I Pot 17:12 - Sơ̆p Hlabơar Nơ̆r 'Bok Kei-Dei

¹² Drŏ-kăn adro ei tơl: “Đei Kră Yang 'Bok Kei-Dei ih oei arih băt, inh ưh pă đei minh pôm 'bĕng. Inh oei pă minh chup tơpŭng lăm ge păng đak rơmă kư̆m dai oei tŏ sĕt lăm getchai. 'Nâu inh chă dônh minh 'bar tŏ 'long ŭnh, wă brŏk pơm ăn kơ nhi kon drŏ-nglo inh 'bĕng; wă sa pơtôch, na nhi gô lôch đĕch bơih.”

I Pot 17:12 Referans Kwoze

I Pot 17:1

Êli bơngai Pơlei Tisbe, oei tơ Pơlei Tisbe lăm char Gileat, sư khan kơ Ahap: “Inh dơ̆ng 'bơ̆t anăp Kră Yang 'Bok Kei-Dei đe Isơrael mă arih khan: Lăm sơnăm tơ anăp 'nâu, gô đei tơdrong phang-ang, tŭk păng đak 'mi ưh kơ đei jur tơ teh, dĭng truh tơ Inh đei khan dơ̆ng.”

Bl 21:16

Năm hơ-oei ataih 'biơ̆ dang tôch 'brơ̆m hră jruh; na sư khan lăm to khan: “Ôi rŏ inh huay kơ 'bôh kon inh lôch!” Sư hơ-oei nhơ̆m ơh.

Nhom 4:9

Lu bơngai lôch kơ đao gưm pŭn hloh kơ lu bơngai lôch kơ pơngot; Yua kơ tơmam sa đơ̆ng mir chŭn ưh kơmah, Sư rai hơkĕ hơkong thoi đe 'bet.

Je 14:18

Tơdah inh năm tơ mir chŭn, to akâu lu bơngai lôch kơ đao gưm, tơdah inh mơ̆t tơ pơlei tih, to 'bôh lu bơngai jĭ jăn yua kơ pơngot rơwĕt! Lu 'bok khan lê̆ adrol păng lu 'bok soi. Chă yak năm lăm dêh char mă lu sư ưh kơ lah băt.

Je 5:2

Mă lu sư khan: Tơpă thoi Kră Yang arih sĭt.” Noh kư̆m pơkă hơlĕnh.

Je 4:2

Tơdah iĕm pơkă sĭt hăm tơdrong tơpăt hơnơ̆ng, tơdrong trŏ thoi Kră Yang arih sĭt lei teh đak gô đei pŭn hiôk đơ̆ng Sư, Păng lu sư gô ư-ang kơ Kră Yang,”

II Sam 15:21

Itai tơl: “Đei Kră Yang arih ling-lang lăng tông păng 'bơ̆t anăp pơtao yŏng inh, oei arih na inh pơkă: Mă pơtao yŏng inh oei tơ yơ, inh kư̆m oei tơ noh, mă lôch mă arih.”

I Sam 26:10

Sư khan dơ̆ng: Đei Kră Yang mă arih ling-lang, inh pơkă hăm ih, tơpă Kră Yang gô ăn kơ sư lôch, dah trŏ kơ măng năr sư gô lôch, dah sư lôch kơ tơblah,

I Sam 25:26

Kră Yang găn ih wă pơm tuh pham wă pơm 'mong inh pao anăn Kră Yang mă arih ling-lang păng tơdrong arih ih kơdih na pơkă; hơpơi kơ lu ayăt kơ ih păng lu bơngai chă wă pơrăm ih kư̆m pŭ nhen thoi Nabal!

I Sam 20:21

Đơ̆ng noh, inh gô wơh đĭch đam inh na khan kơ sư: Năm dônh lu 'brơ̆m hră to, tơdah inh khan kơ sư: To 'brơ̆m hră pah âu e, iŏk wăi, noh wă khan hiôk hiang na ih athei lĕch: Kră Yang arih ling-lang gô pơm kơdranh. Inh khan kơ ih, ưh kơ đei hli kiơ ôh!

I Sam 20:3

Mă-lei Đawit khan hơđăl: 'Bă ih băt hơđăl ih 'mêm kơ inh, na đei pơma khan: 'Nĕ kơ roi ăn kơ Jônathan băt, kơnh sư hơ'ngon inh pao anăn Kră Yang mă arih ling-lang păng tơdrong arih ih na pơkă: Lăp minh yak đĕch sơlam inh hăm tơdrong lôch.

I Sam 14:45

Mă-lei kon pơlei tơl Sôl khan: Ưh ôh! Jônathan jơ̆ bơngai pơm ăn boih kơ bơngai Isơrael kĕ jei dang 'noh, liơ mă gơh trŏ kơ lôch? Tơdrong 'noh ưh kơ gơh! Nhôn apinh Kră Yang arih na pơm kơdranh kơ bơ̆n pơkă khan mă minh ioi sŏk kơpal kơ̆l sư kư̆m ưh kơ đei hơlŭng tơ teh; sư mă gơh kĕ jei năr âu noh đơ̆ng Kră Yang 'Bok Kei-Dei tơgŭm sư. Thoi noh kon pơlei dŏng Jônathan klaih đơ̆ng tơdrong wă pơlôch.

I Sam 14:39

Inh yua anăn Kră Yang arih ling-lang, dŏng pơklaih Isơrael, inh pơkă khan bơngai bu đei pơm yoch, mă Jônathan, kon drŏ-nglo inh kơdih, kư̆m trŏ kơ lôch! Lăm đĭ-đăng kon pơlei ưh kơ đei bu tơl nơ̆r sư.

Mathiơ 26:7

Kơplah lu sư oei sŏng sa đei minh 'nu drŏ-kăn chĕp minh pôm gŏl đak pơgang 'bâu phu đe gĭt tơpă, gŏl noh đe pơm păng tơmo. Na duch noh tuh tơ kơ̆l Yêsu.

Bl 21:15

Kơplah đak lăm get đĭ, sư ming lê̆ kon sư 'bơ̆t minh tơnơm 'long iĕ ei,

I Pot 17:11

Lăp drŏ-kăn adro 'noh wă năm sŏ đak, Êli krao hơlơ̆k sư dơ̆ng păng khan: “Ih athei chĕp ba ăn kơ inh 'bĕng mi hai!”

I Pot 17:13

Mă-lei Êli khan kơ sư: “Ih 'nĕ kơ hli, ih athei brŏk pơm hloi thoi ih khan 'noh, mă adrol ih athei yua tơpŭng 'noh pơm ăn kơ inh minh pôm 'bĕng iĕ, đơ̆ng noh ba ăn kơ inh tơ âu; đơ̆ng rŏng kơ 'noh ih pơm ăn kơ ih păng kon drŏ-nglo ih.