I Pot 18:7 - Sơ̆p Hlabơar Nơ̆r 'Bok Kei-Dei

⁷ Kơplah Ôbadia oei năm rok trong Êli tơ'bơ̆p sư. Ôbadia kơnăl kơ sư na drap tơ teh păng jet: “Hăm trŏ kơ ih Êli yŏng inh ưh?”

I Pot 18:7 Referans Kwoze

Mathiơ 11:8

Lei iĕm chă kiơ? Dah iĕm năm lăng bơngai hrŭk hơbĕn ao 'lơ̆ng? Tơ̆ng iĕm wă lăng bơngai hrŭk hơbĕn ao 'lơ̆ng, lei sư oei tơ hnam 'bok pơtao.

Mathiơ 3:4

Yôhan hrŭk ao tanh păng sŏk aseh lăk-đa păng tơ̆n gơ'năm akar tơ bơnei sư. Tơmam sa sư lep păng đak sut bri đĕch.

Êsai 60:14

Lu kon drŏ-nglo lu bơngai pơgŏ pơđep ih gô kŭp kơ̆l năm kơkuh kơ ih, păng rim 'nu lu bơngai mă pơjăm pơjuă ih gô drap 'bơ̆t jơ̆ng sơtơ̆p kŭl-tăng kơkuh kơ ih. Lu sư gô krao kơ ih pơlei Kră Yang pơlei Siôn Tơ'ngla 'Lơ̆ng Rơgoh Isơrael.

I Pot 11:29

Kơplah 'noh Jêrôbôam lĕch đơ̆ng pơlei Jêrusalem rok trong, Ahija bơngai khan lê̆ adrol pơlei Silô tơ'bơ̆p sư, Ahija hrŭk minh blah ao tai 'nao, 'bar 'nu măr sư đĕch oei tơ 'noh.

II Sam 19:18

Lu sư glơi wih wơ̆t to âu wă hơtŏk hnam dơnŏ pơtao tŏk kơ krong, păng pơm dôm tơdrong kiơ pơtao wă. Simêi, kon drŏ-nglo Gêra, kơkuh drap ala jơ̆ng pơtao Đawit kơplah pơtao wă tŏk kơ đak Krong Jôrđăn.

I Sam 20:41

Hlôi kơ đĭch sư năm boih, Đawit iung đơ̆ng gah gơal kơ tơmo sơtơ̆p kŭl-tăng tơ teh păng kơkuh kơ Jônathan pêng wơ̆t, na bre sư tơkuăr chŭm păng nhơ̆m, Đawit nhơ̆m đunh hloh.

Jo 12:11

Arôn khan kơ Môis: Ô, yŏng inh, apinh 'nĕ tơpŭ tơ nhi tơdrong yoch mă nhi pơm kơtul, tơdrong yoch mă nhi pơm ưh kơ hlôh kơwao mă đei pơm boih.

Bl 50:18

Kơdih kâu lu 'nhŏng oh sư năm drap bon tơ teh 'bơ̆t anăp Jôsep păng khan: Lu 'nhŏng oh 'nâu jing đĭch đam oh boih.

Bl 44:33

Yua kơ thoi ei, na apinh lê̆ inh pơm đĭch ih tơplih kơ bơngai 'lơ̆p âu, wă kơ sư brŏk kiơ̆ lu 'nhŏng sư.

Bl 44:20

Nhôn đei tơl ih thoi âu: Lu nhôn oei đei 'bă kră boih păng kư̆m oei đei minh 'nu oh 'lơ̆p mă hơiơch tuch-luch ăn kơ sư. 'Nhŏng kơdră sư lôch boih, na lăm lu kon mĕ sư, oei pă minh 'nu sư boih păng 'bă nhôn kơeng kơ sư dêh.

Bl 44:16

Juđa tơl: Lu nhôn pă băt thoi yơ hăm yŏng tơ'ngla nhôn wă pơma dŏng nhôn kơdih thoi yơ? Wă pơ̆n pơma kơ ih thoi yơ dơ̆ng. Kră Yang 'Bok Kei-Dei 'bôh nhen boih tơdrong kơnê̆ đĭch đam ih. 'Nâu, na đĭ-đăng kơ lu nhôn păng bơngai mă chă 'bôh kơchŏk tơ 'bi sư wă jing đĭch đam ih yŏng tơ'ngla.

Bl 18:12

Sara hiĕk lăm to păng khan: “Kră akar thoi inh âu, 'bônh ah đei tơdrong chơt hiôk noh? Gah yŏng inh kư̆m kră pă kĕ boih!”

Bl 18:2

Abraham ngơk lăng đei 'bôh pêng 'nu dơ̆ng jê̆ sư. Lăp sư 'bôh, sư kơdâu đơ̆ng 'măng bơsŭn sư tơkan tơ pêng 'nu noh, sư drap bon tơ teh.

I Pot 18:6

Thoi noh, na bre sư asong băl chă năm jơ̆p tơring char. Ahap sư năm trong 'nâu, Ôbadia sư năm trong to.

I Pot 18:8

Sư tơl: “Trŏ kơ inh bơih. Năm roi bĕ kơ yŏng ih khan: ‘Êli oei tơ âu.’ ”