I Kor 7:22 - Sơ̆p Hlabơar Nơ̆r 'Bok Kei-Dei

²² Bơngai bu đĭch đe mă-lei Kră Yang krao sư lui, bơngai 'noh kư̆m dang rơngei mơ̆n, yua kơ sư lui kơ Kră Yang Yêsu Krist. Mă bơngai bu ưh kơ đĭch đe, Yêsu Krist krao sư lui, bơngai 'noh kư̆m dang đĭch Yêsu Krist mơ̆n.

I Kor 7:22 Referans Kwoze

I Pet 2:16

Tơpă mơ̆n bơ̆n bơngai rơngei boih, mă-lei iĕm 'nĕ kơ tơchĕng khan, rơngei boih pơm tơdrong kiơ kư̆m bưh. Ưh ôh, bơ̆n athei pơm thoi bơngai đĭch đam 'Bok Kei-Dei.

Phil 1:16

Thoi noh dang ei ih lăng sư 'nĕ mah dang sư đĭch ih mă adrol sơ̆ hŏ. Dang ei sư đĭch ih mơ̆n, mă-lei inh wă kơ ih lăng sư thoi lĕ kơ oh ih tơnơm. Sư jing oh ih boih, sư oh inh mơ̆n mă inh 'mêm kơdih tơpă. Mă-lei ih 'mêm mơnat kơ sư hloh kơ inh mơ̆n kơlih sư bơngai jang kơ ih păng sư kư̆m oh ih mơ̆n, yua kơ sư kư̆m lui kơ Kră Yang Yêsu Krist.

Galati 5:13

Ơ lu 'nhŏng oh, gah lu iĕm Kră Yang 'Bok Kei-Dei krao iĕm kiơ̆ Sư boih, wă kơ iĕm rơngei đơ̆ng tơdrong juăt kon bơngai, mă-lei Sư ưh kơ wă kơ bơ̆n pơma khan bơ̆n rơngei đơ̆ng tơdrong juăt kon bơngai boih, mơ̆ng kơ bơ̆n wă pơm kiơ, mă 'lơ̆ng kơnê̆ kư̆m bưh. Ưh ôh, Sư kuă ăn bơ̆n pơm thoi noh ôh. Sư wă kơ bơ̆n 'mêm dih băl đei đon tơchĕng 'mêm mơnat tơgŭm dih băl tơduă bơ̆n.

Galati 5:1

Kră Yang Yêsu Krist ăn kơ bơ̆n rơngei đơ̆ng dôm tơdrong juăt kon bơngai boih. Thoi noh bơ̆n gơh rơngei tơpă. Na iĕm 'nĕ ăn kơ đe pơhlŭ pơlung iĕm gơnang kơ akâu iĕm kơdih wă kiơ̆ tôm tơdrong juăt Môis dơ̆ng. Dah iĕm pơm thoi noh iĕm wih jing đĭch dơ̆ng.

Horiso 116:16

Ơ Kră Yang inh đĭch đam Ih tơpă. Inh đĭch đam Ih, jơ̆ kon drŏ-nglo đam drŏ-kăn Ih, Ih yaih boih inh đơ̆ng bră đe chô̆.

Ju 1:1

Inh Jut, oh Yakơ, hăm đĭch đam Yêsu Krist, chih hơpong kơ lu bơngai mă 'Bă tơm bơ̆n 'Bok Kei-Dei 'mêm rơih iŏk sư boih, wă khan lu bơngai mă Yêsu Krist wei-lăng.

II Pet 1:1

Inh Simôn Pêtrôs, bơngai đĭch đam Yêsu Krist, kư̆m pơm jơ̆ng 'bang Sư mơ̆n. Inh chih hơpong kơ lu bơngai mă 'Bok Kei-Dei hăm 'Bok Dŏng Pơklaih bơ̆n Yêsu Krist krao lui kơ Sư thoi nhôn, yua kơ Sư pơm tơpăt kơ đĭ-đăng.

Kôlôsê 4:12

Êpapra sư bơngai pôm pơlei hăm iĕm, sư kư̆m jang tơdrong Yêsu Krist na sư wă jet gia iĕm tơ âu. Sư krao khan apinh 'Bok Kei-Dei tơgŭm iĕm ling-lang, wă kơ iĕm lui kơjăp păng hlôh băt tôm tơdrong 'Bok Kei-Dei na pơm kiơ̆ hloi.

Galati 1:10

Inh pơma thoi noh kon bơngai ưh kơ lăp đon ôh. Mă-lei inh wă kơ 'Bok Kei-Dei lăp đon kơ tơdrong jang inh. Dah inh wă kơ kon bơngai lăp đon kơ inh đĕch lei ưh kơ sĭ inh jang tơdrong Yêsu Krist ôh.

I Kor 9:19

Mă tơpă inh bơngai rơngei, ưh kơ đei đĭch bu ôh, mă-lei inh dang pơm đĭch kơ đĭ-đăng bơngai yua kơ inh wă pơlung lơ bơngai lui kơ Yêsu Krist.

Rom 1:1

Inh Pôl chih hơpong kơ iĕm bơngai Rôm. Inh bơngai đĭch đam Yêsu Krist. 'Bok Kei-Dei krao inh pơm jơ̆ng 'bang Sư, wă kơ inh năm chă bơtho kơ đe tơdrong 'nao 'lơ̆ng Sư.

I Kor 7:21

Dah kơplah 'Bok Kei-Dei krao iĕm lui sơ̆ iĕm bơngai đĭch đe, iĕm 'nĕ hăt 'nhĕng kơ đe wă chă tơdrong akâu kơdih rơngei hŏ. Mă-lei dah yŏng iĕm mơnat ăn kơ iĕm rơngei 'noh 'lơ̆ng hloh.

I Kor 9:21

Inh kư̆m đei năm chă bơtho lu bơngai mă ưh kơ kiơ̆ tơdrong juăt Môis, inh kư̆m pơm thoi lu sư mơ̆n wă kơ gơh pơlung lu sư lui kiơ̆ Yêsu Krist, mă-lei inh kư̆m ưh kơ hŭt lê̆ dôm tơdrong 'Bok Kei-Dei pơkă ôh, inh oei kiơ̆ khŏm khŏm đĕch yua kơ tơdrong noh đơ̆ng Yêsu Krist pơkă ăn kơ bơ̆n boih.