I Pot 15:18 - Sơ̆p Hlabơar Nơ̆r 'Bok Kei-Dei

¹⁸ Kơplah noh, Asa iŏk đĭ hu, maih đơ̆ng lăm Hnam Kră Yang păng đơ̆ng hnam pơtao, pơjao ăn kơ đĭch đam sư păng wơh lu sư năm tơ Ben Hadat kon drŏ-nglo Tabrimmôn, sâu Hêsiôn, pơtao Siri, oei pơgơ̆r tơ pơlei Đamas păng khan:

I Pot 15:18 Referans Kwoze

II Pot 12:18

Jôas, pơtao đe Juđa, iŏk đĭ dôm tơmam 'lơ̆ng rơgoh lu 'bok kơdră sư sơ̆ 'bok Jêhôsaphat, Jêhôram, păng Ahasia, lu sư noh pơtao đe Juđa, tơmam noh lu sư hlôi 'măn lê̆ 'lơ̆ng rơgoh, Jôas kư̆m iŏk tơmam 'lơ̆ng rơgoh sư kơdih păng iŏk đĭ maih lăm hnam mong tơmam lăm hnam akŭm kơkuh kơ Kră Yang păng đơ̆ng hnam pơtao, na pơyơ̆r ăn kơ Hasael pơtao đe Aram, yua kơ tơdrong noh, na Hasael chu weh đơ̆ng Pơlei Jêrusalem.

I Pot 14:26

Pơtao noh blah iŏk đĭ tơmam yua đơ̆ng lăm hnam Kră Yang păng đơ̆ng lăm hnam pơtao. Sư kư̆m chĕp ba pơđĭ lu khêl mă Sôlômôn pơm păng maih 'noh.

I Pot 15:15

Sư chĕp ba tah lăm hnam Kră Yang hu, maih păng dôm tơmam kăl đơ̆ng 'bă sư păng đơ̆ng sư kơdih pơyơ̆r.

Bl 14:15

Thoi noh Abram klah asong lu đam sư, wơh năm wang lu linh ayăt kơmăng blah puh truh tơ teh đak Hôba gah yă-nơ̆m kơ pơlei Đamas.

Am 1:4

Inh gô ăn ŭnh truh tơ lăm hnam Hasael, wă soh pơrăm kơđông kơjăp Ben Hadat.

Je 49:27

Inh gô iŏk ŭnh soh dur pơlei Đamas, Ŭnh gô sa truh tơ hnam kơjăp pơtao Ben Hadat.

II Ho 15:18

Sư tah tơmam rơgoh lăm hnam Kră Yang tơmam noh đơ̆ng 'bă sư păng tơmam đơ̆ng sư kơdih mă đei klah 'măn lê̆ pha 'lơ̆ng rơgoh, maih, hu păng dôm pơnhan kơchŏk.

Bl 15:2

Abram tơl thoi âu: “Kơkuh kơ Ih Kră Yang. Ih gô ăn kiơ? Inh gô lôch mă-lei ưh kơ đei kon, bơngai ioi adrĕch adrung hnam inh noh Êliêser, Đơ̆ng pơlei Đamas.”

II Pot 12:17

Hơtai noh, Hasael pơtao đe Aram năm blah tơgar iŏk teh Pơlei Gat đơ̆ng noh sư kư̆m chĕp linh wă blah tơgar Pơlei Jêrusalem hai dơ̆ng.

II Pot 12:19

Dôm lu tơdrong hơ'mon gah Jôas, tơdrong hơ'mon nai dơ̆ng păng dôm lu tơdrong jang đêl sư pơm, đei chih đĭ bơih lăm sơ̆p hla bơar hơ'mon gah lu pơtao đe Juđa.