I Pet 4:6 - Sơ̆p Hlabơar Nơ̆r 'Bok Kei-Dei

⁶ Lu bơngai lôch boih đe kư̆m bơtho lu sư tơdrong 'nao 'lơ̆ng mơ̆n, gah akâu akar sư 'Bok Kei-Dei dang sek tơlang boih na sư lôch. Đĭ rim măt bơngai lei-lăi tă gô tơ'bơ̆p tơdrong thoi noh, mă-lei bơhngol lu sư ưh kơ lôch ôh, bơhngol lu sư oei arih hiôk hăm 'Bok Kei-Dei đĕch.

I Pet 4:6 Referans Kwoze

Rom 8:2

Yua kơ bơ̆n lui kơ Yêsu Krist, na Yang Bơhngol 'Lơ̆ng ăn kơ bơ̆n tơdrong arih 'nao, bơ̆n jing klaih đơ̆ng tơdrong yoch, ưh pă hli kơ lôch dơ̆ng.

I Pet 3:19

Na bơhngol Sư năm bơtho bơhngol lu bơngai lôch mă 'Bok Kei-Dei oei phak.

Galati 5:25

Yang Bơhngol 'Lơ̆ng ăn kơ bơ̆n jing kon 'Bok Kei-Dei, na bơ̆n kư̆m athei ăn kơ Sư pơgơ̆r bơ̆n khŏm khŏm mơ̆n.

Mathiơ 24:9

“Kơplah noh kơnh đe gô rôp iĕm jao kơ đe tôn teh păng pơlôch iĕm. Đĭ-đăng bơngai areh arĕnh kơ iĕm yua kơ iĕm lui kơ Inh.

Galati 2:19

Sơ̆ inh kư̆m kiơ̆ mơ̆n tơdrong juăt Môis, mă-lei inh tơchĕng akâu inh kơdih đĕch kiơ̆, mă tơpă lăm to inh ưh kơ 'lơ̆ng hăm 'Bok Kei-Dei ôh. Thoi noh na inh ưh pă gơnang kơ akâu inh kơdih wă kiơ̆ tơdrong juăt Môis, akâu inh dang lĕ kơ lôch, wă kơ inh iung arih gơnang kơ 'Bok Kei-Dei đĕch.

Tơdrông Tơ'bôh 14:18

Đei dơ̆ng minh 'nu linh jang 'lơ̆ng nai, sư lĕch đơ̆ng anih chơnang soi. Sư wei-lăng ŭnh tơ anih chơnang soi. Na sư pơma 'bơ̆r re kơ buăl sư mă đei chĕp săng kô han noh thoi âu: “Săng kô ih noh, ih năm kăt pơđĭ lu hơie plei hơmu lăm war tơ ala teh sŭng, yua kơ plei hơmu noh kư̆m truh bơyan sư đum boih.”

I Pet 1:12

'Bok Kei-Dei tơbăt kơ lu sư dôm tơdrong lu sư wă pơma khan lê̆ hơdrol noh, Sư ưh kơ ăn truh chăl arih lu sư ôh, Sư ăn truh chăl arih lu bơ̆n dang ei. Thoi noh na 'Bok Kei-Dei ăn Yang Bơhngol 'Lơ̆ng Sư jur oei hăm lu 'bok bơtho tơdrong 'nao 'lơ̆ng Yêsu Krist, na lu 'bok bơtho noh roi tơbăt kơ iĕm boih tơdrong Sư wă pơklaih bơ̆n noh. Lu linh jang kơpal plĕnh kư̆m wă kơ hlôh tơdrong 'noh mơ̆n.

I Pet 3:18

Yua kơ Yêsu Krist sơ̆ Sư kư̆m lôch pơmat yua kơ tơdrong yoch bơ̆n thoi noh mơ̆n wă kơ bơ̆n klaih đơ̆ng tơdrong yoch gơh oei hăm 'Bok Kei-Dei. Sư 'lơ̆ng dêh ưh kơ đei yoch kiơ, mă Sư lôch tang bơ̆n bơngai kơnê̆. Mă Sư lôch minh 'măng noh boih ưh pă layơ wă lôch dơ̆ng. Đe pơlôch akâu Sư, mă bơhngol Sư ưh kơ lôch ôh.