I Pot 11:28 - Sơ̆p Hlabơar Nơ̆r 'Bok Kei-Dei

²⁸ Jêrôbôam sư minh 'nu bơngai pran hơgei; Sôlômôn 'bôh minh 'nu bơngai tơdăm pơnam hơgei bơ̆jang, na Sôlômôn ăn kơ sư pơm yŏng pơgơ̆r lu bơngai jang apah lăm adrĕch Jôsep.

I Pot 11:28 Referans Kwoze

Tơdrông Pơđơk 22:29

Ih hăm 'bôh ưh lu bơngai hơgei đei jang tơnăp? Sư gô dơ̆ng 'bơ̆t anăp lu pơtao sư ưh kơ dơ̆ng hơdai 'bơ̆t anăp lu bơngai hmă.

Mathiơ 11:30

Yua kơ Inh, na iĕm rơhơi jơhngơ̆m păng pŭ hơiơch.”

Sa 10:6

Inh gô ăn kơ hnam Juđa jing pran păng dŏng pơklaih hnam Jôsep. Inh chông tơwih lu sư brŏk, yua kơ 'mêm mơnat kơ lu sư, lăng lu sư thoi Inh ưh tam layơ achăng lê̆ lu sư, yua kơ Inh Kră Yang lu sư, Inh gô tơl tơwih nơ̆r lu sư krao apinh.

Am 5:6

Chơchă bĕ Kră Yang, na lu iĕm gô arih; tơdah ưh Kră Yang gô phak adrĕch Jôsep păng pơlei Bethel, thoi ŭnh sa ưh kơ đei bu kĕ pĭt.

Êsai 14:25

Inh gô blah pơrăm bơngai Asiri lăm teh đak Inh, gô pơjuă bơhlơ̆r sư tơ kơpal kông Inh, 'long ăt sư gô plôh gơ̆ lê̆ đơ̆ng lu kon pơlei Inh, hơnong trăp sư gô hơ'nglơh lê̆ đơ̆ng hơngiĕng lu sư.”

I Pot 5:16

Kŭm oei đei pêng-rơbâu pêng-hrĕng 'nu, mă pơtao Sôlômôn pơjao wei-lăng pơgơ̆r tơdrong jang man pơdơ̆ng păng tơwơh băl jang.

II Sam 19:20

Yua kơ inh đĭch đam ih băt kơdih yoch boih. Na dang ei lăm đĭ-đăng adrĕch hnam Jôsep, inh boih truh adrol wă jur sơng ih yŏng tơ'ngla inh.”

Jôsuê 18:5

Lu iĕm athei klah asong char noh kơ tơpơh adrĕch adrung; Juđa athei oei tơ gah gơal, adrĕch Jôsep oei tơ gah yă-nơ̆m.

Both 1:12

Minh 'nu inh bơ̆jang pơm liơ gơh kĕ pŭ dôm tơdrong anat anot păng tơdrong lu kon pơlei pơjah pơjăng băl?

Bl 47:6

Thoi noh dêh Êyiptơ đei 'măn ăn kơ ih; chă păng ăn bĕ kơ 'bă ih hăm lu 'nhŏng oh ih oei tơ anih mă 'lơ̆ng hloh lăm char Êyiptơ âu: Ăn bĕ kơ lu sư oei tơ tơring Gôsen noh; ih băt lăm lu sư bơngai bu gơh juăt hơgei kơ wei rong kon sem dơrong, jao bĕ kơ lu sư wei rong kon sem dơrong inh.

I Pot 11:26

Jêrôbôam kon drŏ-nglo Nêbat, bơngai Êphraim oei tơ pơlei Sêrêđa, sư đĭch đam Sôlômôn; mĕ sư adro, anăn Sêrua; sư wă iung blah pơtao Sôlômôn mơ̆n.

I Pot 14:7

Roi bĕ kơ Jêrôbôam 'nâu Kră Yang 'Bok Kei-Dei Isơrael khan: “Inh pôk atŏk ih đơ̆ng lăm kon pơlei pơla, ăn kơ ih pơm pơtao Isơrael kon pơlei pơla inh.