I Pot 12:15 - Sơ̆p Hlabơar Nơ̆r 'Bok Kei-Dei

¹⁵ Thoi noh, pơtao ưh kơ mơ̆ng ôh nơ̆r kon pơlei pơla pơma, yua kơ tơdrong 'noh truh đơ̆ng Kră Yang ăn, wă pơsĭt nơ̆r Sư mă Kră Yang yua boih Ahija bơngai Silô khan kơ Jêrôbôam, kon drŏ-nglo Nêbat.

I Pot 12:15 Referans Kwoze

I Pot 12:24

'Nâu Kră Yang khan: 'Nĕ kơ năm tŏk blah lu bơngai Isơrael 'nhŏng oh iĕm. Rim 'nu athei brŏk bĕ tơ hnam sư kơdih, yua kơ tơdrong 'nâu lĕch đơ̆ng Inh.” Lu sư chu nơ̆r Kră Yang khan, brŏk tơ hnam sư kơdih kiơ̆ thoi nơ̆r Kră Yang bơtho tơ'bôh.

Lu 14:4

Mĕ 'bă sư ưh kơ băt ôh tơdrong 'noh lĕch đơ̆ng Kră Yang; wă chă tơdrong trŏ wă kơ sư pơm kơ kon pơlei Philistin, yua kơ kơplah 'noh lu bơngai Philistin oei pơgơ̆r lu bơngai Isơrael.

Both 2:30

Mă-lei Sihôn, pơtao Hesbôn, ưh kơ ăn kơ lu nhôn yak năm rok teh đak lu sư ôh; yua kơ Kră Yang 'Bok Kei-Dei pơm jơhngơ̆m kơ̆l pơtao arăng, wă jao sư lăm tơpang ti nhôn, kư̆m thoi năr 'nâu.

II Ho 25:20

Mă-lei Amasia ưh kơ wă mơ̆ng, yua kơ tơdrong âu đơ̆ng Kră Yang 'Bok Kei-Dei wă pơjao lu sư lăm ti Jêhôas, yua kơ đơ̆ng lu sư chơchă kơkuh kơ yang bơngai Eđôm.

II Ho 22:7

Tơdrong Ahasia năm lăng Jôram jĭ rơka noh đơ̆ng Kră Yang 'Bok Kei-Dei ăn wă phak sư; wă sư năm truh tơ noh, kiơ̆ Jôram năm tơ'bơ̆p Jêhu kon drŏ-nglo Nimsi, bơngai mă Kră Yang rơih, wă kơ sư năm blah pơrăm adrĕch Ahap.

II Ho 10:15

Thoi noh, pơtao ưh kơ wă mơ̆ng kiơ̆ kon pơlei, yua kơ tơdrong noh trŏ thoi Kră Yang 'Bok Kei-Dei khan wă kơ pơsĭt kơ nơ̆r Kră Yang đei khan kơ Ahija bơngai pơlei Silô khan kơ Jêrôbôam kon drŏ-nglo Nêbat.

I Pot 11:11

Na Kră Yang khan kơ Sôlômôn: “Yua kơ ih pơm tơdrong 'nâu, ih ưh kơ wei răk tơdrong Inh pơgơ̆p păng tơdrong juăt Inh tơtă kơ ih, na Inh gô hek lê̆ teh đak mă ih pơgơ̆r 'nâu, asong ăn kơ đĭch đam ih.

Jang 2:23

Đe rôp Sư kiơ̆ thoi 'Bok Kei-Dei pơkă lê̆ hơdrol. Lu iĕm pơlôch Sư. Lu iĕm athei lu bơngai pơm kơnê̆ pơ̆ng pơlôch Sư tơ 'long pơglang.

Am 3:6

Dah đe hlôm keng lăm pơlei tih, hăm trŏ lu kon pơlei hli? Tơdah Kră Yang ưh kơ đei pơm lei hăm đei tơdrong truh kơ pơlei noh ưh?

Da 4:35

Đĭ-đăng lu kon pơlei jing nhen hoh-hoy, Kră Yang 'Bok Kei-Dei pơm kơ lu khei sơnglŏng tơ plĕnh ti mơ̆ng kơ Sư wă păng pơm kơ kon pơlei oei kơpal teh, ưh kơ đei bu gơh găn ti Sư păng apinh thoi âu: Kră Yang 'Bok Kei-Dei pơm kiơ thoi noh?

II Ho 25:16

Mă-lei kơplah 'bok khan lê̆ adrol oei pơma, pơtao khan plơ̆: “Nhôn hăm đei pôk ih chă đon kơ inh? Weh bĕ, ih 'maih lôch hă?” 'Bok khan lê̆ adrol noh ngăn na khan: “Inh băt Kră Yang wă pơlôch pơrăm ih, yua kơ ih đei pơm boih tơdrong noh păng ưh kơ wă mơ̆ng nơ̆r inh.”

II Pot 10:10

Lei na dang ei, bơ̆n athei băt lăm dôm nơ̆r Kră Yang đei khan bơih gah adrĕch Ahap, ưh kơ đei nơ̆r ayơ huŏng tơ teh; yua kơ Kră Yang pơkeh bơih nơ̆r sư pơkă mă sư yua 'bơ̆r Êli đĭch đam sư pơma.”

II Pot 9:36

Lu sư wơ̆t roi ăn kơ Jêhu yŏng tơ'ngla sư. Na Jêhu khan: “'Noh bơih nơ̆r Kră Yang yua bơih 'bơ̆r Êli đĭch đam Sư bơngai Pơlei Tisbe, lăm mir chŭn Pơlei Jêsreel kŏ gô sa atâu Jêsebel.”

I Pot 22:23

Thoi noh na Kră Yang đei ăn minh 'nu yang pơma hơlĕnh lăm 'bơ̆r lu bơngai khan lê̆ adrol mă jang kơ ih. Kră Yang wă pơm kơnê̆ truh tơ ih.”

II Sam 17:14

Apsalôm păng đĭ-đăng kon pơlei Isơrael tă kơ lăp ngăl khan tơdrong tơchĕng chă đon Husai, bơngai Arkit, hơgei hloh kơ tơdrong tơchĕng Ahithôphel. Yua kơ Kră Yang pơrăm lê̆ tơdrong tơchĕng gơh hơgei Ahithôphel, wă tuh tơdrong pơmat-tat ăn kơ Apsalôm.

Jang 3:17

“Ơ đe 'nhŏng oh, iĕm ưh kơ băt kơ Sư na iĕm pơlôch Sư Kon 'Bok Kei-Dei, lu 'bok tih iĕm kư̆m hơdai ưh kơ băt mơ̆n.

Horiso 5:10

Ơ Kră Yang, phak lu sư bĕ; Ăn kơ lu sư pơ̆k huŏng tơ lăm tơdrong lu sư pơđâu; Pơpuh bĕ lu sư yua kơ tơdrong yoch kơnê̆ lu sư lơ tơpă, Yua kơ lu sư blah Ih.

I Sam 15:29

Hloh kơ noh Kră Yang arih ling-lang lu bơngai Isơrael ưh kơ pơma hơlĕnh, kư̆m ưh kơ tơplih nơ̆r; yua kơ ưh kơ trŏ kơ kon bơngai na mă tơplih nơ̆r!

Bl 24:50

La'ban păng Bêthuel tơl thoi âu: “Tơdrong noh lĕch đơ̆ng Kră Yang lu nhôn tam gơh pơma kơ ih, trŏ dah glăi ôh.