I Pot 10:13 - Sơ̆p Hlabơar Nơ̆r 'Bok Kei-Dei

¹³ Pơtao Sôlômôn ăn kơ yă pơtao dêh Sêba dôm tơmam kiơ sư wă, dôm tơmam sư apinh, ưh kơ jô̆ dôm tơmam mă pơtao Sôlômôn juăt ăn kơ sư adrol. Đơ̆ng noh yă pơtao păng lu đĭch đam sư wih brŏk tơ dêh sư kơdih.

I Pot 10:13 Referans Kwoze

Mathiơ 15:28

Sư pơma trŏ thoi noh, na Yêsu khan: “Ơ yă, ih lui kơjăp tơpă. Tơdrong ih apinh noh gô đei kơ ih.” Kơplah noh kon adruh sư klaih hloi.

Horiso 37:4

Hiôk chơt bĕ lăm Kră Yang, na Sư gô ăn kơ ih tơdrong kiơ ih 'maih wă.

Horiso 20:4

Apinh Kră Yang ăn kơ ih dôm jơhngơ̆m hơpơi wă, Păng pơkeh dôm tơdrong ih tơchĕng wă pơm!

Êphêsô 3:20

Bơnê kơ 'Bok Kei-Dei Kră Yang mơsêh tăp pang mơyang tăp dăr tơgŭm bơ̆n lơ hloh kơ đêl bơ̆n apinh, lơ hloh kơ đêl đon bơ̆n tơchĕng.

I Pot 10:2

Yă pơtao sư truh tơ pơlei Jêrusalem hơdai hăm lơ bơngai lơ aseh lăk-đa chơ pơgang 'bâu phu, đei maih lơ păng lu tơmo gĭt kư̆m lơ. Lăp sư năm truh tơ Sôlômôn bơih, sư roi kơ pơtao Sôlômôn dôm đon sư tơchĕng wă jet 'noh.

I Pot 9:1

Sôlômôn man Hnam akŭm Kră Yang, hnam sư kơdih păng dôm lu hnam mă sư man đang bơih.

I Pot 10:12

Pơtao yua 'long kơte pơm jrăng tơm Hnam Kră Yang păng hnam pơtao, păng lu brŏ dung, tĭng-nĭng ăn kơ lu bơngai hơri. Đơ̆ng năr noh truh dang ei ưh kơ đei bu chơ ba 'long kơte lơ dang noh.

I Pot 10:14

Lăm rim sơnăm Sôlômôn sư ra maih đei 'bar-jĭt 'bar-rơbâu pơđăm-hrĕng kĭ.

II Ho 9:12

Pơtao Sôlômôn ăn kơ yă pơtao char Seba tơmam kiơ̆ thoi sư apinh hơpơi wă, lơ hloh kơ tơmam sư đei pơyơ̆r ăn kơ pơtao Sôlômôn, đơ̆ng noh yă pơtao păng lu đĭch đam sư wih brŏk tơ dêh char sư kơdih.