I Pot 11:21 - Sơ̆p Hlabơar Nơ̆r 'Bok Kei-Dei

²¹ Kơplah Hađat oei tơ dêh Êyiptơ kơtơ̆ng ang Đawit lôch năm oei hơdai hăm lu 'bok kơdră sư, păng Jôap yŏng linh kư̆m đĭ lôch bơih, na sư khan kơ pơtao Pharaôn: Apinh ih ăn kơ inh brŏk tơ dêh char inh kơdih,

I Pot 11:21 Referans Kwoze

I Pot 2:10

Klaih kơ noh Đawit lôch, tep hiôk năm oei hơdai hăm lu 'bok yă sư, đe 'bŭ sư tơ pơlei Đawit.

Mathiơ 2:20

“Iung bĕ, chông ba Yêsu hăm mĕ Sư wih dơ̆ng tơ dêh Isơrael, lu bơngai wă pơlôch Sư sơ̆ lôch đĭ boih.”

I Pot 2:34

Na Bênaia, kon drŏ-nglo Jêhôiada, tŏk năm pơlôch Jôap păng đe 'bŭ sư tơ teh sư lăm char glă.

II Sam 3:21

Đang kơ et sa Apner pơma dơnuh hăm Đawit khan: “Inh gô akŭm pơđĭ lu bơngai Isơrael năm ba brŏk tơ pơtao, lu sư gô pơgơ̆p pơkă pơkăm hăm ih, na ih pơm yŏng pơtao pơgơ̆r đĭ-đăng kơ dêh char Isơrael, thoi kơ ih đei hơpơi.” Đawit ăn kơ Apner brŏk na sư brŏk hiôk-hian.

I Sam 9:26

Truh năr đơ̆ng rŏng, kơplah năr wă lĕch, Samuel krao Sôl tơ anih tơ kơpal na khan kơ sư thoi âu: Iung bĕ inh gô ba ih yak năm. Sôl gruih iung, na Samuel păng Sôl bre sư yak năm hơdai.

Jôsuê 2:21

Rahap tơl: Trŏ boih kư̆ kiơ̆ thoi măr iĕm pơma.” Na Rahap ăn kơ bre 'bar 'nu noh năm, bre sư yak hloi. Rahap chô̆ tơlei brai thêt 'bơ̆t 'măng-'mŏk sư.

Le 4:19

Kră Yang khan hăm Môis tơ Mađian thoi âu: Wih bĕ tơ dêh Êyiptơ, yua kơ dôm lu bơngai mă chă wă pơlôch ih lôch đĭ boih.

Bl 45:24

Thoi noh, Jôsep ăn kơ đe 'nhŏng oh sư yak brŏk. Pơkă dơ̆ng kơ lu sư: Apinh lu iĕm 'nĕ kơ tơhil băl rok trong.

I Pot 11:20

Oh yă Tahpênes tơpŭ ăn kơ sư kon drŏ-nglo anăn sư Gênubat, dĭng Gênubat ưh pă mŏm bơih na Tahpênes iŏk rong sư tơ lăm hnam pơtao. Tơ noh Gênubat wơ̆ 'lŏ oei hơdai hăm lu kon pơtao Pharaôn.

I Pot 11:22

“Mă-lei Pharaôn tơl sư: Ih oei hơdai inh tơ âu hăm đei kơ'bah tơdrong kiơ na ih 'maih brŏk tơ dêh char ih kơdih? Na sư tơl: “Huay kơ'bah tơdrong kiơ ră.” Mă-lei apinh ih ăn kơ inh brŏk tơ dêh char inh kơdih.