I Pot 16:21 - Sơ̆p Hlabơar Nơ̆r 'Bok Kei-Dei

²¹ Lu bơngai Isơrael tơklah jing 'bar khŭl; minh khŭl kiơ̆ Tipni, kon drŏ-nglo Ginat, wă pôk sư pơm pơtao; minh khŭl kiơ̆ Ômri.

I Pot 16:21 Referans Kwoze

Mathiơ 12:25

Yêsu băt kơ lu sư tơchĕng thoi noh na Sư khan: “Dah minh pôm teh đak tơblah dih băl, teh đak noh gô pơchah hiong tôch. Dah minh pôm pơlei dah minh pôm hnam dơnŏ tơblah dih băl, pơlei dah hnam dơnŏ noh gô hiong hiach.

Êsai 19:2

“Inh gô pơm kơ bơngai Êyiptơ tơblah băl tơduă bơngai Êyiptơ, 'nhŏng oh tơblah băl tơduă 'nhŏng oh, rông 'bôt tơblah băl tơduă rông 'bôt, pơlei tih tơblah băl tơduă pơlei tih, teh đak âu tơblah hăm teh đak noh.

Tơdrông Pơđơk 28:2

Dêh char pơm kơnê̆, na đei lơ lu bơngai pơgơ̆r; Mă-lei bơngai hlôh wao na pơgơ̆r dêh char gei oei kơjăp đunh.

I Pot 16:29

Lăm sơnăm mă pêng-jĭt tơhngam, chăl Asa pơm pơtao đe Juđa, Ahap kon drŏ-nglo Ômri pơm pơtao đe Isơrael tơ Pơlei Samari 'bar-jĭt 'bar sơnăm.

I Pot 16:8

Lăm sơnăm mă 'bar-jĭt tơdrâu, chăl Asa pơm pơtao đe Juđa, Êlah kon drŏ-nglo Baasa tŏk pơm pơtao đe Isơrael. Sư oei tơ Pơlei Tirsa, pơgơ̆r lăp 'bar sơnăm đĕch.

I Pot 15:28

Sơnăm mă pêng lăm chăl Asa pơm pơtao đe Juđa Baasa pơlôch Nađap păng pơm pơtao pơgơ̆r tơplih hloi.

I Pot 15:25

Lăm sơnăm mă 'bar chăl Asa pơm pơtao đe Juđa, Nađap kon drŏ-nglo Jêrôbôam pơm pơtao pơgơ̆r lu bơngai Isơrael, sư pơgơ̆r lăm 'bar sơnăm.

I Pot 16:20

Dôm tơdrong jang nai mă Simri pơm păng tơdrong Simri chă đon pơdăr blơ̆ pơtao đe đei chih lê̆ bơih tơ lăm sơ̆p hla bơar hơ'mon lu pơtao đe Isơrael.

I Pot 16:22

Mă-lei khŭl Ômri pran hloh kơ khŭl kiơ̆ Tipni, kon drŏ-nglo Ginat. Thoi noh Tipni lôch na Ômri pơm pơtao.