I Pot 1:30 - Sơ̆p Hlabơar Nơ̆r 'Bok Kei-Dei

³⁰ Thoi inh đei pơkă pơkăm boih hăm ih hăm anăn Kră Yang 'Bok Kei-Dei Isơrael tơpă: Sôlômôn kon drŏ-nglo ih gô pơm pơtao pơgơ̆r pơtrơp inh, sư gô hơ-oei kơpal tang-dŏ tơplih inh, năr 'nâu boih inh gô pơm pơkeh tơdrong noh.”

I Pot 1:30 Referans Kwoze

I Pot 1:17

Yă Batsêba tơl: “Ơ pơtao, ih đei pơkă pơkăm boih hăm inh đam ih, hăm anăn Kră Yang 'Bok Kei-Dei ih: ‘Sôlômôn kon drŏ-nglo inh gô pơm pơtao tơplih inh, sư gô hơ-oei kơpal tang-dŏ pơtao inh.’

I Pot 1:13

Ih năm hloi bĕ tơ pơtao Đawit păng khan kơ sư: Ơ pơtao, yŏng inh! Ih hăm pơkă pơkăm hăm đam drŏ-kăn ih khan: Sôlômôn kon drŏ-nglo inh, ih gô pơtrơp pơm pơtao tơplih inh, sư oei kơpal tang-dŏ pơtao dah kiơ? Liơ dang ei tă tơ Adonija pơm pơtao?

I Pot 2:12

Sôlômôn hơ-oei kơpal tang-dŏ pơtao Đawit 'bă sư păng dêh char pơtao sư kơjăp 'lơ̆ng tơpă.

I Ho 28:5

Lăm lu kon drŏ-nglo inh, tơpă Kră Yang ăn kơ inh đei lơ kon drŏ-nglo Sư rơih iŏk Sôlômôn, kon drŏ-nglo inh, pơm pơtao lăm dêh char pơtao Kră Yang pơgơ̆r wei-lăng Isơrael.

I Ho 29:23

Sôlômôn iung pơm pơtao Kră Yang pơtrơp kơ Đawit, 'bă Sư mơdrŏng tih; đĭ-đăng Isơrael chu kiơ̆ nơ̆r sư.

I Ho 29:28

Sư lôch, sơnăm sư đĭ kơjung, sư arih hrăp jơnap mơdrŏng tih păng đe pơyom. Sôlômôn, kon drŏ-nglo sư, pơtrơp sư pơm pơtao.

Bôk Bơthô 8:4

Mă loi, nơ̆r pơtao pơma đei tơdrong gơh kĕ; hăm đei bu pơ̆n pơma plơ̆ kơ sư khan: Ih pơm kiơ?