I Pot 13:6 - Sơ̆p Hlabơar Nơ̆r 'Bok Kei-Dei

⁶ Pơtao khan kơ bơngai đơ̆ng Kră Yang 'Bok Kei-Dei yua: “Apinh ih krao khan bĕ apinh Kră Yang 'Bok Kei-Dei ih, apinh ih krao khan tơgŭm inh, wă kơ ti inh gơh klaih thoi so.” Bơngai mă Kră Yang 'Bok Kei-Dei yua ei krao khan apinh Kră Yang na ti pơtao klaih gơh kơchôt thoi so hloi.

I Pot 13:6 Referans Kwoze

Jang 8:24

Na Simôn khan kơ bre sư thoi âu: “Apinh biĕm krao khan kơ 'Bok Kei-Dei tơgŭm inh; apinh Sư mơnat kơ inh 'nĕ ăn kơ inh hiong lăm dơnâu ŭnh thoi ih khan hei.”

Le 10:17

Dang ei, apinh ih mơnat ăn kơ inh pă minh wơ̆t 'nâu; păng krao khan bĕ kơ Kră Yang 'Bok Kei-Dei lu iĕm, wă kơ sư iŏk lê̆ đơ̆ng inh tơdrong pơrăm krưp 'nâu.

Le 9:28

Krao khan bĕ kơ Kră Yang, wă kơ jah huay kơ grơ̆m glaih păng 'mi prĕl; na inh gô lê̆ lu iĕm năm, ưh pă gô đunh dơ̆ng boih.

Le 8:8

Pharaôn krao hloi Môis păng Arôn na khan: Krao khan bĕ kơ Kră Yang wă kơ Sư puh kit weh đơ̆ng inh păng đơ̆ng kon pơlei inh; na inh gô achăng kon pơlei Hêbrơ năm pơyơ̆r tơmam soi kơkuh kơ Kră Yang.

Jo 21:7

kon pơlei kơdâu tơkan tơ Môis păng khan: Lu nhôn pơm glăi yoch boih pơma hil plơ̆ kơ Kră Yang păng ih. Krao khan apinh Kră Yang bĕ, wă kơ sư pơm kơ 'bih 'nâu weh tơ nai ataih đơ̆ng lu nhôn. Môis krao khan apinh ăn kơ kon pơlei.

Le 8:28

Pharaôn khan: Inh gô ăn lu iĕm năm, wă kơ iĕm năm pơyơ̆r tơmam soi sơmah kơ Kră Yang 'Bok Kei-Dei lu iĕm, tơ char glă, mă-lei lu iĕm 'nĕ năm ataih hloh kơ noh. Krao khan bĕ kơ inh hai!

Tơdrông Tơ'bôh 3:9

Lu đe mơ'nah khan lu sư bơngai Juđê, mă tơpă lu sư ưh kơ trŏ bơngai Juđê ôh, lu sư hơlĕnh đĕch; tơdrong lu sư chă akŭm, lu sư akŭm tơdrong yang Satan. Thoi noh na Inh gô ăn kơ lu sư sơtơ̆p kŭl-tăng 'bơ̆t anăp iĕm, na Inh gô bơtho lu sư tơdrong Inh 'mêm kơ iĕm.

Rom 12:21

Thoi noh na bơ̆n 'nĕ pơm tơwih kơ sư tơdrong kơnê̆; bơ̆n pơm 'lơ̆ng kơ sư đĕch wih jei bơ̆n.

Rom 12:14

Mă đe pơm kơnê̆ kơ bơ̆n, bơ̆n 'nĕ kơ blei hiap đe, bơ̆n rai krao khan apinh 'Bok Kei-Dei mơnat kơ sư dơ̆ng.

Jang 7:60

Klaih kơ noh sư sơtơ̆p kŭl-tăng pơma 'bơ̆r re thoi âu: “Ơ Kră Yang, Ih 'nĕ jô̆ yo kơ lu bơngai pơlôch inh.” Na sư lôch hloi. Sôl kư̆m wă kơ đe pơlôch Êtien mơ̆n.

Luka 23:34

Na Yêsu khan kơ 'Bă Sư 'Bok Kei-Dei thoi âu: “Ơ 'Bă, apinh Ih 'nĕ jô̆ yo kơ lu sư, yua kơ lu sư ưh kơ băt lu sư oei pơm kiơ ôh.” Na lu linh ei pơpơn dih băl wă kơ băt bu gơh iŏk ao Yêsu, bu iŏk ao ayơ, bu iŏk ao ayơ. Lu sư asong băl ao Yêsu thoi noh.

Mathiơ 5:44

Mă-lei gah Inh bơtho iĕm thoi âu: Iĕm athei 'mêm mơnat kơ lu bơngai mă pơm kơnê̆ kơ iĕm, krao khan apinh 'Bok Kei-Dei tơgŭm sư,

Je 37:3

Pơtao Sêđekia wơh Jêhukal kon drŏ-nglo Sêlemia păng Sephania 'bok soi kon drŏ-nglo Maaseia, năm tơ Jêrêmi bơngai khan lê̆ adrol păng khan: “Apinh ih krao apinh Kră Yang 'Bok Kei-Dei bơ̆n tơgŭm lu nhôn.”

I Sam 12:23

Gah inh, inh ưh kơ pơdơh kơ krao khan kơ iĕm. Wă kơ inh huay kơ pơm yoch hăm Kră Yang. Inh gô bơtho tơ'bôh lu iĕm băt kơ trong 'lơ̆ng păng tơpăt.

I Sam 12:19

Đĭ-đăng lu sư khan kơ Samuel: Apinh ih krao khan apinh Kră Yang 'Bok Kei-Dei ih ăn kơ lu nhôn, wă kơ lu nhôn huay kơ lôch; lu nhôn đei apinh wă kơ đei pơtao noh nhôn pơthim ăn tơdrong yoch kơ lu nhôn.

Jo 12:13

Môis krao khan apinh Kră Yang thoi âu: Ơ, Kră Yang 'Bok Kei-Dei! Inh hơdrĭ hơpơi kơ Ih pơklaih ăn kơ mŏ inh.

Le 12:32

Na chông puh ba rơmo păng triu kư̆m năm, thoi lu iĕm đei khan na năm bĕ; păng krao khan kơ inh đei pŭn hiôk mơ̆n.

I Pot 13:5

Chơnang soi pơchah hloi păng tơnuh tơsĭ tơ teh, 'blep thoi tơdrong đei tơ'bôh hlĭch đơ̆ng bơngai mă Kră Yang 'Bok Kei-Dei yua ei chu nơ̆r Kră Yang bơtho khan.

Horiso 119:58

Đĭ jơhngơ̆m inh krao apinh Kră Yang mơnat, Apinh Ih mơnat ăn kơ inh kiơ̆ thoi nơ̆r Ih pơkă.

Sa 7:2

Lu kon pơlei Bethel đei wơh bre Sareser hăm Rêgêmalek hăm lu bơngai kiơ̆ wă apinh tơdrong mơnat đơ̆ng Kră Yang,

Le 8:4

Kit ei gô mơmŏ tŏk tơ akâu ih, akâu kon pơlei păng rim 'nu kơ đĭch đam ih.