I Pot 2:24 - Sơ̆p Hlabơar Nơ̆r 'Bok Kei-Dei

²⁴ Na dang ei kiơ̆ thoi Kră Yang arih Tơ'ngla pơjing inh păng ăn kơ inh hơ-oei 'bơ̆t tang-dŏ pơtao Đawit 'bă inh, păng pơjing ăn kơ inh minh pôm hnam kiơ̆ thoi nơ̆r sư đei pơkă boih, gô pơlôch Adonija năr 'nâu.”

I Pot 2:24 Referans Kwoze

I Ho 22:10

Sư boih gô pơm hnam kơ Anăn Inh. Sư gô jing kon drŏ-nglo Inh, păng Inh gô jing 'bă sư. Inh gô pơm tang-dŏ pơtao sư lăm char Isơrael ling-lang khŏm khŏm.

Horiso 127:1

Tơdah Kră Yang ưh kơ đei pơm hnam, Lei lu thơ̆ jang man hnam ưh kơ đei kơ yua. Tơdah Kră Yang ưh kơ wei pơlei. Lu bơngai gak kral kơmăng kư̆m tơdrong kơ đei.

I Ho 29:23

Sôlômôn iung pơm pơtao Kră Yang pơtrơp kơ Đawit, 'bă Sư mơdrŏng tih; đĭ-đăng Isơrael chu kiơ̆ nơ̆r sư.

I Ho 17:23

Dang ei, ơ Kră Yang ăn kơ nơ̆r Ih pơkă pơ'ngam kơ đĭch đam Ih hăm hnam dơnŏ sư oei kơjăp ling-lang khŏm khŏm, apinh Ih pơm bĕ kiơ̆ thoi Ih đei pơkă boih,

I Ho 17:17

Tơdrong âu Ih lăng thoi oei iĕ đĕch 'bơ̆t anăp Ih, Ơ Kră Yang 'Bok Kei-Dei, Ih kư̆m đei roi mơ̆n kơ dêh char pơtao đĭch đam Ih tơ anăp âu kơnh păng lăng inh thoi bơngai đei đe pơyom hloh, Ơ Kră Yang 'Bok Kei-Dei.

I Ho 17:10

đơ̆ng chăl Inh ăn đei kră pơgơ̆r wei-lăng kon pơlei pơla Inh Isơrael păng Inh gô ăn đĭ-đăng lu ayăt chu yom kiơ̆ ih. “Inh roi ăn kơ ih băt Kră Yang gô pơm ăn kơ dêh char pơtao ih kơjăp.

I Pot 10:9

Kơkuh bơnê kơ Kră Yang 'Bok Kei-Dei ih, yua kơ Sư lăp đon kơ ih ăn kơ ih hơ-oei kơpal tang-dŏ pơtao lu bơngai Isơrael! Yua kơ Kră Yang 'mêm kơ Isơrael ling-lang, thoi noh na Sư ăn kơ ih pơm pơtao wei-lăng wă kơ ih pơm tơdrong trŏ păng 'lơ̆ng tơpăt.

I Pot 1:52

Sôlômôn tơl: “Tơdah sư arih sa pơm 'lơ̆ng tơpăt lei mă minh dăng sŏk đơ̆ng kơ̆l sư ưh kơ đei huŏng ôh tơ teh, mă-lei tơdah đe 'bôh sư pơm yoch sư gô lôch.”

I Pot 1:29

Pơtao pơkă pơkăm khan: “Hơpơi Kră Yang mă oei arih, Tơ'ngla pơklaih inh đơ̆ng dôm tơdrong pơmat-tat truh.

II Sam 7:27

Kơkuh kơ Ih, ơ Kră Yang Tih Hloh jơ̆ Kră Yang 'Bok Kei-Dei bơngai Isơrael, kơdih Ih 'mơ̆i đei tơ'bôh tơbăt nơ̆r 'nâu hăm đĭch đam Ih khan, Ih gô pơjing pơdơ̆ng hnam đĭch đam Ih kơjăp, na mă đĭch đam Ih âu jing pơ̆n pơyơ̆r kơ Ih dôm nơ̆r apinh 'nâu.

I Sam 25:28

Apinh 'nĕ jơ̆ yo kơ đĭch đam ih âu! Kră Yang tơpă gô ăn kơ teh đak pơtao ih kơjăp sot, yua kơ ih wang tơblah hơdai hăm Kră Yang păng đĭ lăm chăl arih ih ưh kơ đei 'bôh minh tơdrong răm kiơ.

Le 1:21

Yua kơ lu yă kơ'mĭn đei jơhngơ̆m hli yom tơpă kơ Kră Yang 'Bok Kei-Dei, na Kră Yang 'Bok Kei-Dei ăn kơ hnam dơnŏ lu sư hiôk jơnap,

II Sam 12:10

Thoi noh na, dao ưh kơ đei layơ pơdơh pơrăm hnam dơnŏ ih, yua kơ ih ưh kơ pơyom kơ Inh, tơgar iŏk akăn Uri, bơngai Hêtit, pơm akăn ih.”

I Pot 1:46

Sôlômôn hơ-oei kơpal tang-dŏ pơtao.

Tơdrông Pơđơk 20:2

Tơdrong pơtao hil thoi dăm-brang grĕnh, Bơngai bu kơ chu pơgreh pơtao gô hiong tơdrong arih kơdih akâu.