I Pot 2:22 - Sơ̆p Hlabơar Nơ̆r 'Bok Kei-Dei

²² Mă-lei pơtao Sôlômôn tơl mĕ sư: “Liơ ih apinh Abisak bơngai drŏ-kăn Sunamit ăn kơ Adonija pơm akăn? Liơ mĕ ưh kơ apinh iŏk đĭ dêh char 'nâu ăn kơ sư hloi, yua kơ sư 'nhŏng inh, liơ mĕ ưh kơ apinh ăn kơ sư 'bok soi Abiathar păng Jôap kon drŏ-nglo Sêruia hai.”

I Pot 2:22 Referans Kwoze

I Ho 3:2

mă pêng, Apsalôm kon drŏ-nglo mĕ sư Maaka, kon drŏ-kăn Tanmai pơtao dêh Gêsur; mă puăn Ađônija, kon drŏ-nglo mĕ sư Hagit;

Ya 4:3

Phŏ iĕm kư̆m krao khan apinh ră, mă iĕm apinh ưh kơ trŏ kơ tơdrong Sư wă, na Sư ưh kơ ăn. Iĕm apinh tơdrong wă yua kơ akâu iĕm kơdih đĕch.

Markôs 10:38

Na Yêsu khan kơ bre sư: “Liơ biĕm ưh kơ pơwao tơdrong biĕm apinh noh? Biĕm hăm kĕ iŏk tơdrong anat thoi Inh gô iŏk? Biĕm hăm kĕ chu lôch thoi Inh gô chu?”

Mathiơ 20:22

Yêsu khan kơ bre kon sư: “Lơliơ biĕm ưh kơ pơwao tơdrong biĕm wă noh? Biĕm hăm kĕ iŏk tơdrong anat thoi Inh iŏk?” Bre sư khan: “Nhi kĕ iŏk.”

I Ho 3:5

'Nâu dôm lu kon drŏ-nglo mă đei tơpŭ ăn kơ Đawit tơ Jêrusalem: Simêa, Sôbap, Nathan păng Sôlômôn, puăn 'nu âu, mĕ lu sư Batsêba, kon drŏ-kăn Ammiel.

I Pot 1:11

Na Nathan khan kơ Batsêba mĕ Sôlômôn. “Ih ưh kơ băt ôh hă Adonija kon drŏ-nglo yă Hagit pơm pơtao, mă Đawit pơtao bơ̆n kư̆m ưh kơ băt mơ̆n tơdrong noh hă?

II Sam 12:8

Inh ăn kơ ih wei-lăng hnam yŏng tơ'ngla ih, Inh pơjao lu akăn yŏng tơ'ngla ih lăm ti ih ăn kơ ih pơm pơtao pơgơ̆r kon pơlei Isơrael păng Juđa, păng dah tơdrong noh ưh tam tôm mah lei Inh gô ăn thim kơ ih lơ hloh dơ̆ng.

I Pot 2:15

Sư pơma: “Ih băt boih dêh char pơtao 'nâu trŏ kơ inh pơgơ̆r ră păng đĭ-đăng bơngai Isơrael chang wă kơ 'bôh inh pơgơ̆r ngăl, mă-lei dang ei dêh char âu jing oh inh pơgơ̆r, yua kơ đơ̆ng Kră Yang ăn kơ sư.

II Sam 16:21

Ahithôphel tơl: “Ih athei năm 'bĭch hăm lu akăn kơnhŏng 'bă ih mă lê̆ lu sư oei tơ noh wă wei-lăng hnam pơtao. Mưh đĭ-đăng bơngai Isơrael băt khan ih pơm kơnê̆ krưp kơ 'bă ih thoi noh, lei đĭ-đăng lu bơngai kiơ̆ ih, rai nuih kơtang hloh dơ̆ng.”