I Pot 18:29 - Sơ̆p Hlabơar Nơ̆r 'Bok Kei-Dei

²⁹ Lăp 'năr kơsơ̆ glơh bơih lu sư krao ôr 'bơ̆r re păng truh jơ pơyơ̆r tơmam soi phe 'ba ăn kơ yang Baal 'bơ̆t jơ kơsơ̆ ei bơih, mă-lei ưh kơ kơtơ̆ng nơ̆r kiơ, kư̆m ưh kơ đei bu tơl păng ưh kơ đei bu mă hiơ̆k ăn.

I Pot 18:29 Referans Kwoze

Galati 4:8

Sơ̆ iĕm ưh kơ băt chă Kră Yang 'Bok Kei-Dei ôh, na mă iĕm jing đĭch yang nai, mă-lei yang noh ưh kơ yang tơpă ôh.

I Pot 22:12

Đĭ-đăng lu bơngai khan lê̆ adrol pơma lei-lăi: “Tŏk blah bĕ pơlei Ramôt Gileat gô jei ih tơpă; “Kră Yang gô pơjao pơlei 'nâu lăm tơpang ti ih.”

I Pot 22:10

Kơplah noh pơtao đe Isơrael păng Jêhôsaphat pơtao đe Juđa hrŭk ao pơtao hơ-oei kơpal tang-dŏ pơtao tơ anih đe preh 'ba 'bơ̆t jê̆ 'măng jang Pơlei Samari. Đĭ-đăng 'bok khan lê̆ adrol oei pơma khan lê̆ adrol 'bơ̆t anăp bre sư.

I Pot 18:26

Thoi noh lu sư iŏk rơmo dui ba tơ noh, kăt hlơ-hlah pơm hơmet, Đơ̆ng noh lu sư krao apinh hăm anăn yang Baal: Ơ Baal! Apinh tơl tơwih nơ̆r nhôn. Mă-lei ưh kơ đei nơ̆r tơl tơwih; lu sư suang pơplŏng tăp dăr kơ chơnang soi lu sư pơm 'noh, đơ̆ng pơgê hrôih truh tơ 'năr dơ̆ng.

I Sam 18:10

Năr đơ̆ng rŏng, Kră Yang 'Bok Kei-Dei ăn Yang kơnê̆ mơ̆t lăm Sôl; sư hli tơrơ pơma kư̆ kă lăm hnam sư, thoi bơngai wơnh, na Đawit reh brŏ thoi krô hmă. Sôl chĕp minh hlak tơju tơ ti sư.

Le 29:41

Gah kon triu mă 'bar ih athei pơyơ̆r til kơsơ̆ măng hăm tơmam soi tơpŭng păng tơmam soi huch thoi lĕ til pơgê 'noh tơmam soi 'buh 'bâu phu pơyơ̆r kơ Kră Yang.

Le 29:39

Rim pơgê ih athei pơyơ̆r minh pôm, minh pôm ih athei pơyơ̆r til kơsơ̆ kơmăng.

I Pot 18:36

Gah kơsơ̆, truh jơ pơyơ̆r tơmam soi, Êli bơngai khan lê̆ adrol năm dơ̆ng jê̆ chơnang soi 'noh păng krao khan: “Ơ Kră Yang, 'Bok Kei-Dei Abraham, Isăk păng Isơrael, năr 'nâu apinh ih ăn kơ đe băt Ih boih Kră Yang 'Bok Kei-Dei lăm khŭl bơngai Isơrael. Inh đĭch đam Ih, chu nơ̆r Ih pơm kiơ̆ tôm tơdrong Ih bơtho akhan.

Horiso 141:2

Ăn kơ nơ̆r inh krao khan thoi tơmam 'bâu phu 'bơ̆t anăp Ih. Ăn kơ tơdrong inh yơ̆r ti thoi tơmam soi drơ̆m kơsơ̆!

Êsai 16:12

Kơplah noh mă khan lu đe Môap năm tŏk tơ anih kơjung kơkuh kơ yang pih pang lap đĕch, mă đơ̆ng lu sư mơ̆t tơ anih chơnang soi wă krao khan kư̆m tơdrong kơ đei.

Le 8:14

Lu đe dônh akŭm kit tih iĕ hơlôk hơlak thoi pôi tih păng 'bâu ôm jơ̆p-jang kơ dêh sư.

I Sam 10:5

Đơ̆ng noh ih gô truh tơ Gibêah Elohima, jơ̆ minh pơm anih kơđông đe Philistin; kơplah ih mơ̆t bơih tơ pơlei, ih gô tơ'bơ̆p minh khŭl 'bok khan lê̆ adrol jur đơ̆ng anih kơkuh, lu sư suang reh brŏ dung teh hơgơ̆r iĕ, hlôm 'lal păng reh tĭng-nĭng năm adrol kơ ih; Lu sư gô khan lê̆ adrol.

Horiso 115:4

Rup yang lu sư man păng hu maih. Noh đơ̆ng ti kon bơngai pơm.

Êsai 46:7

Lu sư tôi rup yang noh tơ hơngiĕng tung ba pơdơ̆ng 'bơ̆t anih sư, na yang noh dơ̆ng minh 'bôt 'bơ̆t doh, ưh kơ gơh weh tơ anih tơ nai. Tơdah đei bu krao khan: Yang noh ưh kơ gơh tơl tơwih păng ưh kơ gơh dŏng lu sư đơ̆ng tơdrong anat anot.

Da 9:21

thoi ei inh oei pơma lăm tơdrong krao khan âu, Gabrel, bơngai mă inh đei 'bôh lăm tơdrong tơ'bôh kơ inh blŭng-a, đei wơh păr hrĕnh năm hơtŭt kơ inh 'bơ̆t jơ đe pơyơ̆r tơmam soi 'buh kơsơ̆.