I Pet 3:16 - Sơ̆p Hlabơar Nơ̆r 'Bok Kei-Dei

¹⁶ Thoi noh bơ̆n athei pơm 'lơ̆ng tơpăt ling-lang, wă kơ lu bơngai mă pơjăm bơ̆n kiơ̆ tơdrong Yêsu, sư jing mơlâu yua kơ sư ưh kơ 'bôh tơdrong bơ̆n pơm yoch kiơ.

I Pet 3:16 Referans Kwoze

I Pet 2:12

Bơ̆n athei oei sa pơm mă 'lơ̆ng 'bơ̆t anăp lu bơngai ưh kơ lui, na lu bơngai mă jô̆ kơ bơ̆n khan bơngai kơnê̆ sư kơnăl kơ bơ̆n bơngai 'lơ̆ng, noh na sư gô ư-ang kơ 'Bok Kei-Dei kơplah năr 'Bok Kei-Dei tơbăt kơ đon sư.

Hêbrơ 13:18

Apinh iĕm krao khan tơgŭm nhôn hŏ, nhôn mơn kơdih nhôn pơm 'lơ̆ng păng nhôn 'maih pơm tơpăt ling-lang.

I Pet 2:15

'Bok Kei-Dei wă kơ bơ̆n pơm 'lơ̆ng ling-lang, thoi noh na lu bơngai ưh kơ hlôh pơŏm 'bơ̆r huay pă pơma kơ bơ̆n dơ̆ng.

Tit 2:8

Dah ih bơtho trŏ đe ưh kơ gơh bâu roi ih ôh. Thoi noh na lu bơngai mă ayăt kơ bơ̆n, sư wă bâu roi pơjăm bơ̆n ră mă sư ưh kơ pơ̆n kơlih kơ bơ̆n tơpăt. Dah sư bâu roi bơ̆n mă bơ̆n ưh kơ đei pơm tơdrong yoch kiơ, noh sư mơlâu kơ đe hơ'măng.

Mathiơ 5:11

“Hiôk bĕ lu iĕm, mă đe pơjăm pơjuă iĕm, pơm kơnê̆ kơ iĕm, dah bâu roi 'bơm iĕm tôm tơdrong yua kơ iĕm lui kơ Inh.

I Pet 2:19

Bơ̆n ưh kơ đei pơm kơnê̆ kơ sư, mă sư pơm kơnê̆ kơ bơ̆n, bơ̆n athei thĕng đĕch yua kơ bơ̆n băt tơdrong 'Bok Kei-Dei boih, thoi noh na 'Bok Kei-Dei lăp đon kơ bơ̆n.

I Pet 3:21

Dang ei kư̆m lei-lăi thoi noh, bơ̆n gơnang kơ Yêsu Krist iung arih đơ̆ng lôch păng bơ̆n iŏk 'batem tơ đak wă kơ klaih đơ̆ng tơdrong phak. Ưh kơ sĭ bơ̆n iŏk 'batem wă ôp 'nhao rơgoh akâu bơ̆n mơgrĭ ôh. Bơ̆n iŏk 'batem wă pơtih gia kơ tơdrong bơ̆n apinh 'Bok Kei-Dei ăn kơ bơ̆n lê̆ đĭ tơdrong yoch jing bơngai 'lơ̆ng.

I Tim 1:5

Inh athei ih khă lu sư thoi noh wă kơ lu sư đei đon 'lơ̆ng tơpăt, hăm lui mă trŏ, thoi noh na sư gơh 'mêm kơ 'Bok Kei-Dei hăm bôl buăl tơ ala teh âu mơ̆n.

Rom 9:1

Inh wă roi kơ iĕm gah tơdrong 'nhŏng oh inh khŭl Isơrael. Inh sơ'ngon dêh yua kơ lu sư ưh kơ lui kơ Yêsu. Inh roi kơ iĕm tơdrong 'nâu inh roi tơpă, inh bơngai kiơ̆ Yêsu Krist ưh kơ anul ôh. Yua kơ Yang Bơhngol 'Lơ̆ng oei lăm inh, thoi yơ inh gơh anul?

Jang 24:16

Inh ling-lang adrin wă kơ đei jơhngơ̆m 'lơ̆ng 'bơ̆t anăp 'Bok Kei-Dei hăm kon bơngai.

Hêbrơ 9:14

Tơ̆ng thoi ei, lei pham Yêsu Krist kăl hloh kơ dôm lu pham sem noh, yua kơ Sư rơgoh ling-lang ưh kơ đei yoch kiơ ôh. Pơthim kơ Sư Yang arih ling-lang tăm. Sư soi kơ 'Bok Kei-Dei hăm pham Sư kơdih, na pham Sư sut lê̆ đĭ dôm tơdrong yoch bơ̆n, pơm kơ jơhngơ̆m đon bơ̆n jing 'lơ̆ng tơpăt hăm 'Bok Kei-Dei wă kơ bơ̆n gơh jang kơ 'Bok Kei-Dei mă arih ling-lang.

II Kor 1:12

Tơdrong nhôn hiôk, nhôn hiôk yua kơ tơdrong âu: Jơhngơ̆m đon nhôn mơn kơdih nhôn pơm 'lơ̆ng kơ đĭ-đăng bơngai; mă loi pơm 'lơ̆ng pơm tơpăt hăm iĕm. Mă-lei nhôn ưh kơ bơnê kơ akâu nhôn kơdih hơgei ôh, nhôn bơnê kơ 'Bok Kei-Dei tơgŭm nhôn pơm 'lơ̆ng thoi noh.

II Tim 1:3

Inh lui kơ 'Bok Kei-Dei trŏ thoi Sư wă, na inh ưh kơ hli. Lu 'bok kơdră inh lui sơ̆ thoi noh mơ̆n. Na inh krao khan kơ 'Bok Kei-Dei ling-lang wă kơ Sư tơgŭm ih păng inh kư̆m bơnê kơ Sư yua kơ ih lui kơjăp.

I Tim 1:19

păng wă kơ ih lui kơjăp khŏm khŏm pơm đon 'lơ̆ng tơpăt kơ 'Bok Kei-Dei hăm đĭ-đăng bơngai. Đei lu bơngai mơ'nah hŭt lê̆ đon 'lơ̆ng sư kơdih na jing hŭt lê̆ tơdrong lui sư mơ̆n.

II Kor 4:2

Nhôn jang ưh kơ đei ôn tơdrong kơnê̆ hrĕp thoi lu bơngai nai ôh. Nhôn ưh kơ hơlĕnh pơdăr thoi đe, nhôn ưh kơ ming tơplih nơ̆r 'Bok Kei-Dei pơma. Nhôn wă pơma kiơ, nhôn pơma hơdah hloi. Nhôn pơma tơpăt wă kơ đĭ-đăng bơngai băt kơ nhôn bơngai tơpăt 'bơ̆t anăp 'Bok Kei-Dei ling-lang.

Da 6:4

Bre kơiĕng pơtao păng lu yŏng pơgơ̆r tơring chă đon wă 'maih pơrăm, kêng Đaniel lăm tơdrong pơgơ̆r teh đak. Mă-lei lu sư chă ưh kơ đei tơdrong kiơ wă kơ gơh kêng, kư̆m ưh kơ đei minh tơdrong kơnê̆ kiơ sư pơm, yua kơ sư jing minh 'nu bơngai tơnăp tơpăt ưh kơ đei tơdrong hơlĕnh păng kư̆m ưh kơ đei minh tơdrong kơnê̆ kiơ.

Jang 28:22

Mă nhôn wă mơ̆ng tơdrong ih bơtho yua kơ lơ bơngai jơ̆p kơ teh đak khan khŭl iĕm kiơ̆ Yêsu ưh kơ 'lơ̆ng.”

I Pet 4:4

Lu sư 'bôh iĕm ưh pă kiơ̆ thoi lu sư boih, na lu sư lăng iĕm hlĭch tơpă păng che bơle kơ iĕm.