I Pet 2:24 - Sơ̆p Hlabơar Nơ̆r 'Bok Kei-Dei

²⁴ Sư lôch pơmat tơ 'long pơglang yua kơ tơdrong yoch bơ̆n, wă kơ bơ̆n jing bơngai tơpăt, bơ̆n jing thoi bơngai lôch ưh kơ băt pơm tơdrong yoch kiơ, na bơ̆n iung arih jing bơngai 'nao pơm tôm tơdrong 'lơ̆ng. Sư chu iŏk tơdrong đe pơjĭ pơmat Sư wă kơ bơ̆n klaih 'lơ̆ng.

I Pet 2:24 Referans Kwoze

Mathiơ 8:17

Yêsu pơm thoi noh wă kơ 'blep trŏ thoi Êsai khan lê̆ hơdrol sơ̆ thoi âu: “Sư pơklaih tôm tơdrong jĭ jăn kon bơngai bơ̆n.”

Rom 6:11

Akâu bơ̆n kư̆m thoi noh mơ̆n, dang bơ̆n lôch hŭt đĭ dôm tơdrong yoch, gơnang kơ Yêsu Krist đei arih 'nao kiơ̆ thoi Sư, na jang tơdrong 'Bok Kei-Dei lei-lăi.

Tơdrông Tơ'bôh 22:2

Đak krong ei ro tŏk-bŏk pơlei hloi, cheng đak krong ei đei 'long pah âu pah to wă ăn kơ kon bơngai arih. 'Long ei minh sơnăm mơjĭt-'bar 'măng plei, rim khei minh 'măng. Hla sư kư̆m yua wă ăn kơ kon bơngai sa jing đei jơhngơ̆m pran.

I Yo 2:29

Iĕm băt kơ Yêsu Krist pơm 'lơ̆ng tơpăt. Thoi noh iĕm kư̆m băt bơngai bu pơm 'lơ̆ng tơpăt, bơngai 'noh boih kon 'Bok Kei-Dei.

Ya 5:16

Thoi noh na iĕm athei roi dih băl tơdrong yoch na bôl buăl krao khan tơgŭm, 'Bok Kei-Dei gô ăn kơ lu iĕm mă jĭ jăn klaih praih iung. Bơngai mă lui kơjăp ưh kơ đei tơdrong yoch sư krao khan adrin tơpă na 'Bok Kei-Dei gô tơl tơwih dôm tơdrong sư krao khan noh.

Hêbrơ 9:28

Kư̆m thoi noh Yêsu jur lôch minh 'măng noh sơ̆ wă pơrăm tôm tơdrong yoch hloi. Mă pă 'măng Sư jur Sư ưh pă pơrăm tơdrong yoch boih, Sư jur wă iŏk dôm lu bơngai mă oei chang gô Sư dang ei.

Galati 3:13

Bơ̆n ưh kơ kĕ ôh kiơ̆ tôm tơdrong juăt 'Bok Kei-Dei, na trŏ yơh kơ 'Bok Kei-Dei wă phak bơ̆n, mă-lei Yêsu Krist dŏng pơklaih bơ̆n wă huai iŏk bơ̆n đơ̆ng tơdrong yoch wă kơ 'Bok Kei-Dei huay kơ phak bơ̆n. Sơ̆p hla bơar 'Bok Kei-Dei khan boih thoi âu: “Kon bơngai bu pơm yoch na tơduă kon bơngai phak pơlôch bơngai mă pơm yoch noh atol sư tơ kơpal 'long, 'Bok Kei-Dei kư̆m wă kơ phak bơngai mă pơm yoch noh tơpă mơ̆n.” Na Yêsu lôch tơ 'long pơglang kư̆m trŏ kơ phak thoi noh yua kơ tơdrong yoch bơ̆n.

Rom 6:2

Yua kơ bơ̆n bơngai dang lĕ kơ lôch boih, liơ gơh pơm yoch dơ̆ng?

Êsai 53:11

Đơ̆ng rŏng kơ bơhngol sư đei tơdrong pơmat-tat. Sư anih 'bôh hơdah. Đơ̆ng tơdrong sư hlôh băt sư gô hiôk. Đĭch đam Inh 'lơ̆ng tơpăt noh, Sư ăn đei lơ bơngai 'lơ̆ng tơpăt đơ̆ng sư pŭ iŏk tơdrong yoch lu sư.

Kôlôsê 3:3

yua kơ bơ̆n nhen lôch boih, bơ̆n dang oei hơdai Yêsu Krist hăm 'Bok Kei-Dei.

Rom 6:13

Bơ̆n 'nĕ pă ăn akâu bơ̆n pơm yoch, bơ̆n athei pơjao akâu bơ̆n kơ 'Bok Kei-Dei đĕch, wă kơ 'Bok Kei-Dei wei-lăng chăl arih bơ̆n tơpăt ling-lang dang bơ̆n iung arih đơ̆ng lôch.

Yo 1:29

Năr đơ̆ng rŏng dơning dơ̆ng, Yôhan 'bôh Yêsu thar năm tơ sư, na Yôhan khan kơ đe: “Iĕm lăng bĕ, 'Bok to 'noh boih Kon Triu 'Bok Kei-Dei, 'Bok 'noh boih pơklaih yoch bơngai jơ̆p-jang kơ teh đak.

Rom 7:6

Mă-lei dang ei bơ̆n dang lôch kiơ̆ Yêsu Krist na bơ̆n ưh pă kăl gơnang kơ akâu bơ̆n kơdih wă kiơ̆ tơdrong juăt 'Bok Kei-Dei pơkă sơ̆. Yua kơ thoi noh na bơ̆n athei lui yom kơ 'Bok Kei-Dei, ưh pă gơnang akâu kơdih wă kiơ̆ tơdrong so mă Môis chih pơkă sơ̆, bơ̆n kiơ̆ kơ tơdrong arih 'nao đơ̆ng Yang Bơhngol 'Lơ̆ng ăn.

I Yo 3:7

Ơ lu kon hơ'lơ̆p, 'nĕ lui kơ đe hơlĕnh kơ iĕm khan bơngai lui bơ̆n ưh kơ kăl pơm 'lơ̆ng tơpăt. Inh khan kơ iĕm thoi âu: Bơngai bu pơm 'lơ̆ng tơpăt, bơngai 'noh đei đon 'lơ̆ng tơpăt kư̆m thoi Yêsu bơngai 'lơ̆ng tơpăt mơ̆n.

Horiso 147:3

Ming pơklaih lu bơngai đei jĭ jơhngơ̆m. Păng pơ̆n rơka lu sư.

Rom 6:7

Tơ̆ng bơ̆n lôch, bơ̆n rơngei boih đơ̆ng tơdrong yoch.

Rom 6:16

Iĕm băt mơ̆n, tơ̆ng bơ̆n đĭch đe, bơ̆n athei chu kơ yŏng tơ'ngla. Tơ̆ng bơ̆n đĭch gah tơdrong yoch, bơ̆n gô 'bôh tơdrong lôch. Tơ̆ng bơ̆n đĭch 'Bok Kei-Dei, bơ̆n athei chu kơ 'Bok Kei-Dei, bơ̆n gô 'bôh tơdrong bơ̆n chu jing bơngai 'lơ̆ng tơpăt.

II Kor 6:17

“Thoi noh yua kơ Inh Kră Yang iĕm na Inh athei iĕm lĕch jăk đơ̆ng lu bơngai ưh kơ lui. Tơklah đơ̆ng lu sư, 'nĕ pă pel 'bơm dôm tơdrong kơnê̆ 'mê̆-'mach lu sư, na Inh gô sơng iŏk iĕm.

Jang 5:30

'Bok Kei-Dei boih, khŭl bơ̆n bơngai Isơrael lui kơ Sư mă đơ̆ng 'bok kơdră bơ̆n sơ̆. Iĕm pơ̆ng pơlôch Yêsu tơ 'long pơglang tơpă. Mă-lei 'Bok Kei-Dei tơiung arih Yêsu đơ̆ng lôch.

Luka 4:18

“Yang Bơhngol 'Lơ̆ng 'Bok Kei-Dei oei hơdai Inh. Sư rơih Inh wă năm bơtho ăn tơdrong 'nao 'lơ̆ng kơ lu bơngai dơnuh hin păng pơlung lu bơngai ơh sơ'ngon. Sư wơh Inh roi tơdrong Sư wă tơlĕch lu bơngai đe phak, păng pơklaih lu bơngai măt tol. Sư wơh Inh pơklaih lu bơngai mă đe pơjuă pơđep,

Mathiơ 5:20

Lu thây bơtho tơdrong juăt đe Juđê păng lu bơngai Juđê mă lui kơ 'Bok Kei-Dei kiơ̆ kơ tơdrong Pharisi, lu sư ưh kơ kiơ̆ tơdrong juăt tơpă ôh. Na Inh khan kơ iĕm tơpă, dah iĕm ưh kơ adrin kiơ̆ tơdrong juăt hloh kơ lu đe noh, lei iĕm ưh kơ gơh mơ̆t tơ dêh char 'Bok Kei-Dei ôh.

Malachi 4:2

Mă-lei gah lu iĕm, lu bơngai hli yom kơ anăn Inh, thoi noh măt 'năr tơdrong tơpăt gô pơchrang ăn, lăm năr noh kơnh gô đei pơklaih tơdrong jĭ jăn; lu iĕm gô lĕch pơplŏng thoi rơmo dăm lĕch đơ̆ng lăm hơdrong.

Hêbrơ 12:13

Iĕm athei pơm trong iĕm yak mă tơpăt, wă kơ lu bơngai jĭ cho jo jăn yak huay kơ tơpling jơ̆ng, wă kơ lu sư jah klaih.

Jang 13:29

Lu sư pơm kơ Yêsu dôm tơdrong pơkă lê̆ hơdrol lăm sơ̆p hla bơar 'Bok Kei-Dei đang boih na đe tơjur akâu Sư đơ̆ng 'long pơglang na 'măn akâu Sư tơ bơsat.

Jang 10:35

Lăm rim khŭl bơngai, bơngai bu lui kơkuh kơ 'Bok Kei-Dei păng pơm trŏ thoi Sư wă, 'Bok Kei-Dei kư̆m lăp đon kơ lu sư lei-lăi ngăl.

Hêbrơ 7:26

Thoi noh bơ̆n băt kơ Yêsu boih pơm 'bok soi tih gơh tơgŭm bơ̆n tơpă. Sư 'lơ̆ng tơpăt ưh kơ lah pơm yoch, lu bơngai yoch kư̆m ưh kơ gơh pơhlŭ Sư pơm kơnê̆. Sư mơsêh tŏk oei ưh kơ băt hơdôm tăl plĕnh.

Kôlôsê 2:20

Lu iĕm dang lôch hơdai hăm Yêsu Krist boih, thoi noh iĕm rơngei boih đơ̆ng yang nai pơgơ̆r, mă-lei lơliơ iĕm oei kiơ̆ thoi bơngai tơ ala teh?

Rom 6:22

Mă-lei dang ei iĕm rơngei boih đơ̆ng tơdrong yoch, jing đĭch 'Bok Kei-Dei. Iĕm đĭch dang ei noh pơyua iĕm jing bơngai 'lơ̆ng tơpăt gơh arih ling-lang.

Jang 10:39

Nhôn kư̆m 'bôh mơ̆n đĭ tơdrong Sư pơm tơ dêh đe Juđê păng tơ Pơlei Jêrusalem. Đe pơ̆ng pơlôch Sư tơ 'long pơglang.

Mathiơ 27:26

Thoi noh boih na Pilat tơlĕch ăn kơ lu sư 'Barra'ba; sư athei lu linh sư teh tach Yêsu păng sơnguĕt păng pơjao kơ lu linh sư pơ̆ng pơlôch Yêsu tơ 'long pơglang.

Horiso 38:4

Yua kơ tơdrong kơnê̆ inh, hloh kơ kơ̆l inh, Sư trăp dêh kơ inh, wă pŭ.

Lêwi 16:22

Kon bơbe noh gô pŭ tơ akâu sư dôm tơdrong yoch kon pơlei Isơrael, lĕch tơ bri brah ưh kơ đei bơngai, đe achăng bơbe noh tơ tơmăn glă.

Le 28:38

Plăk 'noh gô sĭt dan tơ kơpal klĕng Arôn; Arôn pŭ tơdrong yoch lu bơngai Isơrael pơm yoch kơplah lu sư pơyơ̆r tơmam soi 'lơ̆ng rơgoh; plăk 'noh gô pơklep tơ kơpal klĕng Arôn ling-lang wă Kră Yang lăp đon iŏk lu sư.

Êphêsô 5:9

Dôm lu bơngai oei lăm tơdrong hơdah, Sư gô pơm dôm tơdrong 'lơ̆ng tơpăt ngăl.

Yo 19:1

Thoi noh Pilat năm ba Yêsu ăn kơ lu linh sư teh tach Sư păng sơnguĕt.

Jo 18:22

Kon pơlei Isơrael ưh kơ gơh năm jê̆ Bơsŭn Anih Akŭm dơ̆ng, kơnh hli kơ lu sư pơm yoch na lôch.

Lêwi 22:9

Yua kơ noh na sư athei bơwei nơ̆r Inh pơkă, kơnh hli kơ lu sư pŭ tơdrong yoch păng lôch hloi yua kơ đei pơm dôm tơdrong Inh tơtă jing kơnê̆ 'mê̆-'mach, Inh boih Kră Yang pơm kơ sư jing rơgoh 'lơ̆ng.

Philip 1:11

Yua kơ iĕm pơm tôm tơdrong 'lơ̆ng tơpăt păng gơnang kơ Yêsu Krist đơ̆ng dang ei, na đĭ-đăng bơngai gô ư-ang kơ 'Bok Kei-Dei tơpă.

Markôs 15:15

Thoi noh na Pilat wă kơ jơhngơ̆m đon lu kon pơlei pơla rơngơp hiôk, na sư tơlĕch ăn kơ lu sư 'Barra'ba. Na sư athei lu linh sư teh tach Yêsu păng sơnguĕt păng pơjao kơ lu linh sư pơ̆ng pơlôch Yêsu tơ 'long pơglang.

Tơdrông Pơđơk 20:30

Đơ̆ng teh rơka rơkĕch noh pơm rơgoh tơdrong kơnê̆, Tơnguĕt đe teh noh han mơ̆t truh anih hlơp lăm jơhngơ̆m.

I Kor 15:3

Inh bơtho kơ iĕm sơ̆ tơdrong mă kăl dêh đêl Kră Yang Yêsu Krist ăn kơ inh, khan 'Bok Krist lôch yua kơ tơdrong yoch bơ̆n 'blep thoi đe chih khan lê̆ hơdrol boih lăm sơ̆p hla bơar 'Bok Kei-Dei.

Kôlôsê 2:14

Sơ̆ dang bơ̆n đei hla bơar 'Bok Kei-Dei chih ată kơ bơ̆n pơm tơdrong yoch trŏ kơ Sư phak, mă-lei dang ei huay boih, Sư sut đĭ dôm tơdrong yoch Sư chih 'noh hăm pơ̆ng hla bơar 'noh tơ 'long pơglang.

Hêbrơ 10:5

Thoi noh na Yêsu Krist jur tơ teh đak âu sơ̆, Sư khan kơ 'Bă Sư thoi âu: “Ih ưh kơ gĭt kơ tơmam đe pơyơ̆r soi kơ Ih ôh, na Ih ăn kơ Inh jing kon bơngai.

Hêbrơ 10:10

Thoi noh bơ̆n băt kơ Yêsu Krist jang trŏ thoi 'Bok Kei-Dei pơkă tơpă, Sư soi akâu Sư kơ 'Bok Kei-Dei minh 'măng sơ̆ tôm boih, na lu bơ̆n dang ei jing bơngai 'lơ̆ng tơpăt yua kơ Sư.

Bl 22:6

Abraham chĕp 'long ŭnh wă 'buh tơmam soi, pơpôi ăn kơ Isăk kon sư, gah sư chĕp ŭnh păng săng, na bre sư yak năm.

Jo 7:15

minh pôm kon rơmo dăm, minh pôm kon triu tơno, minh pôm triu tơno, truh minh sơnăm wă pơm tơmam soi 'buh;