I Pot 11:25 - Sơ̆p Hlabơar Nơ̆r 'Bok Kei-Dei

²⁵ Rêson minh 'nu bơngai ayăt hăm lu bơngai Isơrael truh đĭ chăl pơtao Sôlômôn pơgơ̆r păng pơm dôm tơdrong kơnê̆ thoi Hađat đei pơm; sư pơgơ̆r dêh char Aram păng sư blah bơngai Isơrael.

I Pot 11:25 Referans Kwoze

Sa 11:8

Lăp lăm minh khei đĕch Inh pơlôch đĭ pêng 'nu bơngai wei triu; Inh pă kĕ ĕnh hăm lu sư boih păng lu sư kư̆m lei-lăi ưh pă lăp kơ Inh.

Horiso 106:40

Kră Yang hil mĭl dêh kơ kon pơlei pơla Sư. Lăng krưp dêh kơ kon pơlei.

II Ho 15:2

Sư năm tơ'bơ̆p Asa păng khan: “Ơ Asa, păng đĭ bơngai Juđa hăm bơngai Bênjamin, mơ̆ng bĕ nơ̆r inh; lu iĕm oei hơdai hăm Kră Yang dang yơ, Kră Yang oei hơdai iĕm dang noh. Tơdah lu iĕm chă Sư lu iĕm gô tơ'bơ̆p, mă-lei tơdah lu iĕm achăng lê̆ Sư, na Sư kư̆m gô achăng lê̆ lu iĕm.

I Pot 5:4

Mă-lei dang ei Kră Yang 'Bok Kei-Dei inh, ăn boih kơ inh rơngei hiôk-hian tăp pang pă đei bu blah păng kư̆m pă đei tơdrong kiơ truh.

II Sam 16:21

Ahithôphel tơl: “Ih athei năm 'bĭch hăm lu akăn kơnhŏng 'bă ih mă lê̆ lu sư oei tơ noh wă wei-lăng hnam pơtao. Mưh đĭ-đăng bơngai Isơrael băt khan ih pơm kơnê̆ krưp kơ 'bă ih thoi noh, lei đĭ-đăng lu bơngai kiơ̆ ih, rai nuih kơtang hloh dơ̆ng.”

Both 23:7

'Nĕ kơ hil areh kơ bơngai Eđôm yua kơ lu sư 'nhŏng oh iĕm, kư̆m 'nĕ kơ areh kơ bơngai Êyiptơ, yua kơ lu iĕm đêl oei lăm dêh char sư.

Bl 34:30

Na Jakôp khan kơ Simêôn păng Lêwi thoi âu: Măr iĕm pơm kiơ kơ inh ưh kơ hiôk, pơm ăn kơ kon tơring âu. Bơngai Kanaan păng bơngai Phêrêsit, hil areh kơ bơ̆n. Bơ̆n âu, tŏ sĕt bơngai; dah lu sư akŭm băl blah bơ̆n inh păng hnam dơnŏ bơ̆n gô răm.

I Pot 11:24

Kơplah Đawit pơlôch linh pơtao Sôba, na Rêson krao akŭm lơ bơngai kiơ̆ sư, na sư pơm yŏng pơgơ̆r lu linh tơklah 'noh, năm truh tơ pơlei Đamas oei tơ noh na pôk sư kơdih pơm pơtao plei Đamas.

I Pot 11:26

Jêrôbôam kon drŏ-nglo Nêbat, bơngai Êphraim oei tơ pơlei Sêrêđa, sư đĭch đam Sôlômôn; mĕ sư adro, anăn Sêrua; sư wă iung blah pơtao Sôlômôn mơ̆n.