I Pot 2:15 - Sơ̆p Hlabơar Nơ̆r 'Bok Kei-Dei

¹⁵ Sư pơma: “Ih băt boih dêh char pơtao 'nâu trŏ kơ inh pơgơ̆r ră păng đĭ-đăng bơngai Isơrael chang wă kơ 'bôh inh pơgơ̆r ngăl, mă-lei dang ei dêh char âu jing oh inh pơgơ̆r, yua kơ đơ̆ng Kră Yang ăn kơ sư.

I Pot 2:15 Referans Kwoze

I Pot 1:25

Năr 'nâu sư jur năm pơyơ̆r tơmam soi rôp rơmo tơno, kon rơmo dăm bek păng triu lơ dêh, na sư kư̆m đei krao wơ̆n đĭ-đăng kon drŏ-nglo pơtao, Jôap yŏng linh, 'bok soi Abiathar; lu sư oei et sa 'bơ̆t anăp Adonija păng jreo ôr 'bơ̆r re khan: ‘Adonija pơtao arih sot!’

I Pot 1:5

Adonija kon yă Hagit, pôk atŏk sư kơdih khan: “Inh gô pơm pơtao” Sư chă hơmet kơ sư gre aseh lơlap păng chă bơngai hao gre aseh đei pơđăm-jĭt 'nu kơdâu adrol kơ sư.

Da 2:22

Đơ̆ng Sư boih mă tơbăt dôm tơdrong jrŭ ataih mă hlơp: Sư băt tôm tơdrong. Tơ lăm măng mu păng tơdrong hơdah oei lăm Sư.

Tơdrông Pơđơk 21:30

Ưh kơ đei tơdrong gơh hơgei ayơ, tơdrong đon hlôh wao ayơ, Dah tơdrong chă đon kơnê̆ ayơ, Mă gơh blah Kră Yang.

II Sam 16:18

Husai tơl Apsalôm: “Inh ưh kơ năm, inh gô kiơ̆ bơngai bu mă Kră Yang, kon pơlei 'nâu, păng đĭ-đăng kon pơlei Isơrael rơih iŏk; inh gô kiơ̆ păng oei hơdai bơngai noh.

II Sam 7:12

Lăp jơ 'năr ih đĭ boih, păng ih lôch năm oei hơdai hăm lu 'bok yă ih, na Inh gô pôk minh 'nu đơ̆ng lăm adrĕch adrung ih sư noh đơ̆ng kon ih pơjing wă pơtrơp kơ tang-dŏ pơtao ih, păng Inh gô ăn kơ dêh char pơtao sư kơjăp.

II Sam 15:13

Đei bơngai năm roi tơbăt ăn kơ Đawit: “Kon pơlei Isơrael kiơ̆ khŭl Apsalôm.”

II Sam 15:6

Apsalôm pơm thoi noh hăm đĭ-đăng lu bơngai Isơrael năm tơ pơtao wă apinh sek tơlang; thoi noh Apsalôm gơh đei iŏk jơhngơ̆m klơm klak bơngai Isơrael boih.

II Sam 12:24

Đawit pơlung Batsêba, akăn sư, Đawit năm tep hơdai hăm akăn sư; akăn sư tơpŭ kơ minh 'nu kon drŏ-nglo krao anăn sư Sôlômôn, Kră Yang 'mêm kơ sư dêh.

II Sam 3:3

Kon mă 'bar sư Kilêap, đơ̆ng Abigail đêl akăn Nabal bơngai Karmel tơpŭ. Kon mă pêng anăn Apsalôm kon drŏ-nglo Maka kon adruh Thamai, pơtao Gêsur.

II Sam 3:4

Kon mă puăn Adonija, đơ̆ng yă Hagit, kon drŏ-nglo mă pơđăm anăn Sephatia, kon kă Abitan;

I Pot 1:38

Thoi noh 'bok soi Sadok, Nathan bơngai khan lê̆ adrol, Bênaia kon drŏ-nglo Jêhôiada păng lu bơngai Kêrêthit, lu bơngai Phêlêthit jur năm hiŏng atŏk Sôlômôn tơ kơpal kơdŭ aseh dăm pơtao Đawit, klaih kơ noh năm ba sư tơ pơlei Gihôn.

I Pot 2:14

Sư khan: “Inh đei minh tơdrong wă pơma dơnuh hăm ih.” Yă Batsêba tơl: “Ih pơma bĕ.”

I Pot 2:16

Dang ei inh đei minh tơdrong wă apinh ih, ih 'nĕ kơ sơngah.” Yă Batsêba tơl: “Ih pơma bĕ.”

I Pot 2:22

Mă-lei pơtao Sôlômôn tơl mĕ sư: “Liơ ih apinh Abisak bơngai drŏ-kăn Sunamit ăn kơ Adonija pơm akăn? Liơ mĕ ưh kơ apinh iŏk đĭ dêh char 'nâu ăn kơ sư hloi, yua kơ sư 'nhŏng inh, liơ mĕ ưh kơ apinh ăn kơ sư 'bok soi Abiathar păng Jôap kon drŏ-nglo Sêruia hai.”

I Pot 1:39

Tơ noh 'bok soi Sadok iŏk hơke mong đak pơgang 'bâu phu đơ̆ng lăm bơsŭn anih akŭm tuh kơpal kơ̆l Sôlômôn. Đe hlôm tơgiĕp păng đĭ-đăng kon pơlei pơla ôr jreo pơma khan: “Sôlômôn pơtao arih sot!”