I Pot 19:8 - Sơ̆p Hlabơar Nơ̆r 'Bok Kei-Dei

⁸ Na sư iung sa păng nhă, sư đei jơhngơ̆m pran hloi đơ̆ng tơmam sa 'noh, đơ̆ng noh sư năm puăn-jĭt năr puăn-jĭt măng dĭng truh tơ Hôrêp kông Kră Yang 'Bok Kei-Dei.

I Pot 19:8 Referans Kwoze

Le 34:28

Môis sư oei hơdai hăm Kră Yang tơ kông noh puăn-jĭt năr puăn-jĭt măng, sư ưh kơ đei sŏng sa kư̆m ưh kơ đei nhă đak, đơ̆ng noh Kră Yang chih tơ 'bar hlak gơ'bang tơmo dôm lu nơ̆r pơgơ̆p, wă khan mơjĭt khôi juăt.

Mathiơ 4:2

Yêsu ưh kơ đei sŏng sa puăn-jĭt năr puăn-jĭt măng, na Sư pơngot.

Both 9:18

Yua kơ lu iĕm pơm kơnê̆, pơm tơdrong yoch tih 'bơ̆t anăp Kră Yang che bơle tơblĕk Sư, na inh drap kơkuh 'bơ̆t anăp Kră Yang lăm puăn-jĭt năr păng puăn-jĭt măng thoi adrol ki, ưh kơ đei sŏng sa păng ưh kơ đei nhă.

Le 24:18

Môis mơ̆t tơ tŏk-bŏk hơmơ̆l, tŏk tơ kơpal kông, oei tơ noh lăm puăn-jĭt năr păng puăn-jĭt măng.

Le 3:1

Môis wei triu Jêthrô tơnei sư, 'bok soi tơm dêh Mađian; sư wei chông ba khŭl triu tơ tơmăn 'nhĕt char glă, truh tơ kông Kră Yang 'Bok Kei-Dei, kông 'noh đe krao Hôrêp.

II Kor 12:9

Mă-lei Sư khan: “Huay ôh, ih kư̆ kơ jang tơdrong Inh mă tơpă đĕch, tơdrong ih jang ưh kơ kĕ ưh kơ pran noh lê̆ kơ Inh tơgŭm ih, ih 'nĕ hiơ̆k kơ tơdrong ih pơmat-tat noh, thoi noh na đe băt kơ tơdrong mơsêh mơyang Inh tih tơpă, ih pơmat-tat dang noh mă oei jang khŏm khŏm.” Thoi noh na dang ei inh kuă boih pơang kơ iĕm tơdrong noh, pơang pơăi tơdrong inh kơtul tơrăn đĕch na Sư ăn kơ inh hiôk gơh jang tơdrong Sư khŏm khŏm.

Luka 4:2

truh tơ char glă chơngue. Sư oei tơ ei puăn-jĭt năr. Na kơplah puăn-jĭt năr ei đei yang Satan năm pơhlŭ Sư. Kơplah noh Yêsu ưh kơ đei sŏng sa ôh. Lăp truh kơ puăn-jĭt năr ei boih na Sư pơngot.

Markôs 1:13

Sư oei tơ char glă ei puăn-jĭt năr na yang Satan năm pơhlŭ Sư. Sư oei păng kon sem bri brah đĕch, linh jang 'lơ̆ng đơ̆ng 'Bok Kei-Dei chă awih awăn kơ Sư tơmam sa.

Da 1:15

Tôm mơjĭt năr boih, lăng muh măt lu sư oei bek 'lơ̆ng hloh kơ lu hơ'lơ̆p nai mă đei sŏng sa tơmam sa 'lơ̆ng đơ̆ng pơtao.

Le 19:18

'Nhui gom jơ̆p kơ kông Sinai, yua kơ Kră Yang jur tơ lăm ŭnh: 'Nhui ŭnh noh tŏk tơ kơpal kơjung nhen thoi đơ̆ng tơnuh ŭnh tih păng jơ̆p kơ kông pơpơ̆ dêh.

Le 4:27

Kră Yang khan kơ Arôn thoi âu: Năm bĕ tơ char glă sơng Môis. Arôn năm hloi, tơ'bơ̆p Môis tơ kông Kră Yang 'Bok Kei-Dei păng sư chŭm Môis.

I Pot 19:7

Linh jang 'lơ̆ng năm tơ sư dơ̆ng wơ̆t mă 'bar râu sư khan: “Iung sa bĕ, yua kơ trong oei ataih dêh.”

I Pot 17:6

Rim pơgê kơsơ̆ ak jơngong ba ăn kơ sư 'bĕng mi păng 'nhĕm kông păng sư nhă đak thong Kêrit.