I Pot 16:13 - Sơ̆p Hlabơar Nơ̆r 'Bok Kei-Dei

¹³ yua kơ tơdrong yoch Baasa păng Êlah kon drŏ-nglo sư đei pơm, păng tơdrong sư pơm ăn kơ lu bơngai Isơrael dai wang pơm yoch rok sư, tơblĕk Kră Yang 'Bok Kei-Dei Isơrael hăm tơdrong lu sư pơm kơkuh kơ rup yang.

I Pot 16:13 Referans Kwoze

Both 32:21

Lu sư tơblĕk Inh dêh yua kơ lu sư kơkuh kơ yang nai ưh kơ yua kiơ. Pơm kơ inh hil gar hăm yang mă ưh kơ đei tơdrong anăn kiơ. Na inh gô pơm kơ lu sư 'ngeng kơ lu adrĕch mă răm hloh. Iŏk minh adrĕch adrung mă lŭch hloh tơblĕk lu sư. Iŏk minh teh đak kơhlôh kơwao na tơblĕk pơklai lu sư.

Êsai 41:29

Tơpă đĭ-đăng lu sư jơ̆ tơdrong kơ đei, tơdrong jang lu sư jing pă yua, rup lu sư man, dang kial 'biao pă đei.

I Pot 15:30

Tơdrong noh yua kơ đơ̆ng tơdrong yoch Jêrôbôam pơm kơ lu bơngai Isơrael dai pơm yoch păng pơm tơblĕk Kră Yang 'Bok Kei-Dei đe Isơrael.

I Sam 12:21

'Nĕ kơ achăng Kră Yang chă kơkuh kơ rup yang hiong răm đĕch, ưh kơ đei yua kiơ, ưh kơ băt pơklaih; yua kơ rup yang jơ̆ hiong răm đĕch.

I Kor 8:4

Thoi noh na gah tơdrong sa tơmam đe sơmah kơ yang bơ̆n băt mơ̆n rup yang ưh kơ sĭ yang tơpă ôh. Mă tơpă bơ̆n băt kơ minh 'nu đĕch Kră Yang Tih Hloh.

Jôna 2:8

Lu bơngai chă kơkuh kơ rup yang ưh kơ yua kiơ. Na achăng lê̆ tơdrong Kră Yang 'mêm kơ sư.

Je 10:15

Lu rup yang ưh kơ đei yua kiơ, chă hơlĕnh đĕch, Truh năr sek tơlang kơnh gô pơrăm đĭ.

Je 10:8

Lu sư jing kơtul kơwao ngăl; rup yang hăm 'long đe traih bơtho lu sư,

II Pot 17:15

Lu sư sơngah achăng lê̆ dôm tơdrong juăt păng tơdrong Kră Yang pơgơ̆p pơkă hăm lu yă 'bok lu sư păng dôm lu nơ̆r tơbăt wă kơ lu sư kơchăng. Lu sư năm kiơ̆ lu yang ưh kơ tơpă păng jing bơngai ưh kơ yua kiơ, lu sư rok adrĕch adrung lu bơngai tăp dăr kơ lu sư, mă Kră Yang đei khă kuă ăn rok kiơ̆ lu đe noh.

I Pot 15:16

Asa pơtao đe Juđa, Baasa pơtao đe Isơrael, bre sư tơblah băl hơnơ̆ng truh đĭ chăl arih bre sư.

I Pot 14:16

Yua kơ Jêrôbôam pơm yoch păng pơm ăn kơ lu bơngai Isơrael jing yoch na Kră Yang achăng hŭt lu sư.”

I Pot 16:26

Sư kiơ̆ trong Jêrôbôam, kon drŏ-nglo Nêbat đei pơm, tơdrong sư pơm 'noh pơm ăn kơ lu bơngai Isơrael pơm yoch kiơ̆, tơblĕk Kră Yang 'Bok Kei-Dei đe Isơrael hăm tơdrong kơkuh kơ rup yang.