I Pot 11:2 - Sơ̆p Hlabơar Nơ̆r 'Bok Kei-Dei

² Lu adrĕch adrung bơngai noh. Kră Yang khan bơih kơ lu bơngai Isơrael: Iĕm ưh kơ gơh iŏk klo dah iŏk akăn đơ̆ng adrĕch adrung bơngai 'noh; yua kơ lu sư gô pơhlŭ pơlung lu iĕm kiơ̆ kơkuh kơ rup yang lu sư. Mă-lei Sôlômôn oei hưch kơ drŏ-kăn bơngai 'noh.

I Pot 11:2 Referans Kwoze

Le 34:16

Na ih 'nĕ rôp akăn kơ lu kon drŏ-nglo ih, kon adruh lu sư gô pơm kư̆ kă hăm yang lu sư, đơ̆ng noh pơhlŭ kon tơdăm ih kư̆m pơm kư̆ kă kiơ̆ yang lu sư mơ̆n.

I Kor 15:33

Iĕm 'nĕ kơ lui kơ lu bơngai wă pơlung iĕm, khan 'Bok Kei-Dei ưh kơ wă tơiung arih bơngai lôch, kơnh đơ̆ng bơngai 'lơ̆ng oei hơdai bơngai kơnê̆ sư jing kơnê̆ lei-lăi.

Rom 12:9

Bơ̆n 'mêm kơ bôl athei 'mêm mă tơpă, areh kơ tơdrong kơnê̆, athei adrin chă tơdrong 'lơ̆ng.

Tơdrông Tơ'bôh 2:4

Mă-lei inh sơ'ngon kơ iĕm minh tơdrong âu: Iĕm ưh pă 'mêm kơ Inh hăm 'mêm kơ bôl buăl dang iĕm 'mêm tơm hmơm iĕm lui sơ̆.

Rom 1:32

Bơ̆n băt kơ ning-mônh 'Bok Kei-Dei wă phak dôm lu bơngai thoi noh ră, mă-lei bơ̆n kư̆m oei pơm khŏm khŏm thoi noh. Bơ̆n 'bôh đe pơm yoch thoi noh, bơ̆n khan tơdrong 'lơ̆ng tơdrong trŏ.

Malachi 2:11

Lu bơngai Juđa oei sa ưh kơ tơpăt hơlĕnh pơdăr păng đei pơm minh tơdrong yoch kơnê̆ tih krưp tơpă lăm lu bơngai Isơrael păng lăm pơlei Jêrusalem; Juđa đei pơm boih tơdrong 'mê̆-'mach kơ tơdrong 'lơ̆ng rơgoh Kră Yang, yua kơ lu sư iŏk oei kơ drŏ-kăn yang tơmoi.

Horiso 139:21

Ơ Kră Yang, Inh ưh kơ areh kơ lu bơngai mă areh kơ Ih hă? Ưh kơ areh krưp hă lu bơngai iung blah Ih?

Esơra 9:12

Kơlih kơ thoi noh, na 'nĕ ăn kon adruh lu iĕm iŏk kon tơdăm lu sư păng kư̆m 'nĕ ăn kon tơdăm lu iĕm iŏk kon adruh lu sư; 'nĕ kơ layơ chă tơdrong hiôk-hian lu sư păng wă kơ chă đei jing mơdrŏng đơ̆ng lu sư, wă kơ lu iĕm jing nuih pran, sŏng sa yua tơmam 'lơ̆ng đơ̆ng lăm dêh char păng 'măn lê̆ kơ kon lu iĕm dêh char âu jing tơmam lu sư yua ling-lang ling-lang hloi.

II Ho 21:6

Sư yak kiơ̆ trong lu pơtao Isơrael, kiơ̆ thoi Ahap đei pơm boih, yua kơ sư iŏk oei kơ kon adruh Ahap pơm akăn; sư pơm tơdrong kơnê̆ dêh 'bơ̆t anăp Kră Yang.

II Ho 19:2

Jêhu kon drŏ-nglo Hanani, bơngai 'bôh adrol, lĕch năm sơng pơtao Jêhôsaphat păng khan: “Ih tơgŭm kơ lu bơngai pơm kơnê̆ păng 'mêm kơ lu bơngai areh kơ Kră Yang hă? Yua kơ noh, Kră Yang hil kơ ih.

Bl 34:3

Jơhngơ̆m Sichem hưch kơ Đina, sư pơlung pơhlŭ dang đak sut đak kơdrot pơma hăm adruh noh.

Bl 2:24

Yua kơ thoi noh na bơngai drŏ-nglo gô tơklah đơ̆ng mĕ 'bă sư na oei hơdai hăm akăn sư, na 'bar 'nu bre sư jing minh sĕch minh akar.a

Le 23:31

Inh gô chĕng hơdral iĕm iŏk đơ̆ng đak dơsĭ 'brê truh tơ đak dơsĭ Philistin, a đơ̆ng char glă truh tơ đak glung tih;b yua kơ inh gô pơjao adrĕch adrung 'noh lăm tơpang ti ih păng ih gô puh lu sư weh đơ̆ng anăp iĕm.

Le 34:12

Ih athei kơchăng kơdih, ih 'nĕ pơgơ̆p hơdai hăm lu bơngai lăm dêh char mă ih wă mơ̆t, tơdrong noh hli kơ lu sư jing thoi hơđong hơ'năk kơ ih.

I Pot 11:9

Kră Yang hil dêh kơ Sôlômôn, yua kơ jơhngơ̆m đon sư weh tơklah đơ̆ng Kră Yang 'Bok Kei-Dei Isơrael, Tơ'ngla mă đei tơ'bôh ăn kơ sư akâu 'bar 'măng bơih.