I Pot 13:2 - Sơ̆p Hlabơar Nơ̆r 'Bok Kei-Dei

² Bơngai 'noh ôr khan kơ chơnang soi kiơ̆ thoi nơ̆r Kră Yang khan: “Ơ chơnang soi, chơnang soi! 'Nâu nơ̆r Kră Yang khan: 'Nâu đe gô tơpŭ kơ minh 'nu kon drŏ-nglo ăn kơ adrĕch hnam Đawit anăn sư Jôsia. Sư gô pơyơ̆r tơmam soi kơpal ih, lu 'bok soi đơ̆ng anih kơjung, lu 'bok soi noh bơngai mă soh tơmam 'bâu phu kơpal ih tơ rim anih kơjung păng đe gô soh kơting bơngai kơpal ih.”

I Pot 13:2 Referans Kwoze

Êsêkiên 36:1

Gah ih, ơ kon bơngai, khan lê̆ adrol bĕ gah kông kŏ Isơrael păng khan: “Ơ kông Isơrael, mơ̆ng bĕ nơ̆r Kră Yang!

Luka 19:40

Na Yêsu khan tơwih kơ lu sư: “Inh khan kơ iĕm tơpă, dah lu sư thĕng, lei lu tơmo kư̆m gô pơma ư-ang mơ̆n ưh kơ lê̆ ôh.”

Êsêkiên 38:4

Inh gô pơm kơ ih wih dơ̆ng tah gơwŏk mam, 'bơ̆t kang ih, dui ba ih, hơdai hăm đĭ-đăng lu linh ih, aseh păng đĭ-đăng lu bơngai hao seh, đĭ-đăng lu sư tă kơ hrŭk ao mam minh khŭl linh lơ chĕp khêl tih iĕ păng đĭ-đăng chĕp đao ngăl.

Êsêkiên 36:4

na, ơ lu kông groi Isơrael, mơ̆ng bĕ nơ̆r Kră Yang mơsêh mơyang: Kră Yang khan thoi âu kơ lu kông groi, lu thŭng thong păng teh dơnă, lu glung, lu anih pơchah pơchek, lu pơlei đĭ răm mă đĭ đe tơgar iŏk đe pơjăm đơ̆ng lu dêh char mă oei oei jum dăr kơ char ih noh.

Je 22:29

Ơ dêh char, dêh char, dêh char! Mơ̆ng bĕ nơ̆r Kră Yang.

Êsai 58:1

“Krao ôr mă re bĕ 'nĕ kơ ĕnh, ôr jreo mă re thoi keng, roi tơbăt bĕ kơ kon pơlei Inh tơdrong lu sư pơm plơ̆. Păng pơm plơ̆ kơ hnam Jakôp tơdrong yoch lu sư.

Êsai 46:10

Inh roi bơih tơdrong năr tuch-luch đơ̆ng blŭng-a sơ̆. Inh roi tơbăt bơih đơ̆ng chăl adrol sơ̆ dôm tơdrong mă ưh tam đei truh. Inh pơma khan: Tơdrong Inh, kơnhăm wă gô dơ̆ng kơjăp, Inh gô pơm dôm tơdrong mă Inh lăp đon.

Êsai 42:9

'Nâu tơdrong adrol đei truh 'blep trŏ bơih, dang ei Inh roi ăn kơ iĕm tơdrong 'nao dơ̆ng; adrol kơ Sư wă truh, Inh roi ăn kơ iĕm băt adrol.

Êsai 1:2

Ơ lu tăl plĕnh mơ̆ng bĕ! Ơ teh pơgling đon mơ̆ng bĕ, yua kơ Kră Yang pơma khan: “Inh wei rong lu kon hơ'lơ̆p Inh, dĭng truh kơ 'lŏ mă-lei lu sư plơ̆ blah Inh.

II Ho 34:1

Jôsia 'nao lăp tơhngam sơnăm 'bơ̆t kơplah đe pôk sư pơm pơtao păng sư pơgơ̆r đei pêng-jĭt mônh sơnăm lăm pơlei Jêrusalem.

I Pot 13:32

Yua kơ dôm nơ̆r sư pơma chu nơ̆r Kră Yang pơma blah chơnang soi lăm Pơlei Bethel păng lu hnam pơm yang tơ kơjung lăm dêh Samari, gô 'blep trŏ tơpă.

Both 32:1

Ơ lu tăl plĕnh mơ̆ng bĕ, 'nâu wă pơma; ơ teh apinh mơ̆ng bĕ nơ̆r đơ̆ng 'bơ̆r inh.

II Ho 34:3

Sơnăm mă tơhngam lăm chăl sư pơgơ̆r, mă sư oei 'lơ̆p mơlôh, sư pơtơm chơchă Kră Yang 'Bok Kei-Dei Đawit, 'bok sư Sơnăm mă mơjĭt-'bar, sư pơtơm hơmet rơgoh lăm char Juđa păng pơlei Jêrusalem, hŭt lê̆ lu anih kơjung, gơ̆ng kơkuh kơ rup yang Asêria, rup yang đe traih păng rup đe hling tuh.

Je 1:2

Kră Yang khan kơ sư lăm sơnăm mơjĭt-pêng kơplah Jôsia, kon drŏ-nglo Ammôn pơgơ̆r pơm pơtao đe Juđa.