I Kor 5:12 - Sơ̆p Hlabơar Nơ̆r 'Bok Kei-Dei

^12-13 Inh ưh kơ trŏ kơ bơngai chă sek tơdrong lu bơngai 'ngoaih mă ưh kơ lui ôh. 'Bok Kei-Dei đĕch gô sek tơlang kơ sư. Mă-lei bơ̆n gơh sek tơ lăm tơduă lu bơ̆n bơngai lui, na iĕm athei sek tơdrong buăl bơ̆n mă pơm kơnê̆ kư̆ kă oei kơ duch sư noh. Pơpuh tơjăk sư 'nĕ pă ăn kơ sư oei hơdai iĕm.

I Kor 5:12 Referans Kwoze

Markôs 4:11

Yêsu khan kơ lu sư: “'Bok Kei-Dei ăn kơ lu iĕm băt gah tơdrong Sư wă pơgơ̆r kon bơngai thoi yơ. Mă-lei Inh bơtho lu bơngai nai tôm tơdrong păng nơ̆r pơjuang ngăl:

I Tim 3:7

Dah sư pơm 'lơ̆ng hơdrol, mă bơngai lui, mă bơngai ưh kơ lui jô̆ sư bơngai 'lơ̆ng tơpăt ngăl. Dah sư bơngai ưh kơ tơpăt, sĭt đe bâu roi sư tơpă păng pă jor sư gô pơm thoi yang Satan wă.

Luka 12:14

Yêsu khan: “Ơ bơngai ah, bu ăn kơ Inh pơm kră sek tơlang wă dô̆ asong mŭk biĕm?”

I Tes 4:12

Dah iĕm jang tơnăp tơpă, iĕm huay kơ kăl đe jang tơdŏng iĕm ôh. Thoi noh na lu bơngai ưh tam mă lui lăng iĕm jang hơiă tơpă.

Kôlôsê 4:5

Bơ̆n athei adrin pơm mă 'lơ̆ng pơma mă trŏ kơ lu bơngai tam mă lui, wă kơ lu sư mơ̆ng trŏ na lui kơ 'Bok Kei-Dei.

Yo 18:36

Yêsu khan: “Tơdrong Inh pơm Pơtao ưh kơ sĭ thoi lu 'bok pơtao tơ ala teh âu ôh. Dah Inh pơm pơtao thoi lu sư, đei bơngai linh kiơ̆ Inh, tơblah păng lu bơngai Juđê 'noh wă kơ lu sư huay kơ rôp Inh. Tơdrong Inh pơm Pơtao ưh kơ sĭ đơ̆ng kon bơngai ăn kơ Inh pơm ôh.”