I Kor 5:1 - Sơ̆p Hlabơar Nơ̆r 'Bok Kei-Dei

¹ Nhôn kơtơ̆ng ang minh 'nu bơngai lăm lu iĕm pơm kư̆ kă dêh pơm hloh kơ đe, mă lu bơngai ưh kơ lui kư̆m ưh kơ lah mah pơm thoi noh mơ̆n; na bơngai noh đe khan sư oei kơ duch sư đêl akăn 'bă sư.

I Kor 5:1 Referans Kwoze

Tơdrông Tơ'bôh 21:8

Gah lu bơngai lêl, lu bơngai achăng tŭk tơdrong lui, lu bơngai pơm kơnê̆, lu bơngai pơlôch đe, lu bơngai pơm pơyô kư̆ kă, lu bơngai pơm pơjâu chă sol đe, lu bơngai kơkuh kơ yang nai, lu bơngai hơlĕnh pơdăr đon đe, đĭ lu bơngai thoi noh gô huŏng tơ dơnâu ŭnh tŏ hang hơt, 'noh tơdrong lôch mă 'bar.”

Tơdrông Tơ'bôh 2:21

Inh khan kơ sư boih, athei tơbral kơdih tơdrong yoch, mă-lei sư ưh kơ chu tơbral.

Kôlôsê 3:5

Kơlih kơ thoi noh bơ̆n athei lê̆ đĭ dôm tơdrong yoch thoi kơ pơm pơyô kư̆ kă, pơm tơdrong kơnê̆ 'mê̆-'mach, hưch hanh kơ tơmam âu tơmam to, hưch hanh lơ tơdrong. Lu bơngai thoi noh mă sư khan sư lui kơ 'Bok Kei-Dei, dang sư kơkuh kơ yang nai đĕch, lu sư tơchĕng tơdrong noh hloh loi kơ tơdrong 'Bok Kei-Dei.

Êphêsô 5:3

Gah tơdrong pơm pơyô ngôi kư̆ kă, hưch hanh lơ tơdrong, dôm tơdrong noh bơ̆n 'nĕ kơ pơma 'bơm tŏ sĕt, yua kơ bơ̆n jing kon 'Bok Kei-Dei boih.

Lêwi 18:8

'Nĕ kơ hưch pơm kư̆ kă hăm akăn 'bă ih; tơdrong noh pơm mơlâu pơ'brơh kơ 'bă ih.

Galati 5:19

Lu bơngai mă tơchĕng kiơ̆ kơ jơhngơ̆m đon sư kơdih, lu sư pơm tôm tơdrong thoi lu tơ ala âu: Sư ngôi pơyô kư̆ kă, sư ưh kơ gơh wei jơ̆ng ti kơdih;

I Tes 4:7

'Bok Kei-Dei krao iŏk lu bơ̆n wă kơ bơ̆n jing kon Sư. Sư ưh kơ wă kơ bơ̆n pơm pơyô kư̆ kă ôh. Sư wă kơ bơ̆n pơm đon 'lơ̆ng kơ đe păng pơm 'lơ̆ng kơ Sư.

II Kor 12:21

Inh hli kơ mưh inh truh tơ noh, 'Bok Kei-Dei pơm kơ inh mơlâu hmoi ơh akâu kơdih yua kơ lu iĕm mơ'nah lui đunh boih mă oei pơm yoch hơnơ̆ng ưh kơ băt tơbral kơdih dôm tơdrong kơnê̆ 'mê̆-'mach, dôm tơdrong kư̆ kă iĕm pơm.

I Kor 6:18

Thoi noh iĕm athei weh bĕ đơ̆ng tơdrong ngôi pơyô kư̆ kă. Tơdrong ngôi pơyô kư̆ kă jing pơrăm akâu kơdih. Dôm tơdrong yoch nai ưh kơ pơrăm akâu kơdih dang tơdrong yoch noh ôh.

I Kor 6:13

Tơpă mơ̆n 'Bok Kei-Dei pơjing tơmam sa wă 'me klak bơ̆n, 'Bok Kei-Dei pơjing klak bơ̆n wă mong tơmam sa, mă-lei ning-mônh sư wă pơrăm đĭ 'bar anăn 'noh, kơlih kơ ưh pă yua boih năr noh kơnh. Mă-lei gah akâu bơ̆n ưh kơ sĭ 'Bok Kei-Dei pơjing akâu bơ̆n wă kơ bơ̆n ngôi pơyô kư̆ kă ôh. Sư pơjing akâu bơ̆n wă kơ bơ̆n jang tơdrong Yŏng bơ̆n Yêsu Krist na Yŏng bơ̆n wei-lăng akâu bơ̆n.

I Kor 6:9

Iĕm ưh kơ băt ôh hă lu bơngai pơm kơnê̆ ưh kơ gơh tŏk oei tơ dêh char 'Bok Kei-Dei ôh? Lu bơngai ngôi pơyô kư̆ kă, lu bơngai kơkuh kơ rup yang, lu bơngai plah klo kăn đe, lu bơngai tơduă drŏ-nglo tơngơ̆r băl,

I Kor 5:11

Kơthơ inh chih kơ iĕm ki, inh khă kuă ăn iĕm tơbôl păng bơngai mă lui ră, mă sư ưh kơ kiơ̆ tơdrong lui tơpă. Sư oei pơm pơyô kư̆ kă, sư oei 'nhĕng kơ mŭk tơmam đe, sư kơkuh kơ rup yang, sư oei hiĕk achơ̆ kơ đe ling-lang, sư oei et sik suai, sư oei tơtông mŭk tơmam đe; dôm lu bơngai thoi noh inh kuă ăn iĕm tơbôl păng kuă ăn sŏng sa hơdai.

Jang 15:29

Iĕm 'nĕ kơ sa tơmam đe sơmah kơ yang kơnê̆ yua kơ bơ̆n rơgoh boih. 'Nĕ kơ sa pham dôm sem bơ̆n rong dah sem bri. Hơdrol kơ wă pơm tơmam sa bơ̆n athei kăt dah 'bet tŭk lê̆ pham sư 'noh; păng 'nĕ ngôi pơyô kư̆ kă. Yah iĕm pơm kiơ̆ kơ nơ̆r pơkă lăm kơthơ âu lei trŏ tơpă. Oei kơ iĕm mă 'lơ̆ng.”

Jang 15:20

Mă-lei bơ̆n chih kơ sư kơthơ athei sư 'nĕ kơ sa tơmam đe sơmah kơ yang kơnê̆ yua kơ bơ̆n rơgoh boih. Bơ̆n 'nĕ ngôi pơyô kư̆ kă. 'Nĕ kơ sa pham dôm sem bơ̆n rong păng sem bri. Hơdrol kơ wă pơm tơmam sa bơ̆n athei kăt dah 'bet tŭk lê̆ pham sư.

Je 2:33

Liơ lu iĕm hrăn chă trong wă chă lu bơngai iĕm hưch! Dĭng mah lu iĕm bơtho lu bơngai drŏ-kăn kơnê̆ kiơ̆ trong iĕm.

II Kor 7:12

Mă-lei kơthơ noh ưh kơ sĭ kơ inh chih kơdrô̆ tơdrong bơngai mă yoch hăm bơngai mă pŭ tơdrong pơ'brơh noh ôh; inh kư̆m chih wă tơ'blŏk kơ iĕm tơdrong iĕm 'maih kiơ̆ nhôn tơpă mă đơ̆ng sơ̆ khơ̆ dang ei, tơdrong noh 'Bok Kei-Dei kư̆m băt.

I Kor 1:11

Ơ 'nhŏng oh, inh bơtho khan kơ iĕm thoi noh yua kơ inh kơtơ̆ng đơ̆ng hnam dơnŏ yă Klôwê roi kơ inh tơdrong iĕm đei pơjah băl.

Am 2:7

Lu sư pơjuă lê̆ kơ̆l lu bơngai dơnuh hin tơ teh păng pơm kơ trong lu bơngai iơ̆m dim đŏng đĕo. 'Bă kon kư̆m ngôi kư̆ kă hăm minh 'nu drŏ-kăn, thoi noh pơm pơ'mê̆ kơ anăn 'lơ̆ng rơgoh Inh.

Êsêkiên 16:47

Ih ưh kơ năm kiơ̆ trong lu sư ôh hă? Ưh kơ pơm dôm lu tơdrong kơnê̆ 'mê̆ krưp lei-lăi kơ lu sư ôh hă? Mă-lei ih pơm rai kơnê̆ hloh kơ lu sư lăm dôm trong ih năm bơih.

Both 27:20

Hiap pơtê̆ bĕ kơ bơngai bu 'bĭch hơdai hăm akăn kơnhŏng 'bă sư kơdih; bơngai 'noh pơm pơ'brơh kơ 'bă sư kơdih! Đĭ-đăng kon pơlei gô khan: A-men!

Both 22:30

Ưh kơ đei bơngai bu gơh iŏk oei đêl akăn kơnhŏng 'bă sư pơm pơ'brơh kơ 'bă sư.

Êsêkiên 22:10

Lăm ih đei bơngai 'bĭch hăm akăn 'bă sư; đei bơngai pơm kơnê̆ hăm drŏ-kăn kơplah oei 'bôh hơbĕn.

I Ho 5:1

Rubên, kon drŏ-nglo kơdră Isơrael, yua kơ sư pơm pơ'mê̆ kơ giơng 'bă sư kơdih na krao kon kơdră noh, jing pơjao ăn kơ lu kon drŏ-nglo Jôsep, kon drŏ-nglo Isơrael; yua kơ noh lăm adrĕch adrung ưh kơ đei chih răk anăn sư kon kơdră.

II Sam 20:3

Lăp Đawit brŏk tơ hnam pơtao sư tơ pơlei Jêrusalem boih pơtao wơh bơngai chă mơjĭt 'nu akăn kơnhŏng pơtao lê̆ kơ lu sư wei-lăng hnam pơtao ki, pơtao ăn kơ lu sư oei minh pôm hnam đei bơngai wei-lăng; pơtao ăn kơ lu sư tơmam sa mă-lei ưh kơ đei oei hơdai hăm lu sư. Lu sư oei adro adrô̆ klo lu sư oei arih ră; păng chĭt lu sư lăm anih hrĕp truh kơ năr lôch.

II Sam 16:22

Đe pơm ăn kơ Apsalôm minh pôm bơsŭn tơ kơpal bơbŭng hnam pơtao, Apsalôm năm 'bĭch hơdai hăm lu akăn kơnhŏng 'bă sư. Đĭ-đăng bơngai Isơrael băt tơdrong noh.

I Sam 2:24

'Nĕ pă pơm thoi noh, ơ bre kon drŏ-nglo inh, ưh kơ 'lơ̆ng ôh tơdrong inh kơtơ̆ng lu kon pơlei Kră Yang roi pơdah rai să.

Lêwi 20:11

Tơdah bơngai bu mă 'bĭch hăm akăn 'bă sư kơdih, noh jơ̆ pơm mơlâu pơ'brơh kơ 'bă sư. Bre sư pơm kư̆ kă noh đe gô pơlôch đĭ, pham lu sư gô tuh tơ kơ̆l lu sư kơdih.

Bl 49:4

Kon nhen thoi đak poh-yă, na e pă đei tih hloh boih. Yua kơ kon tŏk tơ giơng 'bă, E tŏk kơpal giơng 'bă pơm mơgrĭ kơnê̆ noh!

Bl 37:2

'Nâu roi tơdrong adrĕch adrung Jakôp. Jôsep sư mơjĭt-tơpơh sơnăm, sư wei triu hơdai hăm lu đe 'nhŏng oh sư, sư pơm buăl juăt hăm lu kon Bila hăm kon Yilpa, 'bar 'nu akăn kơnhŏng 'bă sư. Jôsep sư roi kơ 'bă sư tơdrong lu đe noh pơm kơnê̆.

Bl 35:22

Kơplah, lu đe Isơrael oei tơ dêh noh, na Rubên đei năm 'bĭch hơdai Bila, akăn kơnhŏng 'bă sư; Isơrael băt tơdrong noh.

II Kor 2:5

Tơ̆ng đe pơm kơ inh ưh kơ hiôk, ưh kơ sĭ kơdrô̆ inh ôh sơ'ngon, iĕm kư̆m sơ'ngon lei-lăi. Mă-lei tơdrong noh inh ưh kơ kăl kơ pơma lơ ôh.