I Pot 19:6 - Sơ̆p Hlabơar Nơ̆r 'Bok Kei-Dei

⁶ Sư iung lăng 'bôh minh tơpei 'bĕng 'bơ̆t kơ̆l anih sư 'bĭch oei 'buh kơpal tơmo ŭnh păng minh pôm get đak, sư iŏk sa păng nhă đak 'noh đơ̆ng noh sư 'bĭch dơ̆ng.

I Pot 19:6 Referans Kwoze

Mathiơ 4:11

Satan kơdâu weh hloi đơ̆ng Sư, na blư bla kơ linh jang 'lơ̆ng năm tơgŭm Sư.

I Pot 17:6

Rim pơgê kơsơ̆ ak jơngong ba ăn kơ sư 'bĕng mi păng 'nhĕm kông păng sư nhă đak thong Kêrit.

Yo 21:9

Lăp lu sư tŏk tơ kông boih, lu sư 'bôh ŭnh ngar păng gơnap ka oei phang kơpal ŭnh ei păng đei 'bĕng mi mơ̆n.

Yo 21:5

Yêsu khan kơ lu sư: “Ơ tơpôl lu dăm, iĕm traih jal hăm đei rôp kiơ?” Lu sư khan: “Nhôn hoh-hoy kơ rôp minh găr.”

Mathiơ 6:32

Lu bơngai nai mă ưh kơ lui, lu sư tơchĕng kơ tơdrong noh ling-lang. Mă-lei 'Bă bơ̆n tơ plĕnh ti kư̆m băt boih dôm tơdrong lu iĕm kăl yua, Sư gô tơgŭm iĕm tơpă.

Êsai 33:16

Bơngai noh sư gô oei tơ lăm anih kơjung Sư gô kơ'nơp tơ lăm kông tơmo kơjăp tơmam sa sư rơkah rơkai, đak nhă sư mah ling-lang.

Horiso 37:3

Gơnang bĕ kơ Kră Yang păng pơm 'lơ̆ng. Oei bĕ lăm dêh char păng oei arih lăm tơdrong 'lơ̆ng tơpăt Sư.

Mathiơ 26:7

Kơplah lu sư oei sŏng sa đei minh 'nu drŏ-kăn chĕp minh pôm gŏl đak pơgang 'bâu phu đe gĭt tơpă, gŏl noh đe pơm păng tơmo. Na duch noh tuh tơ kơ̆l Yêsu.

I Pot 19:5

Na sư 'bĭch 'bơ̆t ala tơm 'long 'noh tep. Blư đei minh 'nu linh jang 'lơ̆ng râu sư, khan: “Iung sa bĕ.”

I Pot 19:7

Linh jang 'lơ̆ng năm tơ sư dơ̆ng wơ̆t mă 'bar râu sư khan: “Iung sa bĕ, yua kơ trong oei ataih dêh.”

I Pot 17:4

Ih gô nhă đak thong Kêrit 'noh păng Inh gô wơh sem ak 'me rong ih tơ noh.”