I Kor 7:35 - Sơ̆p Hlabơar Nơ̆r 'Bok Kei-Dei

³⁵ Inh bơtho iĕm thoi noh yua kơ inh wă tơgŭm iĕm, ưh kơ sĭ inh wă khă iĕm tơdrong tơoei băl klo kăn ôh. Inh wă kơ iĕm băt kơdih pơm tơdrong 'lơ̆ng tơdrong trŏ, wă kơ iĕm adrin jang tơdrong Kră Yang hăm đĭ jơhngơ̆m klơm klak iĕm.

I Kor 7:35 Referans Kwoze

I Kor 7:36

Mă-lei dah bơngai bu đei kon adruh, kon adruh sư đĭ adruh 'lŏ boih, na 'bă sư tơchĕng wă kơ sư oei hơdrô̆ khŏm khŏm ưh kơ trŏ ôh, yua kơ kon sư hăt kơ wă chă klo, 'bă sư athei lê̆ kơ sư chă klo 'noh 'lơ̆ng, ưh kơ đei kơ̆m tơdrong kiơ ôh.

Luka 8:14

Lu găr mă huŏng 'bơ̆t 'nhĕt jơla wă pơtih gia kơ lu bơngai kơtơ̆ng đe bơtho nơ̆r 'Bok Kei-Dei ră, mă-lei lu sư wă tơchĕng tơdrong arih sư kăl hloh, sư wă kơ mơdrŏng, hiôk jơnap tơ ala teh đĕch. Thoi noh na sư jing ưh kơ plei.

Philip 4:8

Ơ lu 'nhŏng oh, iĕm kơtơ̆ng boih tơdrong noh na iĕm athei tơchĕng tơdrong kiơ 'lơ̆ng, tơdrong kiơ tơpăt, tơdrong kiơ trŏ, tơdrong kiơ kăl, tơdrong kiơ đe ư-ang, tơdrong kiơ hơiă, tơdrong kiơ kon bơngai lăp đon, tơdrong kiơ đe tơ'mêm băl.

I Kor 7:2

Mă-lei tơ pơlei iĕm đei lơ bơngai juăt kơ ngôi pơyô kư̆ kă, na inh wă kơ lu iĕm athei chă kơdih akăn, lu drŏ-kăn athei chă kơdih klo.

Luka 21:34

“Na kơplah iĕm oei arih dang ei, iĕm athei kơchăng kơdih 'nĕ kơ nŏng kơ et sik, hli kơ suai. Păng 'nĕ pă hăt kơ tơdrong ala teh, hli kơ năr noh truh kơplah iĕm ưh kơ kơchăng, tabơla haih pă tam thoi bơngai 'leh 'năk. Na tơdrong noh wă truh tơ jơ̆p-jang teh đak ning-mônh kư̆m thoi noh mơ̆n.

Mathiơ 19:12

Đei bơngai mơ'nah ưh kơ wă iŏk akăn, yua kơ sư kơđo đơ̆ng klak mĕ sư tơpŭ sơ̆ ưh kơ gơh pơjing kon. Đei bơngai mơ'nah ưh kơ wă iŏk akăn, yua kơ đơ̆ng tơduă kon bơngai pơm kơ sư thoi noh. Đei bơngai mơ'nah ưh kơ wă iŏk akăn, yua kơ sư wă adrin jang tơdrong 'Bok Kei-Dei; na bu kĕ adrin tơdrong 'noh, adrin bĕ.”

Tit 2:3

Păng ih bơtho khan kơ lu yă kră athei sư iŏk đon tơpăt, khă lu sư 'nĕ pă bâu roi đe, 'nĕ kơ et sik suai. Păng athei lu sư bơtho lu drŏ-kăn oei moh mă trŏ wă kơ lu sư 'mêm mơnat kơ lu kon klo sư.

Êphêsô 5:3

Gah tơdrong pơm pơyô ngôi kư̆ kă, hưch hanh lơ tơdrong, dôm tơdrong noh bơ̆n 'nĕ kơ pơma 'bơm tŏ sĕt, yua kơ bơ̆n jing kon 'Bok Kei-Dei boih.

I Kor 7:28

Mă dah lu iĕm tơdăm iŏk akăn dang ei kư̆m ưh kơ đei yoch kiơ ôh. Mă lu adruh dah hăt kơ chă klo kư̆m ưh kơ đei tơdrong yoch kiơ ôh. Mă-lei inh bơtho wă kơ iĕm huay kơ đei tơdrong gleh thoi lu bơngai đei kon akăn.

I Tim 1:10

lu bơngai ngôi pơyô kư̆ kă, lu bơngai tơduă drŏ-nglo tơngôi băl, lu bơngai chă rôp tĕch đe, lu bơngai chă hơlĕnh kơ đe, lu bơngai jâu pơlơ̆m kơ đe, hăm dôm lu bơngai hŭt lê̆ tơdrong 'lơ̆ng tơpăt.

Mathiơ 22:15

Yêsu pơma tơdrong 'noh hei đang boih, na lu bơngai Pharisi pơđâu băl, lu sư wă jet pơlong Yêsu pơma hăm trŏ kơ tơdrong juăt dah ưh. Dah ưh kơ trŏ, lu sư wă kêng.