I Kor 5:4 - Sơ̆p Hlabơar Nơ̆r 'Bok Kei-Dei

⁴ Mă iĕm akŭm tơ noh dang akŭm hơdai hăm inh mơ̆n, đei Kră Yang Yêsu pơgơ̆p jơhngơ̆m đon bơ̆n hơdai, yua kơ bơ̆n jang tơdrong Sư.

I Kor 5:4 Referans Kwoze

Kôlôsê 3:17

Mă dôm tơdrong kiơ kiơ bơ̆n wă pơma dah wă jang, bơ̆n athei pơma pơjao kơ Kră Yang Yêsu hăm gơnang kơ Sư wă bơnê kơ 'Bă tơm bơ̆n 'Bok Kei-Dei.

II Kor 13:3

Thoi noh na kơnh pơgê iĕm gô băt kơ Yêsu Krist yua 'bơ̆r inh pơma kơ iĕm. Sư ưh kơ rơdu kơ iĕm ôh, Sư jang lăm lu iĕm kơtang tơpă.

Yo 20:23

Dah lu iĕm mơnat ăn tơdrong yoch đe, lei 'Bok Kei-Dei kư̆m mơnat ăn kơ lu đe ei mơ̆n. Dah iĕm ưh kơ mơnat ăn tơdrong yoch đe, lei 'Bok Kei-Dei kư̆m ưh kơ mơnat ăn kơ lu bơngai ei.”

II Tes 3:6

Ơ lu 'nhŏng oh, Kră Yang bơ̆n Yêsu Krist wă kơ nhôn bơtho iĕm thoi âu: Iĕm athei weh ataih đơ̆ng lu 'nhŏng oh lui mơ̆n mă sư alah kơ jang. Nhôn kư̆m bơtho sư mơ̆n ki, athei sư jang pơnam 'nĕ kơ alah. Mă-lei dang ei sư oei alah 'mơ̆i.

Mathiơ 16:19

Inh gô jao kơ ih chĕp khuă 'măng mơ̆t tơ dêh char 'Bok Kei-Dei pơgơ̆r. Thoi noh na mă dôm tơdrong kiơ ih wă kơ đe pơm tơ teh âu, 'Bok Kei-Dei tơ plĕnh ti kư̆m ăn kơ lu sư pơm. Dôm tơdrong kiơ ih khă kuă ăn đe pơm tơ teh âu, 'Bok Kei-Dei tơ plĕnh ti kư̆m khă ưh kơ ăn mơ̆n.”

Êphêsô 5:20

Bơ̆n athei băt bơnê kơ 'Bă tơm bơ̆n 'Bok Kei-Dei lăm tôm tơdrong păng bơ̆n athei krao chă Yŏng bơ̆n Yêsu Krist na bơ̆n gơh krao khan bơnê kơ 'Bok Kei-Dei.

II Kor 13:10

Âu kơplah inh oei krŭl na inh chih kơ iĕm thoi noh, wă kơ mưh inh truh tơ iĕm, inh huay pă kăl kơ bơtho iĕm boih. Tơdrong bơtho noh đơ̆ng Kră Yang Yêsu Krist ăn kơ inh, wă kơ inh bơtho iĕm thoi noh, wă kơ inh tơgŭm iĕm rai đunh rai lui kơjăp; ưh kơ sĭ wă pơglăi iĕm ôh.

Jang 16:18

Adruh ei kiơ̆ nhôn rim năr khŏm khŏm, truh tơ Pôl sư pă kĕ ĕnh boih. Na Pôl hue lăng adruh ei păng khan kơ yang kơnê̆: “Inh yua anăn Yêsu Krist, inh athei e lĕch đơ̆ng bơngai adruh âu.” Na yang kơnê̆ ei lĕch hloi.

Jang 3:6

Mă-lei Pêtrôs khan kơ sư: “Inh ưh kơ đei jên ôh, mă-lei inh tơgŭm ih. Yua anăn Yêsu Krist Pơlei Nasaret, yak bĕ.”

Mathiơ 28:20

Bơtho kơ lu sư pơm kiơ̆ tôm tơdrong Inh đei pơkă kơ lu iĕm. Inh oei hơdai hăm lu iĕm ling-lang truh năr tôch ning-mônh.”

Mathiơ 28:18

Yêsu năm jê̆ lu sư păng khan: “'Bă Inh ăn kơ Inh gơh pơgơ̆r đĭ-đăng plĕnh hăm teh.

Mathiơ 18:20

Mă rim anih tơ yơ yơ, mă 'bar pêng 'nu bơngai dah akŭm băl tơdrong Inh, Inh kư̆m oei hơdai lu bơngai noh tơ noh.”

Jang 4:30

Apinh Ih yua mơsêh mơyang Ih wă pơklaih đe jĭ jăn. Păng apinh Kon Ih Yêsu mă 'lơ̆ng tơpăt ăn kơ nhôn pơm lơ tơdrong mơsêh mơyang.”

II Kor 2:6

Bơngai mă yoch noh dang bơ̆n phak sư mah boih yua kơ bơ̆n tơlĕch sư đơ̆ng akŭm hơdai bơ̆n ki.

Jôsuê 22:15

Lăp lu sư năm truh tơ adrĕch Rubên, adrĕch Gat păng minh puăt adrĕch Manase lăm char Gileat, khan: