơdah bơngai bu pơrơ̆ng chă đon wă 'maih pơlôch đe. Mă đơ̆ng sư ôn tơ anih chơnang soi kơ Inh, kư̆m athei rôp păng pơlôch sư.

Jang 28:4

Lu bơngai nai oei tơ bŏl đak ei 'bôh 'bih kăp pơđom ti Pôl, na lu sư pơma dih băl: “Rŏ lăng bơngai âu chă pơlôch đe rŏ lăng; mă-lei sư huay kơ lôch tơ đak dơsĭ iih, na dang ei yang Đêke kuă kơ lăng sư yua kơ sư pơm kơnê̆ kơ đe dêh, na sư wă lôch kơ 'bih choh.”

Tơdrông Pơđơk 28:17

Bơngai bu tuh pham pơlôch đe, lê̆ sư kơdâu ôn truh tơ lôch; 'nĕ ăn bu tơgŭm sư.

II Pot 9:26

“Kră Yang khan: Tơpă năr brei Inh 'bôh bơih pham Nabôt păng pham lu kon drŏ-nglo sư: Inh gô pơm plơ̆ kơ ih tơ mir 'nâu mơ̆n. Na hor bĕ atâu sư 'nâu klơ̆m hơtat lê̆ lăm mir chŭn noh kiơ̆ thoi nơ̆r Kră Yang hlôi khan bơih.”

II Sam 3:28

Đơ̆ng rŏng kơ Đawit băt boih, na sư khan: “Inh hăm dêh char pơtao inh ưh kơ đei layơ yoch 'bơ̆t anăp Kră Yang kơ pham Apner, kon tơdăm Nêr.

II Sam 3:29

Thŭ pham Apner noh tuh tơ kơpal kơ̆l Jôap hăm đĭ-đăng adrĕch 'bă sư păng adrĕch sư ưh kơ đei bu huay kơ đei jĭ krơ, jĭ chin, jopo, mơ'nah lôch kơ đao, mơ'nah tơmam sa ưh mah”

I Pot 2:30

Bênaia năm tơ bơsŭn anih akŭm Kră Yang, sư khan kơ Jôap: “Pơtao khan: Lĕch bĕ đơ̆ng âu.” Jôap tơl: “Inh ưh kơ lĕch, inh gô lôch 'bơ̆t dâu.” Bênaia năm roi ăn kơ pơtao: “Inh khan boih kơ Jôap, sư khan sư ưh kơ lĕch.”