I Pet 3:1 - Sơ̆p Hlabơar Nơ̆r 'Bok Kei-Dei

¹ Kư̆m lei-lăi thoi noh, lu bơngai drŏ-kăn, iĕm athei chu yom kơ klo iĕm. Dah klo iĕm ưh kơ lui kơ nơ̆r 'Bok Kei-Dei, iĕm kư̆m athei pơm 'lơ̆ng kơ sư ling-lang; khŏm khŏm sư kư̆m lui mơ̆n mă khan ưh kơ đei bu bơtho.

I Pet 3:1 Referans Kwoze

Kôlôsê 3:18

Lu bơngai drŏ-kăn, iĕm athei chu yom kơ klo iĕm pơgơ̆r yua kơ iĕm lui boih kơ Kră Yang Yêsu Krist.

Êphêsô 5:33

Thoi noh na lu bơngai pơm klo athei 'mêm kơ akăn sư thoi noh tơpă, thoi sư 'mêm kơ akâu sư kơdih. Na lu bơngai pơm akăn kư̆m lei-lăi athei băt 'mêm mơnat hăm chu yom kơ klo sư pơgơ̆r sư lăm tôm tơdrong.

I Kor 11:3

Mă-lei inh wă kơ iĕm hlôh tơdrong âu: Yêsu Krist pơm Yŏng kơ đĭ-đăng drŏ-nglo, drŏ-nglo pơm yŏng kơ akăn sư; na 'Bok Kei-Dei pơm Yŏng kơ Yêsu Krist.

I Kor 7:16

Ơ lu drŏ-kăn lui mă đei klo mă ưh kơ lui, lơliơ iĕm băt khan klo iĕm ning-mônh ưh kơ lui dah iĕm bơtho sư? Lu drŏ-nglo đei akăn mă ưh kơ lui, lơliơ iĕm băt khan akăn iĕm ning-mônh ưh kơ lui dah iĕm bơtho sư?

Bl 3:16

Kră Yang 'Bok Kei-Dei khan kơ bơngai drŏ-kăn thoi âu: “Inh gô ăn tơdrong gleh pơmat lăm tơdrong anăp; ih gô jĭ pơmat lăm năr hơiơch. Gah tơdrong hưch wă ih gô mơ̆ng kơ klo ih, păng klo ih gô pơgơ̆r ih.”

I Pet 3:7

Lu bơngai drŏ-nglo kư̆m lei-lăi, iĕm athei pơm 'lơ̆ng kơ akăn iĕm, iĕm athei mơnat kơ sư 'biơ̆ yua kơ sư bơngai drŏ-kăn tơrăn hloh kơ iĕm; yua kơ tơdrong arih 'Bok Kei-Dei ăn tôm biĕm arih, ưh kơ sĭ ăn pôm drŏ-nglo đĕch ôh. Dah iĕm ưh kơ chu thoi noh tơdrong iĕm krao khan kơ 'Bok Kei-Dei ưh kơ yua kiơ boih.

Rom 7:2

Na kiơ̆ kơ tơdrong juăt bơ̆n hmă khan, dah bơngai drŏ-kăn đei klo, sư athei oei kơ klo sư truh tơ klo sư lôch, sư ưh pă tơchĕng kơ tơdrong juăt hli kơ pơm yoch kơ klo sư dơ̆ng boih.

I Kor 14:34

Lăm iĕm akŭm, lu bơngai drŏ-kăn athei hreh ưh kơ gơh iung pơma. Lu bơngai lui mă akŭm jơ̆p-jang anih kư̆m pơm thoi noh mơ̆n. Lu bơngai drŏ-kăn athei lui yom kơ bơngai drŏ-nglo kư̆m thoi tơdrong 'Bok Kei-Dei pơkă.

Mathiơ 18:15

“Dah bôl buăl bơngai lui pơm kơnê̆ kơ iĕm, iĕm athei khan kơ sư kơdrô̆ biĕm. Dah sư chu kơ iĕm khan, lei iĕm oei hiôk hăm sư.

Kôlôsê 4:5

Bơ̆n athei adrin pơm mă 'lơ̆ng pơma mă trŏ kơ lu bơngai tam mă lui, wă kơ lu sư mơ̆ng trŏ na lui kơ 'Bok Kei-Dei.

Hêbrơ 11:8

Abraham kư̆m yua kơ sư đei đon lui kơjăp, na lăp 'Bok Kei-Dei athei sư năm oei tơ dêh nai, na sư năm hloi tơ dêh mă 'Bok Kei-Dei pơkă wă ăn kơ sư noh. Sư kư̆ kơ năm, mă ưh kơ băt wă năm tơ dêh ayơ.

II Tes 1:8

Lu sư yak lăm anê̆ ŭnh. Sư wă phak lê̆ lu bơngai mă ưh kơ băt kơ 'Bok Kei-Dei păng ưh kơ wă lui yom kơ tơdrong 'nao 'lơ̆ng Kră Yang bơ̆n Yêsu Krist.

Rom 6:17

Sơ̆ iĕm đĭch gah tơdrong yoch ră, mă-lei bơnê kơ 'Bok Kei-Dei pơklaih iĕm rơngei boih yua kơ iĕm lui kơ tơdrong đe bơtho hăm đĭ jơhngơ̆m klơm klak.

Tơdrông Pơđơk 18:19

Pơlung 'nhŏng oh lăp jơhngơ̆m, kơtrơ̆m jah blah kơđông kơjăp đĕch 'bônh; Tơdrong pơjah noh nhen thoi pơlei kơjăp chơkăl 'măng jang boih.

Tơdrông Pơđơk 11:30

Bơngai 'lơ̆ng tơpăt gô đei nhen thoi tơnơm 'long arih, Bơngai gơh hơgei đei dŏng bơhngol đe.

I Pet 4:17

Dang ei 'Bok Kei-Dei wă pơtơm ăn tơdrong gleh kơ kon bơngai. Sư ăn kơ lu kon Sư adrol 'mơ̆i, wă pơlong lăng tơdrong lui lu sư thoi yơ. Klaih kơ noh na Sư ăn tơdrong gleh truh kơ lu bơngai mă kuă kơ lui kơ tơdrong 'nao 'lơ̆ng Sư. Tơdrong gleh lu sư noh kơtang tơpă, kơtang hloh kơ tơdrong gleh lu bơ̆n đei dang ei.

I Pet 1:22

Bơ̆n chu lui kơ tơdrong 'Bok Kei-Dei boih, bơ̆n băt kơ lê̆ đĭ dôm tơdrong yoch, băt 'mêm mơnat kơ bôl buăl 'nhŏng oh bơngai lui. Bơ̆n athei iŏk tơdrong 'mêm mơnat dih băl ling-lang khŏm khŏm hăm đĭ jơhngơ̆m.

Hêbrơ 5:9

Sư pơm dôm tơdrong tơnen 'blep thoi 'Bok Kei-Dei, na 'Bok Kei-Dei ăn kơ Sư pơm tơm gah tơdrong dŏng pơklaih dôm lu bơngai mă băt chu kơ Kon Sư, đơ̆ng tơdrong phak ăn arih ling-lang,

Rom 10:16

Mă đei đe năm bơtho tơdrong 'nao 'lơ̆ng ưh kơ sĭ đe lui đĭ hloi ôh, yua kơ tơdrong noh 'blep thoi tơdrong Êsai chih roi sơ̆ thoi âu: “Ơ Kră Yang, nhôn bơtho tơdrong Ih ră đe kuă kơ lui.”

I Pet 3:2

Sư 'bôh tơdrong iĕm lui kơ 'Bok Kei-Dei hăm pơm 'lơ̆ng, sư gô pơm kiơ̆.