I Kor 9:5 - Sơ̆p Hlabơar Nơ̆r 'Bok Kei-Dei

⁵ Dah nhi đei akăn kư̆m bơngai lui, na juăt kơ anhăk thoi đe Pêtrôs, thoi lu đe oh Yêsu, thoi lĕ lu jơ̆ng 'bang Yêsu nai, lê̆ kơ lu bơngai lui 'me sa sư, kư̆m gơh mơ̆n dah kiơ?

I Kor 9:5 Referans Kwoze

Yo 1:42

Thoi noh na Andrê anhăk 'nhŏng sư Simôn năm tơ Yêsu. Yêsu lăng sư păng khan: “Ih Simôn kon Yôhan, na dang ei Inh wă anăn ih Sêphaih.” Sêphaih noh nơ̆r Juđê, kiơ̆ nơ̆r Grĕk sư khan Pêtrôs. (Nơ̆r Pêtrôs noh wă khan tơmo.)

Mathiơ 8:14

Yêsu năm tơ hnam Pêtrôs 'bôh tơnei sư oei păn kơ bơlŏ.

Hêbrơ 13:4

Bơ̆n athei pơyom kơ tơdrong ŭnh om, 'nĕ kơ pơ'brơh pơm kư̆ kă, yua kơ 'Bok Kei-Dei wă phak tơpă dôm lu bơngai mă pơm kư̆ kă thoi noh. Mă bơngai oei adruh tơdăm kư̆m lei-lăi.

Galati 1:19

Inh kư̆m tơ'bơ̆p Yakơ oh Yêsu mơ̆n, mă-lei inh ưh kơ đei tơ'bơ̆p jơ̆ng 'bang Yêsu nai ôh kơplah noh.

I Kor 7:39

Dah lu drŏ-kăn đei klo boih ưh kơ gơh achăng klo sư ôh. Dah klo sư lôch sư gơh iŏk klo plơ̆ng, gô mơ̆ng kơ sư wă đĕch, mă-lei sư athei iŏk klo tơduă lui kơ Kră Yang Yêsu Krist.

I Kor 7:7

Kiơ̆ thoi inh wă kơ đĭ-đăng bơngai pơm kiơ̆ thoi inh ưh kơ iŏk klo kăn. Mă-lei 'Bok Kei-Dei ăn kơ rim 'nu kon bơngai phara, mơ'nah Sư ăn ngôi hơdrô̆, mơ'nah Sư ăn iŏk klo kăn.

Jang 1:14

Lu đe âu krao khan ling-lang kơ Kră Yang 'Bok Kei-Dei. Kư̆m đei Mari mĕ Yêsu păng lu oh Yêsu drŏ-nglo păng lu drŏ-kăn nai dơ̆ng akŭm pôm đon krao khan păng lu sư mơ̆n.

Tit 1:6

Inh wă kơ ih rơih chă lu bơngai lui trŏ thoi âu: Bơngai bu đon 'lơ̆ng tơpăt mă đe ưh kơ lah bâu roi sư; păng sư bơngai iŏk akăn minh, kon sư kư̆m lui kơ 'Bok Kei-Dei mơ̆n; lu kon sư mă ưh kơ pơm kư̆ kă, sư băt chu yom kơ mĕ 'bă sư, hăm chu yom kơ 'Bok Kei-Dei đĕch.

I Tim 5:2

Ih lăng lu yă kră thoi mĕ ih păng ih lăng lu drŏ-kăn 'lơ̆p kơ ih kư̆m thoi oh ih mơ̆n, ih athei pơma dơnuh păng sư mă 'lơ̆ng đĕch.

I Kor 7:15

Mă-lei klo dah akăn mă ưh kơ lui wă achăng klo dah akăn sư mă lui, lê̆ sư achăng kư̆m bưh ưh kơ kơ̆m ôh. 'Bok Kei-Dei krao bơ̆n lui kơ Sư, Sư wă kơ bơ̆n pơma pơlung băl mă 'lơ̆ng, ưh kơ sĭ Sư wă kơ bơ̆n hang nuih ôh.

I Kor 1:12

Inh wă roi thoi nơ̆r iĕm khan: “Inh wă kiơ̆ Pôl.” Mơ'nah khan: “Inh wă kiơ̆ Apôlê.” Mơ'nah khan: “Inh wă kiơ̆ Pêtrôs.” Mơ'nah dơ̆ng khan: “Inh wă kiơ̆ Yêsu Krist.”

Rom 16:1

Âu duch nă bơ̆n yă Phêbê wă năm ngôi hơpong tơ iĕm. Sư bơngai jang lăm hnam 'Bok Kei-Dei tơ Pơlei Sankrê. Sư bơngai 'lơ̆ng, na inh apinh iĕm sơng iŏk sư mă trŏ 'biơ̆ hŏ, yua kơ sư kư̆m hơdai bơngai lui kơ Kră Yang Yêsu Krist thoi bơ̆n. Păng inh wă kơ iĕm tơgŭm sư tôm tơmam sư kăl yua, yua kơ sư bơngai tơgŭm đe dêh sơ̆, truh tơ inh sư kư̆m tơgŭm mơ̆n.

Yo 2:12

Đơ̆ng noh mĕ Sư păng lu bơngai pơhrăm păng Sư, yak hơdai Sư đơ̆ng noh năm tơ Pơlei Kapernum. Lu sư oei tơ Pơlei Kapernum noh ưh kơ đunh mơ̆n.

Luka 6:15

Mathiơ, Thôm, Yakơ kon Alphê, Simôn mă kiơ̆ khŭl đe Sêlôt sơ̆,

Markôs 6:3

Bơngai âu Sư jang ot 'long đĕch lah. Sư kon Mari, 'nhŏng đe Yakơ, Jôsê, Jut, Simôn. Lu oh Sư drŏ-kăn oei tơ âu mơ̆n. Na lơliơ Sư gơh pơm dôm tơdrong noh?” Lu đe ei klai kơ Sư hơgei na jing kuă lui kơ Sư.

Markôs 1:30

Na tơnei Simôn oei păn kơ bơlŏ na đe khan kơ Yêsu.

Mathiơ 13:55

Sư kon 'bok ot 'long đĕch lah, mĕ Sư Mari păng lu oh Sư Yakơ, Yôsep, Simôn, Jut.

Hơri Hiôk 4:12

Ơ mŏ adruh inh, ŭnh om inh, ih thoi pơgar tang lê̆, Thoi tu đak đe chĭt lê̆, thoi đak glung đe bơ̆ găn lê̆ boih.

I Tim 4:3

Lu bơngai ei chă bơtho đe khan ưh kơ gơh iŏk klo kăn păng kơ̆m kơ lu tơmam sa. Mă-lei 'Bok Kei-Dei pơjing tơmam sa 'noh wă kơ bơ̆n gơh sa. Na lu bơ̆n bơngai lui băt tôm tơdrong 'Bok Kei-Dei, bơ̆n athei krao khan bơnê kơ Sư 'mơ̆i, klaih kơ noh bơ̆n gơh sa boih.

I Kor 7:8

Inh wă khan kơ lu bơngai ưh kơ đei klo kăn păng lu bơngai drŏ-kăn adro thoi âu: Dah iĕm ngôi hơdrô̆ thoi inh 'lơ̆ng mơ̆n.

Luka 8:20

Na đe khan kơ Yêsu: “Mĕ Ih hăm oh Ih dơ̆ng tơ 'ngoaih hnam to. Lu sư chă Ih.”