I Pot 2:26 - Sơ̆p Hlabơar Nơ̆r 'Bok Kei-Dei

²⁶ Pơtao Sôlômôn khan kơ 'bok soi Abiathar: “Ih athei brŏk tơ pơlei Anathôt, anih ih jang sa, ih trŏ kơ lôch ră, mă-lei năr âu inh ưh kơ pơlôch ih ôh, yua kơ ih tung Hom Pơgơ̆p Kră Yang 'bơ̆t anăp Đawit 'bă inh păng kư̆m wang pŭ tơdrong gleh pơmat hơdai hăm 'bă inh.”

I Pot 2:26 Referans Kwoze

Jôsuê 21:18

Anathôt păng Almôn; đei tơmăn 'nhĕt đĭ-đăng puăn tŏ pơlei,

Mathiơ 10:42

Bơngai bu asong minh kơchŏk đak nhă kơ lu bôl bơ̆n mă pơm iĕ âu yua kơ bôl bơ̆n kiơ̆ Inh, bơngai 'noh 'Bok Kei-Dei gô apah sư tơpă.”

Je 1:1

Nơ̆r Jêrêmi kon drŏ-nglo Hilkia. Sư minh lăm lu 'bok soi oei tơ pơlei Anathôt, lăm char Bênjamin.

I Sam 26:16

Ih pơm thoi noh ưh pă trŏ boih. Đei anăn Kră Yang mă arih ling-lang pơm kơdranh đĭ-đăng lu iĕm trŏ kơ lôch, yua kơ ưh kơ wei gak yŏng tơ'ngla ih, bơngai mă Kră Yang tuh ăn đak rơmă. Na dang ei ih lăng lăng, tơju pơtao păng get đak 'bơ̆t kơ̆l tơ yơ boih?

Galati 3:4

Kơplah iĕm gơnang kơ Yêsu sơ̆ 'Bok Kei-Dei tơgŭm iĕm tôm tơdrong tơpă. Mă-lei dang ei iĕm pơm khan sơ̆ Sư ưh kơ tơgŭm iĕm dah kiơ? Dôm tơdrong noh Sư tơgŭm iĕm tơpă yơh.

Luka 22:28

“Đơ̆ng sơ̆ khơ̆ dang ei Inh đei lơ tơdrong đe chă pơm kơ Inh, mă-lei iĕm ưh kơ achăng lê̆ Inh ôh.

Êsai 10:30

Ôr mă re bĕ, Ơ kon pơlei Galim! Mơ̆ng bĕ ơ pơlei Laisa păng mơnat dêh kơ kon pơlei Anathôt!

I Pot 2:35

Pơtao Sôlômôn pôk Bênaia kon drŏ-nglo Jêhôiada pơm yŏng linh tơplih Jôap, pôk Sadok pơm 'bok soi tơplih Abiathar.

I Pot 1:25

Năr 'nâu sư jur năm pơyơ̆r tơmam soi rôp rơmo tơno, kon rơmo dăm bek păng triu lơ dêh, na sư kư̆m đei krao wơ̆n đĭ-đăng kon drŏ-nglo pơtao, Jôap yŏng linh, 'bok soi Abiathar; lu sư oei et sa 'bơ̆t anăp Adonija păng jreo ôr 'bơ̆r re khan: ‘Adonija pơtao arih sot!’

I Pot 1:7

Sư pơđâu băl hăm Jôap kon drŏ-nglo Sêruia păng hăm 'bok soi Abiathar. Lu sư kiơ̆ Adonija păng tơgŭm sư.

II Sam 12:5

Đawit blĕk dêh kơ bơngai mơdrŏng noh, păng khan kơ Nathan: “Inh pơkă 'bơ̆t anăp Kră Yang arih ling-lang, bơngai pơm kơnê̆ dêh thoi noh trŏ kơ lôch!

I Sam 2:32

Ih gô 'bôh đei tơdrong rŭng răng lăm adrĕch Ih, mă khan đei pơm 'lơ̆ng kơ lu bơngai Isơrael ră mă-lei kư̆m oei ưh kơ đei bu arih dĭng kră lăm adrĕch ih dơ̆ng.