I Pot 11:18 - Sơ̆p Hlabơar Nơ̆r 'Bok Kei-Dei

¹⁸ Lu sư lĕch đơ̆ng char Midian năm tơ char Paran; lu sư rôp chông ba bơngai Paran năm tơ char Êyiptơ tơ'bơ̆p pơtao Pharaôn. Pơtao Pharaôn ăn kơ sư hnam oei, tơmam sa păng mir chŭn.

I Pot 11:18 Referans Kwoze

Jo 10:12

Lu kon pơlei Isơrael, pơm kiơ̆ tơdrong tơdă lê̆ boih lu sư năm lĕch đơ̆ng char glă Sinai păng hơmơ̆l dơ̆ng 'bơ̆t char glă Pharan:

Both 33:2

Sư khan: Kră Yang truh đơ̆ng kông Sinai. Pơchrang hơdah kơpal lu bơ̆n đơ̆ng Seirơ, păng rang mơnhal đơ̆ng Kông Paran; Sư truh hăm lơ rơbâu hơngan linh jang, Rang hơdah kơmlat lĕch đơ̆ng ti 'ma Sư.

Both 1:1

Nâu nơ̆r Môis pơma khan kơ đĭ-đăng bơngai Isơrael, gah hơlĕch kơ đak Krong Jôrđăn, tơ lăm thŭng Araba jê̆ pơlei Supha sơlam pơlei Paran păng Tôphêl, La'ban. Haserôt păng Đisahap.

Habakuk 3:3

'Bok Kei-Dei truh đơ̆ng Têman, Kră Yang Tơ'ngla 'Lơ̆ng rơgoh truh đơ̆ng kông Pharan. Sêla Tơdrong ư-ang Sư gom đĭ lu tăl plĕnh, Nơ̆r bơnê ư-ang kơ Sư jơ̆p-jang kơ teh đak.

Jo 25:18

Yua kơ lu sư pơrŭng pơm kơ iĕm, pơhlŭ lu iĕm kơkuh kơ yang Pêôr păng lăm tơdrong Kôsbi, kon drŏ-kăn yŏng kơdră adrĕch Madian, mŏ lu sư đe pơlôch lăm năr đei tơdrong jĭ truh lôch rŭng, yua kơ kơkuh kơ yang Pêôr.

Jo 25:14

Anăn bơngai drŏ-nglo Isơrael mă đe 'bet lôch hơdai bơngai drŏ-kăn Madian noh, Simri kon drŏ-nglo Salu, yŏng kơdră kơ adrĕch bơngai Simêôn.

Jo 25:6

Âu, đei minh 'nu bơngai drŏ-nglo Isơrael chông ba minh 'nu drŏ-kăn bơngai Madian kơ lu 'nhŏng oh sư, 'bơ̆t anăp Môis păng 'bơ̆t anăp đĭ-đăng kon pơlei Isơrael oei akŭm, kơplah lu sư oei nhơ̆m 'bơ̆t 'măng Bơsŭn Anih Akŭm.

Jo 22:4

Lu bơngai Môap khan kơ lu kră pơgơ̆r char Madian; Dang ei lu kon pơlei lơ noh gô sa pơđĭ dôm tơmam sa tăp dăr kơ bơ̆n thoi rơmo sa 'nhĕt lăm mir. Kơplah noh, Balak kon drŏ-nglo Sipôr pơm pơtao char Môap.

Bl 25:4

Kon drŏ-nglo Mađian noh Êpha, Êpher, Hanok, Abida păng Elda, dôm lu tơ kơpal âu adrĕch adrung Kêtura.

Bl 25:2

Sư đei tơpŭ kơ Abraham kon anăn Siram, Jôksan, Medan, Madian, Isbak, Sua.

Bl 21:21

Kơplah sư oei tơ thŭng Pharan, mĕ sư rôp ăn kơ sư akăn đơ̆ng char Êyiptơ.

Bl 14:6

Păng bơngai Hôrit oei tơ kông Sirơ, dĭng truh tơ anih Êl Paran, tơ jê̆ tơmăn glă.

I Pot 11:17

Mă-lei, Hađat hơdai hăm lu bơngai Eđôm đĭch đam 'bă sư kơdâu klĕnh tơ char Êyiptơ kơplah 'noh Hađat oei 'lơ̆p.

I Pot 11:19

Pơtao Pharaôn mơnat kơ Hađat tih dêh, na sư ăn kơ Hađat oei kơ oh akăn sư, wă khan oh yă Tahpênes akăn pơtao Pharaôn.

Le 2:15

Pharaôn kơtơ̆ng tơdrong 'noh, sư chă wă pơlôch Môis; Mă-lei Môis klĕnh kơ Pharaôn năm oei tơ dêh Mađian păng tơ noh sư hơ-oei jê̆ đak sơlŭng.