I Pet 2:18 - Sơ̆p Hlabơar Nơ̆r 'Bok Kei-Dei

¹⁸ Ơ lu bơngai đĭch đe, iĕm kư̆m athei chu yom kơ yŏng tơ'ngla iĕm mơ̆n hŏ; mă iĕm lăng sư bơngai dim bơngai gơh găt, iĕm 'nĕ kơ pơ'brơh kơ sư; mă sư bơngai khĕnh hơwĕng kư̆m lei-lăi 'nĕ kơ pơkăl kơ sư.

I Pet 2:18 Referans Kwoze

Tơdrông Pơđơk 3:32

Yua kơ Kră Yang areh kơ bơngai hơlĕnh; Mă-lei pơm buăl juăt hăm bơngai tơpăt.

Ya 3:17

Na gah tơdrong hơgei, bơngai bu hơgei đơ̆ng 'Bok Kei-Dei ăn, bơngai noh bơ̆n 'bôh sư pơm tôm tơdrong 'lơ̆ng, sư bơngai dim gơh găt hăm đe, băt chu yom kơ lu bơngai tih kơ sư, băt mơnat kơ đe, băt asong băl tơmam; sư bơngai tơpăt tơpă, ưh kơ sĭ sư chă pơm đĕch ôh.

Galati 5:22

Mă-lei plei Yang Bơhngol 'Lơ̆ng đei: 'Mêm mơnat, chơt hiôk, hơđơ̆ng, kĕ chơ̆n, gơh tơgŭm, iơ̆m dim, tơnăp,a

Tơdrông Pơđơk 8:13

Băt hli yom kơ Kră Yang jing areh kơ tơdrong kơnê̆, Inh areh kơ tơdrong pơrŏ, pơang tơdrong pơma kơnê̆, ưh kơ tơpăt.

Horiso 101:4

Inh gô weh ataih đơ̆ng lu bơngai đei jơhngơ̆m kơnê̆. Inh ưh kơ wă pơm tơdrong kơnê̆ dơ̆ng.

Tit 3:2

Khan kơ lu sư 'nĕ bâu roi pơjăm đe, 'nĕ kơ hơwĕng kơ đe, bơ̆n pơm jơhngơ̆m dim păng đe.

II Kor 10:1

Inh Pôl wă pơma păng iĕm tơdrong âu. Lơliơ lu bơngai mơ'nah jô̆ kơ inh khan kơplah inh oei ataih đơ̆ng iĕm, inh chih kơthơ, inh pơma nuih; mưh inh oei jê̆ iĕm khan inh pơma lêl? Yêsu Krist Sư dim gơh găt dêh, na Sư wă kơ bơ̆n kư̆m thoi noh.

Tơdrông Pơđơk 11:20

Kră Yang areh kơ bơngai đei jơhngơ̆m kư̆ kă. Mă-lei bơngai bu đei jơhngơ̆m tơpăt noh pơm kơ Sư lăp đon.

Tơdrông Pơđơk 10:32

Nơ̆r 'bơ̆r bơngai tơpăt băt tơdrong trŏ 'lơ̆ng; Mă-lei đei nơ̆r 'bơ̆r lu bơngai kơnê̆ lăp băt pơma hơlĕnh đĕch.