I Kor 4:12 - Sơ̆p Hlabơar Nơ̆r 'Bok Kei-Dei

¹² Nhôn jang sa păng ti kơdih. Đe oei hiĕk achơ̆ kơ nhôn, nhôn kư̆m krao khan kơ 'Bok Kei-Dei tơgŭm lu sư mơ̆n; đei mơ'nah pơm kơnê̆, nhôn mơ̆ng đĕch;

I Kor 4:12 Referans Kwoze

I Pet 3:9

Mă đe pơm kơnê̆ kơ bơ̆n, bơ̆n 'nĕ pơm tơwih kơ đe; mă đe pơma kơnê̆ kơ bơ̆n, bơ̆n 'nĕ pơma tơwih kơ đe, bơ̆n rai krao khan apinh 'Bok Kei-Dei mơnat kơ sư dơ̆ng. Bĭ 'Bok Kei-Dei kư̆m mơnat kơ bơ̆n na Sư krao iŏk bơ̆n jing kon Sư.

Mathiơ 5:11

“Hiôk bĕ lu iĕm, mă đe pơjăm pơjuă iĕm, pơm kơnê̆ kơ iĕm, dah bâu roi 'bơm iĕm tôm tơdrong yua kơ iĕm lui kơ Inh.

Rom 12:14

Mă đe pơm kơnê̆ kơ bơ̆n, bơ̆n 'nĕ kơ blei hiap đe, bơ̆n rai krao khan apinh 'Bok Kei-Dei mơnat kơ sư dơ̆ng.

Rom 12:20

Yua kơ thoi noh na bơ̆n huay kơ kăl pơm kơnê̆ kơ đe. Lăm hla bơar 'Bok Kei-Dei kư̆m đei khan dơ̆ng thoi âu: “Bu pơm kơnê̆ kơ bơ̆n, kơnh pơgê bơ̆n 'bôh sư pơngot dah kơ'bah tơmam kiơ, bơ̆n rai tơgŭm bơngai noh; dah sư ol kơ đak bơ̆n ăn nhă. Dah bơ̆n pơm kơ sư thoi noh, noh sư huay pơm kơnê̆ kơ bơ̆n, sư wih mơlâu kơ bơ̆n dơ̆ng.”

Jang 18:3

Bre sư bơ̆jang tơdrong pơm hnam tua-la-tăng na Pôl năm oei hloi tơ hnam bre sư, jang hơdai păng sư yua kơ Pôl juăt kơ jang tơdrong noh mơ̆n. Pôl kư̆m bơtho rah tơdrong 'Bok Kei-Dei.

Luka 6:28

Pơma rơngơp kơ lu bơngai mă hiap iĕm, krao khan apinh 'Bok Kei-Dei tơgŭm lu bơngai hil kơ iĕm.

I Pet 3:14

Dah đe pơm kơnê̆ kơ bơ̆n yua kơ bơ̆n pơm 'lơ̆ng, noh bơ̆n rai hiôk hloh. Iĕm 'nĕ kơ hli kơ tơdrong lu sư pơm, iĕm 'nĕ kơ tơrơ kơ tơdrong lu sư ngơ̆r.

I Pet 2:23

Đe pơma kơnê̆ kơ Sư, Sư ưh kơ pơma kơnê̆ kơ đe; đe pơm pơmat Sư, mă-lei Sư ưh kơ pơma tơwih kơ đe. Sư gô mơ̆ng kơ 'Bok Kei-Dei đĕch, yua kơ Sư băt kơ 'Bok Kei-Dei sek tơlang tơpăt.

Luka 23:34

Na Yêsu khan kơ 'Bă Sư 'Bok Kei-Dei thoi âu: “Ơ 'Bă, apinh Ih 'nĕ jô̆ yo kơ lu sư, yua kơ lu sư ưh kơ băt lu sư oei pơm kiơ ôh.” Na lu linh ei pơpơn dih băl wă kơ băt bu gơh iŏk ao Yêsu, bu iŏk ao ayơ, bu iŏk ao ayơ. Lu sư asong băl ao Yêsu thoi noh.

Mathiơ 5:44

Mă-lei gah Inh bơtho iĕm thoi âu: Iĕm athei 'mêm mơnat kơ lu bơngai mă pơm kơnê̆ kơ iĕm, krao khan apinh 'Bok Kei-Dei tơgŭm sư,

Jang 7:60

Klaih kơ noh sư sơtơ̆p kŭl-tăng pơma 'bơ̆r re thoi âu: “Ơ Kră Yang, Ih 'nĕ jô̆ yo kơ lu bơngai pơlôch inh.” Na sư lôch hloi. Sôl kư̆m wă kơ đe pơlôch Êtien mơ̆n.

Yo 15:20

“Mă lu iĕm athei 'blŏk gah tơdrong Inh bơtho hei: ‘Đĭch ưh kơ lah tih hloh kơ yŏng sư.’ Đe pơm kơnê̆ kơ Inh păng đe gô pơm kơnê̆ kơ iĕm mơ̆n. Đe lui yom kơ nơ̆r Inh bơtho dang yơ, đe kư̆m lui yom kơ nơ̆r iĕm bơtho dang noh mơ̆n.

Ju 1:9

'Bok Mikael, 'bok mă pơgơ̆r tơduă lu sư linh jang 'lơ̆ng, kơplah yŏng yang kơnê̆ wă pơjei iŏk atâu Môis, 'bok Mikael ưh kơ pơ̆n pơma jâu kơnê̆ kơ yang ei ôh. Sư pôm pơma thoi âu đĕch: “Inh gô mơ̆ng kơ 'Bok Kei-Dei đĕch khă e.”

I Tim 4:10

Thoi noh na bơ̆n athei adrin tơpă jang tơdrong 'Bok Kei-Dei yua kơ bơ̆n băt tơpă boih Sư arih ling-lang păng dŏng pơklaih đĭ-đăng bơngai đơ̆ng tơdrong yoch, dôm lu bơngai lui kơ Sư.

II Tes 3:8

Hơtai ki nhôn ưh kơ wă đe 'me sa nhôn ôh. Nhôn kơmăng kơ'năr jang sa kơdih wă kơ iĕm huay kơ 'me nhôn.

I Tes 2:9

Ơ 'nhŏng oh, iĕm hăm băt tơchĕng tơdrong nhôn bơ̆jang gleh tơpă dah ưh? Nhôn bơ̆jang bơtho rah păng jang rah păng ti 'me akâu nhôn kơdih, nhôn wă kơ iĕm huay mơnat kơ nhôn tơmam sa lăm nhôn bơtho iĕm tơdrong 'nao 'lơ̆ng 'Bok Kei-Dei ki.

I Kor 9:6

Dah lê̆ kơ nhi 'me sa kơdih đĕch?

Jang 20:34

Iĕm kư̆m băt mơ̆n inh bơ̆jang păng ti đĕch wă 'me sa akâu inh kơdih hăm lu bôl buăl inh mơ̆n.

I Pet 4:19

Mă 'Bok Kei-Dei ăn tơdrong gleh truh kơ bơ̆n, bơ̆n athei pơm 'lơ̆ng hơnơ̆ng păng pơjao kơ Sư tơdrong arih bơ̆n; yua kơ Sư pơjing bơ̆n, Sư ưh kơ lê̆ bơ̆n ôh.

Rom 8:35

Mă bơ̆n tơ'bơ̆p tơdrong kiơ kiơ, Yêsu Krist Sư wei-lăng bơ̆n, mă bơ̆n đei tơdrong truh pơmat, mă đe areh kơ bơ̆n, mă bơ̆n pơngot rơwĕt, mă bơ̆n bơngai dơnuh, mă bơ̆n đei tơdrong hli, mă đe năm blah bơ̆n, Yêsu Krist ưh kơ lê̆ bơ̆n ôh, Sư 'mêm kơ bơ̆n tơpă.

II Kor 11:8

Inh đei sa apah mơ̆n, đơ̆ng lu bơngai lui pơlei nai. Inh iŏk đĕch tơmam lu sư kư̆m ưh kơ 'lơ̆ng ră, mă-lei wă kơ inh gơh jang tơgŭm iĕm.

Êphêsô 4:28

Lu bơngai mă juăt kơ tơtông, 'nĕ pă tơtông dơ̆ng thoi đêl; athei jang hrat kơdih wă kơ đei tơmam sa kơdih hăm tơgŭm lu bơngai dơnuh hoh.