I Kor 8:3 - Sơ̆p Hlabơar Nơ̆r 'Bok Kei-Dei

³ Bơngai bu 'mêm kơ 'Bok Kei-Dei, 'Bok Kei-Dei rơih iŏk sư boih.

I Kor 8:3 Referans Kwoze

Le 33:17

Kră Yang khan kơ Môis: Inh gô pơm thoi ih đei apinh Inh noh, yua kơ ih đei tơdrong mơnat bơih 'bơ̆t anăp Inh, Inh băt kơ ih; păng băt kơ anăn ih.

Na 1:7

Kră Yang 'lơ̆ng rŏ, jing kơđông kơ'nơp kơjăp lăm năr đei tơdrong gleh truh păng Sư băt kơ dôm lu bơngai kơ'nơp lăm Sư.

II Tim 2:19

Dôm tơdrong 'Bok Kei-Dei trŏ kơjăp tơpă. Sư pơkă thoi âu: “Inh Kră Yang 'Bok Kei-Dei băt kơnăl kơ đĭ-đăng bơngai lui kơ Inh păng đĭ-đăng bơngai lui kơ Inh sư athei tŭk lê̆ tơdrong yoch.”

I Kor 2:9

Mă sơ̆p hla bơar 'Bok Kei-Dei kư̆m đei chih khan: “Klong măt kon bơngai ưh kơ 'bôh, đon ưh kơ kơtơ̆ng, jơhngơ̆m đon kon bơngai ưh kơ đei tơchĕng iŏk, tơdrong 'noh boih 'Bok Kei-Dei hơmet ăn kơ lu bơngai mă 'mêm kơ Sư.”

Galati 4:9

Dang ei iĕm chă Kră Yang 'Bok Kei-Dei 'bôh boih; mă tơpă ưh kơ sĭ bơ̆n chă Sư ôh, Sư krao bơ̆n. Thoi noh boih na yua kơ kiơ iĕm wă kiơ̆ dơ̆ng tơdrong juăt kon bơngai? Kiơ̆ kơ tơdrong juăt noh ưh kơ yua kiơ ôh, ưh kơ đei tơgŭm minh tơdrong kiơ wă kơ bơ̆n yua ôh. Na lơliơ iĕm wă jing đĭch tơdrong juăt kon bơngai bơ̆n dơ̆ng?

Tơdrông Tơ'bôh 2:19

‘Inh băt tơdrong lui iĕm, iĕm 'mêm kơ Inh hăm 'mêm kơ bôl buăl, iĕm lui kơjăp, iĕm jang tơdrong Inh ling-lang, iĕm đei tơdrong gleh truh iĕm oei adrin khŏm khŏm, tơdrong lui iĕm tŏk rai đunh rai kơjăp mơ̆n.

Ya 1:12

Bơngai bu đei tơdrong đe pơlong lăng sư, tơdrong gleh truh kơ sư mă sư oei lui kơ 'Bok Kei-Dei kơjăp, bơngai noh hiôk rai loi; 'Bok Kei-Dei gô ăn kơ sư arih hiôk-hian ling-lang tơpă. Tơdrong 'noh Sư pơkă kơ rim 'nu bơngai, bơngai bu mă 'mêm kơ Sư.

Je 1:5

“Inh băt kơ ih adrol kơ Inh pơjing ih lăm klak mĕ ih; adrol kơ đe tơpŭ kơ ih, Inh rơih iŏk ih, Inh wă ăn kơ ih jing bơngai khan lê̆ adrol kơ jơ̆p teh đak.”

Yo 10:14

Gah Inh bơngai wei triu 'lơ̆ng tơpăt păng brĕ tơpă. Inh băt kơ triu Inh, triu Inh băt kơ Inh mơ̆n,

Mathiơ 7:23

Mă-lei năr 'noh kơnh Inh gô khan kơ lu sư thoi âu: ‘Inh ưh kơ băt kơ lu iĕm âu ôh. Weh tơ nai năm, iĕm bơngai kơnê̆ ngăl.’

Horiso 1:6

Yua kơ Kră Yang băt trong lu bơngai tơpăt, Mă-lei trong lu bơngai kơnê̆ gô hiong răm.

I Yo 4:19

Bơ̆n 'mêm kơ 'Bok Kei-Dei kơlih kơ Sư 'mêm kơ bơ̆n adrol.

Tơdrông Tơ'bôh 2:9

‘Inh băt mơ̆n đe hil areh păng pơm kơnê̆ kơ iĕm. Inh băt mơ̆n iĕm bơngai dơnuh, mă-lei iĕm mơdrŏng tơdrong 'Bok Kei-Dei. Đei mơ'nah pơjăm pơjuă iĕm Inh kư̆m băt. Lu sư chă khan kơdih khan lu sư bơngai Juđê, mă tơpă ưh kơ bơngai Juđê ôh, lu sư hơlĕnh đĕch; lu sư khŭl yang Satan.

I Pet 1:8

Đơ̆ng sơ̆ iĕm ưh kơ 'bôh Yêsu Krist thoi yơ, mă iĕm 'mêm kơ Sư tơpă. Dang ei iĕm kư̆m ưh kơ 'bôh Sư mă iĕm kư̆m lui kơ Sư kơjăp, jơhngơ̆m iĕm hiôk ling-lang măng năr.

Le 33:12

Môis khan kơ Kră Yang: Ih đei khan bơih kơ inh thoi âu: Ih athei chông ba lu kon pơlei pơla âu năm, mă-lei Ih ưh kơ ăn inh băt ôh bơngai bu Ih wơh năm hơdai păng inh. Ih khan: Inh băt kơ ih, băt anăn ih păng ih đei tơdrong mơnat boih 'bơ̆t anăp Inh!

Horiso 17:3

Kră Yang lăng boih jơhngơ̆m inh, năm lăng inh kiơ̆ kơmăng;a Đei pơlong inh, mă-lei ưh kơ đei 'bôh kiơ; Inh đei pơkă 'bơ̆r inh ưh kơ pơm yoch.b

Tơdrông Tơ'bôh 2:13

‘Inh băt mơ̆n tơ pơlei iĕm noh đei yang Satan pơgơ̆r pơm pơtao. Mă-lei iĕm oei lui kơ Inh khŏm khŏm ưh kơ đei sơngah khan ưh kơ lui kơ Inh ôh. Na sơ̆ đe pơlôch buăl iĕm Antipa tơ pơlei iĕm, pơlei mă Satan pơgơ̆r. Antipa sư bơngai ră roi kơ đe tơdrong Inh tơpăt ling-lang ưh kơ layơ achăng lê̆ Inh. Na kơplah đe mă pơlôch sư sơ̆, iĕm kư̆m ưh kơ sơngah kơ Inh.

Yo 21:17

Yêsu jet truh pêng 'măng khan: “Ơ Simôn, kon Yôhan, ih hăm 'mêm kơ Inh?” Thoi noh Pêtrôs jing sơ'ngon kơlih kơ Yêsu jet sư pêng 'măng boih, na Pêtrôs khan: “Ơ Kră Yang, Ih băt tôm tơdrong, tơdrong inh 'mêm kơ Ih, Ih băt mơ̆n.” Yêsu khan kơ sư: “Lei ih rong triu Inh.

Ya 2:5

Ơ lu 'nhŏng oh mă inh 'mêm, mơ̆ng bĕ: 'Bok Kei-Dei rơih lu bơngai dơnuh hin mă oei tơ ala teh âu, wă kơ lu sư mơdrŏng kơ tơdrong lui gơh oei tơ dêh char Sư, kư̆m thoi Sư wă ăn kơ dôm lu bơngai mă 'mêm kơ Sư.

Rom 11:2

'Bok Kei-Dei ưh kơ hŭt ôh lu bơngai Isơrael, yua kơ Sư rơih iŏk đơ̆ng sơ̆ boih. Iĕm kư̆m băt mơ̆n tơdrong Êli chih roi lăm hla bơar 'Bok Kei-Dei kơplah sư hil kơ lu bơngai Isơrael sơ̆.

I Pot 3:3

Sôlômôn 'mêm yom kơ Kră Yang păng yak kiơ̆ dôm lu tơdrong juăt Đawit, 'bă sư, mă-lei sư pơyơ̆r tơmam soi păng soh 'long 'bâu phu tơ anih groi kơjung.

Am 3:2

Lăp minh adrĕch adrung lu iĕm đĕch lăm teh đak âu Inh băt lei na inh gô bơtho pơjĭ yua kơ tơdrong kơnê̆ iĕm pơm.

I Kor 13:12

Dang ei bơ̆n băt tơdrong 'Bok Kei-Dei ưh kơ nhên ôh, mă-lei ning-mônh bơ̆n gô băt nhên tơpă, kư̆m thoi bơ̆n lăng muh măt đe tơ lăm amĭl mam ưh kơ gan nhên, mă-lei dah bơ̆n lăng tơklă muh măt sư bơ̆n gô băt nhên tơpă yơh. Tơdrong 'Bok Kei-Dei dang ei inh kư̆m ưh kơ hlôh tôm ôh, mă-lei ning-mônh inh gô hlôh tôm, kư̆m thoi 'Bok Kei-Dei hlôh tôm tơdrong inh dang ei mơ̆n.

I Yo 4:7

Ơ lu 'nhŏng oh mă juăt păng inh, bơ̆n athei 'mêm mơnat dih băl yua kơ 'Bok Kei-Dei ăn kơ lu bơngai mă khŭl kon Sư athei 'mêm mơnat dih băl. Bơngai bu 'mêm mơnat kơ 'nhŏng oh sư, bơngai 'noh sư kon 'Bok Kei-Dei păng sư băt kơ 'Bok Kei-Dei tơpă.