I Kor 3:9 - Sơ̆p Hlabơar Nơ̆r 'Bok Kei-Dei

⁹ Nhôn jang tơdrong 'Bok Kei-Dei hơdai. Na iĕm dang mir 'Bok Kei-Dei, dang hnam 'Bok Kei-Dei mơ̆n.

I Kor 3:9 Referans Kwoze

I Pet 2:5

Sư ăn kơ bơ̆n arih, na tơdrong arih lu bơ̆n kư̆m thoi lĕ kơ tơmo noh mơ̆n, bơ̆n thoi tơmo 'Bok Kei-Dei yua wă pơjing hnam Sư. Păng bơ̆n kư̆m thoi lu bơngai soi kơ 'Bok Kei-Dei sơ̆, lu sư pơyơ̆r kơ 'Bok Kei-Dei tơmam. Gah lu bơ̆n dang ei, bơ̆n gơnang kơ Yêsu Krist bơ̆n kư̆m pơyơ̆r kơ 'Bok Kei-Dei tơdrong mă Sư lăp đon mơ̆n.

II Kor 6:1

Kơlih kơ thoi noh na nhôn bơngai jang tơgŭm tơdrong 'Bok Kei-Dei, nhôn wă khan kơ iĕm thoi âu: Iĕm sơng iŏk Yêsu Krist boih, iĕm 'nĕ kơ pơ'mêm tŭk Sư kư̆ kă;

I Kor 3:16

Iĕm hăm băt ưh, đĭ dôm bơngai lui tơ Pơlei Kôrintô iĕm âu dang minh pôm hnam 'Bok Kei-Dei yua kơ kiơ? Yua kơ Yang Bơhngol 'Lơ̆ng oei lăm iĕm.

Markôs 16:20

Klaih kơ noh lu bơngai pơhrăm păng Sư năm chă bơtho jơ̆p-jang. Kră Yang Yêsu kư̆m tơgŭm lu sư jang gơh pơm tôm tơdrong mơsêh wă kơ đe băt kơ lu sư bơtho tơdrong 'Bok Kei-Dei tơpă.

Mathiơ 9:37

Yêsu 'bôh bơngai tơpôl lơ noh, na Sư pơma pơtih gia kơ lu bơngai pơhrăm păng Sư gah tơdrong đei lơ bơngai tam mă lui, mă-lei hui bơngai năm bơtho lu sư: “'Bôh ră 'ba lơ dôm noh, mă-lei hui bơngai wă năm kĕch iŏk.

Êsai 61:11

Nhen thoi teh pơm ăn kơ 'long bluh tơmơ̆ng thoi pơgar rei adrĕch bluh chăt thoi yơ. Na Kră Yang kư̆m pơm ăn kơ tơdrong 'lơ̆ng tơpăt, păng tơdrong bơnê ư-ang bluh chăt 'bơ̆t anăp rim kơ adrĕch kon bơngai thoi noh mơ̆n.

I Kor 3:6

Inh pơtăm găr sư boih, na Apôlê pruih đak, mă-lei 'Bok Kei-Dei ăn kơ tơmam noh gơh wơ̆ tih.

Kôlôsê 2:7

Sư pơm tơm kơ bơ̆n na iĕm athei gơnang kơ Sư mă tơpă wă kơ lui kơjăp kiơ̆ thoi đe bơtho iĕm sơ̆, na tơdrong lui iĕm rai đunh rai wơ̆. Mă tôm tơdrong kiơ kiơ athei bơnê kơ 'Bok Kei-Dei ngăl.

Êphêsô 2:10

Tơdrong 'Bok Kei-Dei ăn kơ bơ̆n jing bơngai 'nao, yua kơ bơ̆n pôm đon hăm Yêsu Krist. Tơdrong bơ̆n jing bơngai 'nao noh Sư wă kơ bơ̆n pơm tôm tơdrong 'lơ̆ng tơpăt ngăl, na blŭng-a sơ̆ 'Bok Kei-Dei wă kơ bơ̆n pơm 'lơ̆ng ling-lang thoi noh.

I Kor 6:19

Akâu bơ̆n jing hnam Yang Bơhngol 'Lơ̆ng đơ̆ng 'Bok Kei-Dei ăn Sư oei lăm akâu bơ̆n. Na akâu bơ̆n ưh pă jing thoi lĕ tơmam bơ̆n ôh, dang jing tơmam 'Bok Kei-Dei boih,a

Jang 4:11

Yêsu thoi lĕ kơ minh pôm tơmo mă lu bơngai man hnam tŭk lê̆, mă-lei tơmo noh dang ei gĭt tơpă, yua wă man 'bơ̆t mum hnam. Iĕm boih thoi lĕ kơ lu bơngai man hnam noh yua kơ iĕm tŭk lê̆ Yêsu.

III Yo 1:8

Kơlih kơ thoi noh na bơ̆n khŭl bơngai lui athei mơnat ăn kơ lu sư tơmam dah jên tơgŭm sư năm bơtho tơdrong 'Bok Kei-Dei.

I Tim 3:15

Dah inh ưh kơ yĕng năm, inh chih kơthơ âu boih wă kơ ih băt bơ̆n 'nhŏng oh bơngai lui wă pơm thoi yơ lăm hnam 'Bok Kei-Dei. Bơ̆n bơngai lui jing kon Kră Yang 'Bok Kei-Dei. Sư boih arih ling-lang ưh kơ đei layơ lôch, na lu bơ̆n bơngai lui mă răk tơdrong 'Bok Kei-Dei kơjăp, trŏ kơ bơ̆n bơtho tơdrong Sư kơ đe nai dơ̆ng.

Êsai 61:3

Wă ăn kơ lu bơngai ơh sơ'ngon oei tơ pơlei Siôn hơgăl pơkao tơplih kơ tơnuh tuh ăn đak 'bâu phu hiôk chơt tơplih kơ ơh sơ'ngon, pơhrŭk ăn ao bơnê ư-ang tơplih kơ jơhngơ̆m ơh klai. Đe gô krao sư tơm 'long kôih tơdrong tơpăt, 'long mă Kră Yang đei pơtăm bơih. Wă tơ'bôh tơdrong ư-ang Kră Yang.

II Kor 6:16

Hnam 'Bok Kei-Dei hăm rup yang nai ưh kơ gơh tơmơ̆t băl ôh. Lu bơ̆n kư̆m dang hnam oei 'Bok Kei-Dei mă arih ling-lang, yua kơ Sư khan boih thoi âu: “Inh wă oei hơdai iĕm, nơnăm hơdai iĕm; Inh pơm Kră Yang iĕm, iĕm jing kon pơlei pơla Inh.”

Je 2:21

Inh pơtăm boih thoi minh tơnơm hơmu 'lơ̆ng Inh rơih iŏk, tă kơ găr adrĕch 'lơ̆ng ngăl. Na liơ iĕm tơplih lê̆ jing tơm hơmu bri kơnê̆?

Horiso 118:22

Tơmo mă thơ̆ mam hnam hŭt lê̆, jing tơmo man 'bơ̆t mum hnam

Horiso 72:16

Ăn kơ đei 'ba hơbŏ rơkah rơkai tơ kơpal teh păng 'bĕnh tơ kơpal kông; plei 'long sa lơlap thoi bri tơ char Liban. Ăn kơ kon pơlei oei lăm pơlei tih gô hrôh ngôh thoi 'nhĕt tơ mir.

Hêbrơ 3:6

Mă Yêsu Krist Sư kư̆m jang trŏ thoi 'Bok Kei-Dei pơkă mơ̆n, mă Sư jang wei-lăng đĭ-đăng kơ hnam dơnŏ 'Bok Kei-Dei hloi, yua kơ Sư Kon 'Bok Kei-Dei. Lu bơ̆n, tơ̆ng bơ̆n oei lui kơjăp, bơ̆n kư̆m hnam dơnŏ Sư mơ̆n, dah bơ̆n oei gơnang kơ Sư tơgŭm bơ̆n khŏm khŏm.

Mathiơ 16:18

Ơ Pêtrôs, Inh wă khan kơ ih, ih thoi lĕ kơ tơmo kŭk; kơpal tơmo kŭk noh boih Inh wă pơm hnam Inh, hnam noh wă khan lu bơngai lui kơ Inh. Na dôm lu yang kơnê̆ ưh kơ kĕ blah lu bơngai lui noh ôh.

Êsai 61:5

Lu bơngai tơmoi oei tơ noh wă wei rong khŭl triu lu iĕm, lu bơngai tơmoi gô choh mir chŭn păng pơtăm hơmu ăn kơ lu iĕm.

Êsai 32:20

Pŭn dêh kơ lu iĕm rei adrĕch jê̆ tơter đak, achăng rơmo aseh chă sa mơ̆ng kơ wă.

Tơdrông Pơđơk 9:1

Tơdrong gơh hơgei đei boih pơjing hnam kơdih. Sư traih boih tơpơh tŏ jrăng sư.

Mathiơ 15:13

Na Yêsu pơma pơjuang kơ lu bơngai ei thoi âu: “'Long kiơ 'Bă Inh tơ plĕnh ti ưh kơ đei pơtăm, 'long noh Sư buch tŭk pơđĭ.