I Pot 1:44 - Sơ̆p Hlabơar Nơ̆r 'Bok Kei-Dei

⁴⁴ Pơtao Đawit đei wơh 'bok soi Sadok, Nathan bơngai khan lê̆ adrol, Bênaia kon drŏ-nglo Jêhôiada, lu bơngai Kêrêthit păng lu bơngai Phelêthit kiơ̆ Sôlômôn, đơ̆ng noh lu sư hiŏng atŏk Sôlômôn tơ kơpal aseh dăm pơtao.

I Pot 1:44 Referans Kwoze

I Sam 30:14

Lu nhôn năm blah tơgar tơ teh goh gơal kon pơlei Kêrêthit, lăm dêh Juđa păng kư̆m năm blah tơgar tơ teh gah gơal kơ Kalep lu nhôn soh pơđĭ Siklak.

II Sam 8:18

Bênaia kon tơdăm Jêhôiada pơm yŏng pơgơ̆r linh wei pơtao, lu kon pơlei Kêrêthit păng kon pơlei Pêlithit; gah lu kon drŏ-nglo Đawit tơgŭm sư chă đon.

I Pot 1:43

Mă-lei Jônathan tơl: “Ưh ôh, pơtao Đawit yŏng bơ̆n pôk ăn kơ Sôlômôn pơm pơtao boih.

I Pot 1:45

'Bok soi Sadok, Nathan bơngai khan lê̆ adrol tuh đak rơmă 'bâu phu tơ kơ̆l pôk sư pơm pơtao tơ pơlei Gihôn; đơ̆ng noh lu sư tŏk năm hăm tơdrong chhôk hal, păng đei jơwa nơ̆r pơma ơ-ơ̆r ơ-ăr jơ̆p tơ lăm pơlei tih mă iĕm đei kơtơ̆ng boih noh.

Bl 36:24

'Nâu kon drŏ-nglo Sibêôn, Aiyah păng Ana. Ana âu boih chă 'bôh glung tơ char 'blach, kơplah sư oei wei aseh Sibêôn, 'bă sư.

II Sam 20:7

Abisai pơgơ̆r linh Jôap, khŭl linh sư bơngai Kêrêthit; păng bơngai Phêlêthit păng đĭ-đăng lu bơngai nuih kơtang lĕch dơ̆ng pơlei Jêrusalem, druh 'moi Sêba, kon Bikri.

I Pot 1:33

Pơtao khan kơ lu sư: “Chông ba lu đĭch đam inh mă yŏng tơ'ngla iĕm, hơdai hăm iĕm na iĕm hiŏng atŏk Sôlômôn kon drŏ-nglo inh kơpal aseh dăm inh, ba sư truh tơ pơlei Gihôn;

I Ho 6:8

Ahitup pơjing Sađôk; Sađôk pơjing Ahimaas.

I Ho 17:1

Lăp Đawit oei lăm hnam pơtao sư boih, Đawit khan kơ Nathan bơngai khan lê̆ adrol: “Âu inh oei lăm hnam pơtao pơm păng 'long hơngo, mă-lei Hom Pơgơ̆p Kră Yang tơ lăm bơsŭn.”

I Ho 18:17

Bênaia kon drŏ-nglo Jêhôiada pơgơ̆r lu bơngai Kêrêthit hăm lu Pêlithit; lu kon drŏ-nglo Đawit jing yŏng pơgơ̆r lăm tơdrong jang pơtao.