I Pet 3:9 - Sơ̆p Hlabơar Nơ̆r 'Bok Kei-Dei

⁹ Mă đe pơm kơnê̆ kơ bơ̆n, bơ̆n 'nĕ pơm tơwih kơ đe; mă đe pơma kơnê̆ kơ bơ̆n, bơ̆n 'nĕ pơma tơwih kơ đe, bơ̆n rai krao khan apinh 'Bok Kei-Dei mơnat kơ sư dơ̆ng. Bĭ 'Bok Kei-Dei kư̆m mơnat kơ bơ̆n na Sư krao iŏk bơ̆n jing kon Sư.

I Pet 3:9 Referans Kwoze

Rom 12:17

Đe pơm kơnê̆ kơ bơ̆n, bơ̆n 'nĕ pơm tơwih kơ đe, bơ̆n athei pơm 'lơ̆ng pơm trŏ, pơm kiơ̆ kơ tơdrong bôl buăl mă lăp đon; bơ̆n pơm thoi noh đĕch 'lơ̆ng.

Tơdrông Pơđơk 20:22

'Nĕ pơma khan, tơan wă pơm kơ đe kơnê̆. Lê̆ gô mơ̆ng đơ̆ng Kră Yang, na Sư gô dŏng pơklaih ih.

Rom 12:14

Mă đe pơm kơnê̆ kơ bơ̆n, bơ̆n 'nĕ kơ blei hiap đe, bơ̆n rai krao khan apinh 'Bok Kei-Dei mơnat kơ sư dơ̆ng.

I Tes 5:15

Iĕm 'nĕ kơ hil kơ sư. Iĕm ling-lang athei pơm 'lơ̆ng lăm tơduă iĕm hăm lu bôl buăl nai mơ̆n.

Mathiơ 5:44

Mă-lei gah Inh bơtho iĕm thoi âu: Iĕm athei 'mêm mơnat kơ lu bơngai mă pơm kơnê̆ kơ iĕm, krao khan apinh 'Bok Kei-Dei tơgŭm sư,

Êphêsô 4:32

Iĕm athei pơm băl mă 'lơ̆ng, băt 'mêm mơnat kơ bôl buăl, 'nĕ kơ jô̆ yo dih băl thoi 'Bok Kei-Dei huay kơ jô̆ yo kơ bơ̆n yua kơ Kon Sư Yêsu Krist lôch tang bơ̆n.

Mathiơ 5:39

Thoi noh boih na gah Inh bơtho iĕm thoi âu: Đe pơm kơnê̆ kơ iĕm, iĕm 'nĕ pơm plơ̆ kơ đe; đe tap 'bŏ iĕm gah 'ma, ăn sư tap gah minh dơ̆ng.

Tơdrông Pơđơk 17:13

Bơngai bu pơm kơnê̆ tơwih kơ đe pơm 'lơ̆ng, Tơdrong truh pơmat ưh kơ weh ôh đơ̆ng hnam sư.

I Pet 5:10

Mă-lei 'Bok Kei-Dei krao iŏk bơ̆n Sư wă kơ bơ̆n oei hiôk hăm Sư ling-lang yua kơ bơ̆n lui kơ Yêsu Krist, na Sư ăn kơ bơ̆n pơmat tŏ sĕt đĕch ưh kơ đunh, Sư gô pơm kơ bơ̆n lui kơjăp jing bơngai tơpăt lăm tôm tơdrong. Yua kơ Sư mơnat na Sư tơgŭm bơ̆n tôm tơdrong thoi noh.

Rom 8:28

Bơ̆n 'bôh bơngai bu mă 'mêm kơ 'Bok Kei-Dei, bơngai noh 'Bok Kei-Dei rơih iŏk lui kơ Sư, lu bơngai thoi noh boih, mă sư tơ'bơ̆p tơdrong kiơ, bơ̆n băt kơ 'Bok Kei-Dei ăn kơ sư hiôk ngăl.

Mathiơ 25:34

Na Inh pơm Pơtao pơgơ̆r lu sư, Inh khan kơ lu bơngai mă oei gah 'ma kơ Inh thoi âu: ‘'Bă Inh ăn kơ iĕm hiôk tơpă, năm mơ̆t oei tơ dêh Sư bĕ, Sư hơmet kơ iĕm anih đơ̆ng Sư pơjing plĕnh teh sơ̆ boih.

Luka 18:18

Đei minh 'nu kră tơring năm jet Yêsu: “Ơ 'Bok Thây, Ih 'lơ̆ng tơpăt, inh pơm thoi yơ wă kơ arih ling-lang hăm 'Bok Kei-Dei?”

Luka 10:25

Đei minh 'nu 'bok thây bơtho tơdrong juăt đe Juđê iung jet pơlong lăng Yêsu thoi âu: “Ơ 'Bok Thây, inh pơm thoi yơ wă kơ arih ling-lang?”

Mathiơ 19:29

Na bu achăng hnam sư, 'nhŏng oh sư, mĕ 'bă sư, kon sư, mir 'ba sư, yua kơ jang tơdrong Inh, bơngai noh gô đei tơmam lơ hloh kơ sư đei sơ̆ păng ning-mônh sư gô arih ling-lang hơdai hăm 'Bok Kei-Dei ưh kơ layơ tôch.

Rom 8:30

Lu bơngai thoi noh 'Bok Kei-Dei rơih iŏk, Sư jô̆ lu bơngai thoi noh bơngai tơpăt hăm Sư. Lu bơngai noh 'Bok Kei-Dei jô̆ jing kon Sư, gô oei hăm Sư hiôk jơnap.

Markôs 10:17

Lăp Yêsu wă yak đơ̆ng ei Sư tơ'bơ̆p minh 'nu bơngai kơdâu tơkan năm tơ Sư, sơtơ̆p kŭl-tăng 'bơ̆t anăp Sư păng jet Sư thoi âu: “Ơ 'Bok Thây, Ih 'lơ̆ng tơpăt; inh pơm thoi yơ wă kơ oei hơdai hăm 'Bok Kei-Dei na arih ling-lang?”

Bl 42:25

Jôsep athei lu đe jang kơ sư tŏng ăn 'ba 'bĕnh kơ 'bi păng tah pơdrâu jên tơ rim 'bi lu 'nhŏng sư, kư̆m đei ăn thim tơmam sa rok trong. Đam sư pơm thoi nơ̆r sư đei pơkă.

I Sam 26:11

Mă-lei Kră Yang wei inh, ưh kơ ăn tơpang ti inh pơlôch bơngai mă đơ̆ng Kră Yang tuh ăn đak rơmă! Inh apinh ih iŏk tơpu hăm get đak đơ̆ng kơ̆l giơng sư hăm get đak sư, đơ̆ng noh ba weh.

Tơdrông Pơđơk 28:10

Bơngai bu ba lu bơngai tơpăt kiơ̆ trong kơnê̆. Gô huŏng lăm sơlŭng đêl lu sư sir; Mă-lei đei tơdrong pŭn hiôk kơ lu bơngai 'lơ̆ng tơpăt.

Galati 3:14

Yêsu huai iŏk bơ̆n boih, na mă 'Bok Kei-Dei tơgŭm kơ đĭ-đăng kơ bơ̆n, mă bơngai Juđê, mă bơngai ưh kơ sĭ khŭl Juđê, noh kư̆m thoi Sư pơkă kơ Abraham bơ̆n sơ̆ khan wă tơgŭm bơ̆n, wă khan ăn kơ bơ̆n Yang Bơhngol 'Lơ̆ng dah bu lui păng gơnang kơ Sư.

Hêbrơ 12:17

Đơ̆ng rŏng iĕm kư̆m băt mơ̆n sư wă dơ̆ng ră, sư athei 'bă sư krao khan pơsĭt kơ 'Bok Kei-Dei ăn kơ sư jing kon kơdră dơ̆ng. Mă-lei 'bă sư ưh pă gơh boih, mă sư nhơ̆m hmoi lung 'bă sư dang yơ lap đĕch, ưh pă gơh tơwih băl boih, yua kơ 'nhŏng oh bre sư tơplih băl đang boih.